Tom èchùŋ kè kə Lûk tè nyaʼ 2:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ Pîza, Tsì ə̀ Pɛ̂pɛ nə zɛ ə pìə sê ghənə nə, “Kə ghàyn fayn, m pəyn è tom èchùŋ sê ghàyn, è nyi se fo esaŋnê sê ghɨghe əkɨ̂m.

Tom èchùŋ kè kə Lûk tè nyaʼ 2:10 ပူးပေါင်းရင်းမြစ်များ

Matyò 14:27

Pîza kè sə ashìŋə̀ Njisə̀s ə wàmnə̀ sê ghənə ə pìə nə, “Ghàyn kyi təmə, ə̀ nyi Mi; kə ghàyn fayn.”

Matyò 28:18

Njisə̀s ə kɨŋtə̂ paʼsə̂ ndûə sê ghənə ə pìə nə, “Zhə̀fè ə fo tyaʼke akɨ̂m sê mi ekwùtwəyn è kɨsè ə chi.

Matyò 28:5

Tsì ə̀təyn ə wàmnə̀ se zəyn ghɛ ə pìə nə, “Kə ghàyn fayn. M ke ndô nə ghàyn kyiŋə Njisə̀s vɛ ə tè paynte awâmnè.

Ŋwàʼlè ə̀ Mâk 1:15

pîə nə, “Shîŋə̀ kə kwəyn fɔ̂yn ə Fezhə̀ və paʼsê. Ghàyn kwiyne təm ghaynghe piə ə pomə̂ tom èchùŋ zɨ̀yn.”

Ŋwàʼlè ə̀ Mâk 16:15

È və pìə sê ghənə nə, “Ghàyn ndu luʼ tekɨ̂m ə mbi ə ghàyn ndaʼa tom èchùŋ sê ghɨghe əkɨ̂m.

Tom èchùŋ kè kə Lûk tè nyaʼ 1:13

Pîza tsì nə zɛ ə pìə sê vəyn nə, “Kə ò fayn ə Sàkàlyâ kûmə̀ nə Zhə̀fè əzɨ tsə̂m zɛze. Zhwi vɛ̂vè Ɛ̀lisapɛ̀t nə̀ piə vâyn ndômə̀ sê ghò, ə ò tsɨ̀ zə vəyn nə Njɔyn.

Tom èchùŋ kè kə Lûk tè nyaʼ 1:19

Tsì ətəyn ə piə nə, “Ə̀ nyi mi, Ngapɨ̀lɨyà vɛ m tyəm ə Zhə̀fè ə ngwùŋ. Ə̀ tom fəynfe è mi nə m pə̀yn tsayn tom èchùŋ nə zɨ̂nə sê ghò.

Tom èchùŋ kè kə Lûk tè nyaʼ 1:30

Pîza tsì nə zɛ ə pìə sê vəyn nə, “Kə ò fayn ə Mèli, Zhə̀fè ə ndə̀m gho kɛke.

Tom èchùŋ kè kə Lûk tè nyaʼ 2:11

Ə̀ piə Tsàmtè se ghàyn ndâyn ə tɔ̂ŋ ə̀ Ndàfît, ə̀ nyi Klâys Pɛ̂pɛ.

Tom èchùŋ kè kə Lûk tè nyaʼ 24:47

ə fɨyn kyi sè zhə̀tə ə Njèlusalɛ̀m sè tsà eghɛ ə Fezhə̀zè ə vəyn ezə, nə ghɨə kwiyne təmə kə Pɛ Zhə̀fè lɛse fo sèpi sə ghənə̂sè.

Tom èchùŋ kè kə Lûk tè nyaʼ 8:1

Epàm ətəyn Njisə̀s ə ndò kwiə ndàʼà tom èchùŋ kûmə̀ èfɔ̂yn ə Fezhə̀vè ə setɔ̂ŋ è tə̀ʼse. Ə nyi za, chùmtè èpàm sə vəynse njò sepɛ̀ e nyi yî vəyn,

Ətefɨ̂aʼ 13:32

Ghàs e sè nyi zôyn se tsà tom èchùŋ sê ghàyn, ə nyi zɛ ə Zhə̀fè tè tsɨ̀ne ndəm sê pɨ̀a əghɨ Njûs ghəshiə. Fe ə lwiynse tsɨ̀nè ətəyn sê ghâsènì.

Ŋwàʼlè ə̀ Pɔ̂l sê ghɨə Lûmghè 10:15

Wùə kàʼa è ndaʼa zayn tom nə zɨ̂yn sê ghɨ ndɔ̀ʼɔ ə tom və ə? Ə nyi mə ə nyàʼ ə ŋwàʼlè ə̀ Fèzhə̀ nə, “Ə wùə pə̀ è tom èchùŋ, è pə̀ è saŋnêzè.”

Ɛfesùs 3:8

M nyi ke nâʼà wùə vɛ ə è tətə kwûŋsə̀ əfètə̂ əghɨə Fezhə̀, pîza mə fə tɔ̀ʼnə̀ è mi nyi ə nə̀ nə mə wâmnə̀ sê ghɨ ghɛ ə̀ vachi ə̀ghɨ ə Njûsghè, ndâʼà èghaʼ ekayntə zɛ ə ghɨ ghɛ ə ghe pomə sê Klâys kyi,

Kòlosè 1:23

Ghàyn kyi se faŋə kə ghàyn epomə̂ mə ze nə̂ʼlə̀ va, kyi se tɔ̀ʼɔ̀ tyə̂m, è kɨsè se ndə̀m ətəm ghaynghe əkɨ̂m ətə̂ tom èchùŋ zɛ ə ghàyn zɨ. Tom èchùŋ nə zɛ mə ə ghàyn nyi mə ə kàynè zɨ nyi zɛ ə è nyi mə è zə waŋ mbi èkɨ̂m, ə nyi zə̂ynzè ə è nə̀yn mi Pɔ̂l nə mə nyi wùə àfɨ̀aʼ se Zhə̀fè se ndàʼa zə̂ynzè.