Tom èchùŋ kè kə Lûk tè nyaʼ 2:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Ə̀ piə Tsàmtè se ghàyn ndâyn ə tɔ̂ŋ ə̀ Ndàfît, ə̀ nyi Klâys Pɛ̂pɛ.

Tom èchùŋ kè kə Lûk tè nyaʼ 2:11 ပူးပေါင်းရင်းမြစ်များ

Matyò 1:16

Njàkɔ̂p tè nyi pɨ̀a Njosɛ̀f. Njosɛ̀f tè nyi ndomə̀ Mèli vɛ ə è tè piə Njisə̀s vɛ tɔŋtə nə Klâys.

Matyò 1:21

È nə̀ piə vayn ndômə̀ ə ò tsɨ zə vəyn nə Njisə̀s, kûmə̀ nə è tə sɔ̀zâ ə̀ghɨ ə vəynghe ə ghənə sepi.”

Matyò 16:16

Shimùyn Pità ə pìə nə, “Ò nyi vɛ ə chɔʼ ndə̂m, ə Va Fèzhə̀ fɛ ə fe ndamə.”

Matyò 16:20

Njisə̀s ə fo fɨ̀as sê chùmtè èpàm sə vəynse nə kə ghənə tsayn sê wùə nə zhi nyi vɛ ə chɔʼ ndə̂m.

Tom èchùŋ kè kə Lûk tè nyaʼ 1:43

M nyiə nyi nâʼà ndè kə nyiə Pɛ̂pɛ vɨ̂mè pə̀yn se môtè əmi ə?

Tom èchùŋ kè kə Lûk tè nyaʼ 1:69

Fe ə fo mbàŋ àngyə̀s sê ghâsènì mə è fɨ esas ə ndɛ Ndàfɨ̂tzè, ə wufɨ̀aʼa ə̀ vəyn.

Tom èchùŋ kè kə Lûk tè nyaʼ 2:26

mə Zuʼse Ŋwaʼase ə tə tyə̀yn sê vəyn nə è tə kwuə va ə̀ tsɛ̂ kə va mə è və fe wùə vɛ Pɛ̂pɛ tè se nyi mə è və chɔʼ se tom.

Tom èchùŋ kè kə Lûk tè nyaʼ 2:4

Njosɛ̀f ə fɨə ə tɔ̂ŋ ə̀ Nazalɛ̀t ə Ngalìlî ə kɔʼɔ ə Petlɛ̀ghêm ə Njòndyâ mə ə̀ za nyi tɔ̂ŋ ə̀ fɔ̀yn Ndàfît kûmə̀ nə è tè nyi wùə èsas ə ndɛ̂ Ndàfîtzè. È tè ndùə se nyàʼ əzə ə yî Mèlighe kə è tè njiə sə zhwi. Ə̀ nyi za Mèli e nyi èndwɔ̂.

Njɔyn 1:41

Kè sə ashìŋə̀, è və kyiŋə ànyì ə̀ vəyn ə pìə sê vəyn nə, “Ghàs ə fe sɔ̀zà mə za nyi vɛ ə nyi mə ə chɔʼ.’” (Mə za nyi Klâys)

Njɔyn 1:45

Filìp ə fe Nàtanyèl ə pìə sê vəyn nə, “Ghàs ə fe wùə vɛ Mosîs tè nyaʼ kûmə̀ vəyn ə ŋwàʼlè àlâŋ nə, ə̀ nyi kepî vɛ ə fɨ̀aʼtèsè tè nyaʼ kûmə̀ vəyn. È nyi Njisə̀s vɛ ə è ndò pə̂yn endaʼ ə Nazalɛ̀tzè, mə nyi vâ Njosɛ̀f.”

Njɔyn 11:27

Maltà ə pomə ə pìə nə, “M pomə̂ ndò ə Pɛ̂ nə ò nyi vɛ ə chɔʼ ndə̂m, mə za nyi Va Fèzhə̀ vɛ ə Zhə̀fè tè tsɨ̀ne nə È tə pə̂ ə mbi.”

Njɔyn 20:31

Pîza ə tè nyàʼ ghɨ̂nə̀ kə ò pomə nə Njisə̀s nyi vɛ ə chɔʼ ndə̂m, ə Vâ Fèzhə̀. Ə ghàyn pomə sê Vəyn, ə ghàyn tə kyî èndam zɛ ə ze tə mîə va ə Vəyn ezə.

Njɔyn 4:25

Wùzhɔyn ə̀təyn ə ke pì sê vəyn nə, “M ke ndô nə vɛ ə chɔʼ ndə̂m tə pə̂ ndò se tsâ paynsê əghɛ ə̀kɨ̂m sê ghâsènì.”

Njɔyn 4:42

Ghənə ə pìə sê wùzhɔyn nə vɛ nə, “Ghasə pomə se Njisə̀s zôyn, ə va chi kûmə̀ èghɛ zɛ ə ò pì, kûmə̀ nə ghàs è ngɨŋ sas se ə zɨ zaʼlə ə Vəyn, ə kê səmɔʼ nə È lote nyi Sɔ̀zà ə̀ mbi.”

