Tom èchùŋ kè kə Lûk tè nyaʼ 19:47 - Ŋwàʼlè ə̀ Fèzhə̀ Mkâyn Mə̂ Fèm

⁴⁷ Njisə̀s ə zhə̀tə̀ sè zɨsə̂ zaʼlə̂ ə Ndɛ Ètsə̀mə kè tuʼmè m̀kɨ̂m. Ngàŋ sə ndɛ Fèzhə̀ seghaʼâsè yî tyə̀ynsè sə esaʼse è chəʼ sə endaʼse e sè kyiŋə endom se zhwiə vəyn,

Tom èchùŋ kè kə Lûk tè nyaʼ 19:47 ပူးပေါင်းရင်းမြစ်များ

Matyò 21:23

Njisə̀s ə kɛsə̂ ə ndûə njiə ə Ndɛ Ètsə̀mə sè zaʼlə̂ ə̀ghɨ fu, ghɨ kɔʼsə nə eshyə̀ ə ngaŋtəghe è chəʼsə Isìlâysè ə pə̀ pfɨfə sê vəyn nə, “Ò kyi atyaʼ àkè se nə̀yn ə ghɛ ghɨ̀yn ə? Ə̀ fo nde tyaʼ nə kɨ̂yn sê ghò ə?”

Matyò 26:55

Njisə̀s ə kɛsə̂ pfɨfə sê nɔ̂yn kɛ nə, “Ghàyn nyiə fɨ pə̂yn è fɛ̂tè è mbàŋsè nyiə kə ə nyiŋə ə wùə èchɔŋɔ epàm kɨ̀se kyîə miə? Tuʼmè m̀kɨ̂m m tè nyì ə Ndɛ Ètsə̀mə zaʼlə̂ ə̀ghɨ pîza ghàyn ə tàʼa kyiə mi.

Ŋwàʼlè ə̀ Mâk 11:18

Ghɨ kɔʼsə nə eshyə̀ engaŋtəghe yî tyə̀ynsè sə alàŋsè ə zɨə nyî, sè kyiŋə èndom se zhwiə Njisə̀s. Ghənə tè fànə vəyn kûmə̀ nə nɔ̂ynkè akɨ̂m tè nyi èkaynze kûmə̀ ə̀ghɛ ghɛ ə è tè zaʼlə.

Ŋwàʼlè ə̀ Mâk 12:12

Tu ə ghɨ̀ə Njûs nə vɛ ə mɔ̀msə̀ se kyiə Njisə̀s kûmə̀ nə ghənə tə zɨ kê nə è mɛ ngàyn nə zɨ̂yn kûmə̀ ghənə. Pîza ghənə ə fânə̀ ànɔ̂yn ə ghɨ̀ kɛ ə ke tè nyì fu, ə zà vəyn ə ndò.

Ŋwàʼlè ə̀ Mâk 14:1

Ə̀ tè faŋ ke m̀tuʼ mpɛ̀ kə zhi tuʼ fɛ tsì ə̀ Fèzhə̀ tè zaʼ tsɛ sè ndɛ sə ghɨə Isìlâyghè, è tuʼ vɛ kə zhi panə kwaŋ kɛ ə tè nyi mə ə paʼà ndə̀m fèsə̀ʼ ətəyn. Ghɨ kɔʼsə nə eshyə̀ engaŋtəghe yî tyə̀ynsè sə alàŋsè e sè kyiŋə èndom se nyaʼtə̂ kyiə Njisə̀s se zhwi,

Ŋwàʼlè ə̀ Mâk 14:49

M zɨsə̂ kə ghâsènì tuʼmè m̀kɨ̂m, zaʼlə̂ ə Ndɛ Ètsə̀mə, ghàyn e kyîə va mi. Pîza, ghɛ zɛ ə ze nyi ə Ŋwàʼlè ə̀ Fèzhə̀ kyi ndô se kwəyn.”

Tom èchùŋ kè kə Lûk tè nyaʼ 19:48

pîza ə tàʼa fe eghɛ zɛ ə kə ghənə tsɛ̀ epam ətəyn se ko vəyn kûmə̀ nə ghɨ tè zɨə kə eghɛ zɛ ə è pi.

Tom èchùŋ kè kə Lûk tè nyaʼ 20:19

Njisə̀s ə mɛ̀ mɨ̀sə̀ ngàyn nə̂ zɨ̂yn, tyə̀ynsè sə esaʼse yî ghə̀ ghɨ ekɔʼsə nə eshyə̀ ə ngaŋtəghe ə ke kyiə kə ndò nə è fè mɛ̂ zâ kûmə̀ kə ghənə tè se mɔ̂msə̀ se kyiə vəyn kè ashìŋə̀ nə kɛ ə fɨnə fânə̀ kə əshi ə ghɨ̀ə.

Njɔyn 10:39

Ghənə ə mɔ̀msə̀ kwəynsə̂ se kyîə ə Njisə̀s, pîza È və ndinə fɨə ə ghənə gho.

Njɔyn 18:20

Njisə̀s ə pə̀ynsə̀ ə pìə nə, “Mə wàmnè ə ndayn sê nâʼàpî ndè, zaʼlê Zɨmze kɨ̂m tè njiə eluʼ ə ndɛ àtsɨ̂ynte è kɨsè ə Ndɛ Ètsə̀mə, elùʼ vɛ ə ghɨgh əkɨ̂m tè pə kaʼke amɔ̀ʼ. M paʼà tyəmə̂ nyaʼtə̂ pîə èghɛ zhîze.

Njɔyn 7:19

Mosîs ə tə fo Lâŋkè sê ghàyn, mə è tè paʼà fo? Pîza kè nâʼà wùə èmɔ̀ʼ ə ghàyn əfètəyn ə tàʼa ndə̀m ə kəynke. Kûmə̀ ghè ə ghàyn mɔ̀msə̀ se zhwiə mi ə?”

Njɔyn 7:44

Yîghe sè kyiŋə se kyiə Njisə̀s pîza wùə ə tàʼa mɔ̀m ə vəyn è ghoke.