Njɔyn 6:69

Mə zôyn, ghàs pomə̂ ndò ke nə ə̀ nyì ghô wùə è Ŋwaʼa vɛ ə è ndò pə̂yn sê Zhə̀fè.”

Njɔyn 7:41

Yîghe pîə nə, “È nyi vɛ ə chɔʼ ndə̂m.” Pîza Yîghe pîə nə, “Vɛ ə chɔʼ ndə̂m vayn kaʼa è pəyn ə Ngalìlî!

Ətefɨ̂aʼ 10:36

Ghàyn nyiə ke tom zɛ ə Zhə̀fè tè tom sê ghɨə Isìlâyghè, ə̀ nyi tom èchùŋ zɛ ə è pə̀ è pɔ̂ynè tɔynə̂ ə Njisə̀s Klâys. Njisə̀s nə vɨ̂yn nyi Pɛ̂pɛ sê ghɨghe əkɨ̂m.

Ətefɨ̂aʼ 13:23

Njisə̀s vɛ ə è tè fɨ etɔ̀ŋ ə ndɛ Ndàfîtzè, ə nyi Vəyn vɛ ə Zhə̀fè tè ndəm nə è və nyi Sɔ̀zà se ghɨə Isìlâyghè, kè kə è tè tsɨ̀ne nə Zhi tə nə̂.

Ətefɨ̂aʼ 17:3

È tè tsâ paynsə̂ ə̀ghɛ, tyə̂nə̀ əndayn, piə nə, vɛ ə kɨmne ndə̂m nyîə kyi se fe ngəʼ, se kwu se fɨnə zòmə̀, “Njisə̀s vɨ̂yn ə m wâmnə̀ sê ghàyn kûmə̀ vəyn, ə nyi vəyn vɛ ə chɔʼ ndə̂m.”

Ətefɨ̂aʼ 2:36

Pità ə fɨnə pîə nə, “Ghàyn ghɨə Isìlâyghè ə̀kɨ̂m, ghàyn ə ke səmɔʼ nə m wàmnə̀ kûmə̀ Njisə̀s vɛ ə ghàyn tè nəyn ə payntə̂ Vəyn ə awâmnè, pîza Zhə̀fè ə nə̀ nə è və nyi Pɛ̂pɛ, fɨyn nyi vɛ ə chɔʼ ndə̂m.”

Ətefɨ̂aʼ 5:31

Zhə̀fè ə njìə kɔʼsə̂ Vəyn ə Vəyn ekɔyntwɔ ə nə̀ Vəyn nə È və nyi Wùə èchisə fɨyn nyi Sɔ̀zà, kə È nəyn ə ghɨə Isìlâyghè ə kyi èndom se kwiynê ətəm ə ghɛ piə ghənə, kə Zhə̀fè lɛse fo sèpi sə ghənə̂sè.

1 Kɔlìŋ 15:47

Andàm ə̀shi vɛ ə tè fɛte mchi tè pə̀yn mchi, Andàm e kòmtə ə pə̀ ekwùtwəyn.

Filìpây 2:11

ə nâʼàpî ndè pi ə ndayn nə Njisə̀s Klâys nyi Pɛ̂pɛ, È pîə nyi, pomsê ətəynze e ndûə sê Zhə̀fè, ə̀ nyi pɨ̀a.

Filìpây 3:8

Ə̀ va ke zɛ mə, m fe nâʼà pîghè nə ə̀ nyi kàyntè ènjìsè, ghɛ zhîze e va zɛ ə ze ghaʼa tsɛ̂ se ke Njisə̀s Klâys kə Pɛ̂pɛ. Kûmə̀ vəyn, mə màʼà ghɛghe əkɨ̂m, fe ghəynghe kə eliŋ kə m kaʼa m ke Njisə̀s Klâys.

Kòlosè 2:6

Kə ghàyn nyi mə ghàyn ə tə pomə̂ Klâys Njisə̀s kə Pɛ̂pɛ vâyn, ghàyn e pa nə̂ kə ə̀ghɛ kə è kyiŋə.

1 Njɔyn 4:14

Ghâsènì ə fe, tsâ ndûə se ghɨə mɔ̀ʼɔ nə Pɨ̀a ə tə tom Va vəyn nə è və nyi sɔ̀zà ə̀ mbi.

1 Njɔyn 5:1

Naʼapi ndè vɛ ə è pomə nə Njisə̀s nyi vɛ ə Zhə̀fè chɔʼ ndə̂m nyi va Fèzhə̀. Ə̂ kɔ̀ŋɔ̀ pîndè Pɨ̀a, ə è və pɔŋɔ kɔ̂ŋɔ̀ kəpi vayn vɛ ə Pɨ̀a kyi.