Tom èchùŋ kè kə Lûk tè nyaʼ 18:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Ə̀ nyiə kàʼa ə pɨl faŋ Fèzhə̀ se zɨtê echi zɛ ə ghɨ fəynfe ghɛ ə fe chɔʼte chîə sê fəynfe, èchwì ètuʼu ə? Ə fe za kàʼa ə fe ə puʼsə̂ kə ndò ghənə ə?

Tom èchùŋ kè kə Lûk tè nyaʼ 18:7 ပူးပေါင်းရင်းမြစ်များ

Matyò 24:22

Pîza Zhə̀fè nyi mə è və fàftè tuʼ mə ètsòs nə mɨ̂yn. Ə È tè tàʼa nə̀yn zamə, mə wùə vîvè tə sɔ̂ fɨə va. Kûmə̀ kə ə̀ghɨ və kə È chɔʼ ndə̂m È tə fâftə̀ mtuʼ nə mɛ.

Matyò 24:24

Kûmə̀ nə ghɨə etsɨə tə fɨə pə̂ ə tsâ nə ə nyi vɛ ə chɔʼ ndə̂m è fɨ̀aʼtè sə akaŋse ə sə tyə̂nə̀ sèchwìə sekwə̂mnəse, mɔ̂mə̀ əghɛ kayntə kè se mɔ̀msè se fe nə ghənə nyiə kaʼa ə kyiŋse nâʼàpi ə̀ghɨ ghɛ Zhə̀fè se nyi mə fe ə chɔʼ se sɔzà.

Matyò 7:11

Mə ghàyn pofə nyî, ke se fo efɨa echûŋvè sê ghɔyn ghanə, ə zə nyi tayn zàyn sê pɨ̀a vâyn vè ekwùtwəyn se fo efɨa echûŋvè sê ghɨ ghɛ ghe pfɨf sê Vəyn ə!

Tom èchùŋ kè kə Lûk tè nyaʼ 11:13

Ə ghɨə piə nyiə kə ghàyn nyiə se ke se fo efɨa echûŋvè sê ghɔyn ghaynghe, ə nâʼà Pɨ̀a vâyn vɛ ə è nyi ekwùtwəyn faŋ zayn se fo sezuʼ se Ŋwaʼase sê ghɨ ghɛ ə ghe pfɨf sê vəyn ə?”

Tom èchùŋ kè kə Lûk tè nyaʼ 2:37

È və kwuə ze sè nyi za mə è və ndəmə̂ sè nyi sepìŋ mghɨm famə njòse kyàʼ nâʼà pîza ndam tsɨs ke ə Ndɛ Ètsə̀mə kɔʼsə̂ Fezhə̀ pamə ècho tsə̂mə̀ èchwì tsə̂mə̀ etuʼve.

Tom èchùŋ kè kə Lûk tè nyaʼ 21:28

Ə ghɛ nə ghɨnə zhə̂tə̀ se kyàyn nâʼà pi ashìŋə̀ àkè, gha ndwisə̀ ètu vayn ə naynə̂ ekwùtwəyn kûmə̀ nə shîŋə̀kè se paʼsə̂ pə̂ kə Zhə̀fè zɔ̀ za ghàyn.” (Matyò 24.32-35; Mâk 13.28-31.)

Ŋwàʼlè ə̀ Pɔ̂l sê ghɨə Lûmghè 8:33

Ə̀ tə pîə ndè nə ghɨ ghɛ ə Zhə̀fè chitê nyi mə ə pfɨ̀ saʼa? Ə̀ pi Fezhə̀ è ngɨŋə̂ vəyn nə ghâsènì nyi əghɨ ghɛ ə ghe nyi chichi ə və shi.

Kòlosè 3:12

Ghàyn nyi əghɨ ə Fezhə̀ghè, È və tə kɔ̀ŋ ghàyn ə chɔʼɔ ghàyn sə Vəyn əghɨ̀. Ghàyn kyi sə̂ tyə̂nə̀ èsəyn ekoze, tɔ̂ʼnə̀ è ghɨghe, njiə sèngɨŋ saynse ə chi, pɔynə̂, fɨyn kyi ə̀təm.

1 Tèsàlonikà 3:10

Èchwì è tuʼve, ghàs tsə̀mə̀ è təm ghasghe əkɨ̂m nə fe nəyn ə ghasè vəyn fe ke nâʼà ghàyn se zaʼlə ghàyn è fɨa kɛ ə ghàyn pa laʼà se nə̀yn nə kyî epomə̂ zayn fɛte tɛ.

2 Tèsàlonikà 1:6

Zhə̀fè tə fo ètsôs sê ghɨ ghɛ ə ghe tè fo ngəʼ sê ghàyn kûmə̀ nə fe nə̂ kə èghɛ zɛ ə ze nyi chichi

1 Timotì 5:5

Kàyntè ə̀ zhwîə kwu vɛ ə è kyi va wùə nə è və tɔ̂ʼnə̀ è vəyn nyi mə è kwàʼtə̀ lɨmtə̂ kə se Zhə̀fè, tsə̂mə̀ kə ndo shîŋə̀ tekɨ̂m, ndɔnə ètsâmtè sê Vəyn etuʼve, èchwì.

2 Timotì 1:3

M fo àzɔ̀ŋnè sê Zhə̀ fɛ ə m fɨaʼà sê fəynfe mə təm ghɨmə saʼa va mi kèpî endom vɛ ə pɨ̀a ghɨmə tè fɨ̀aʼa. M fo àzɔ̀ŋnè se Vəyn kə m pɨ̂əytə̀ ghò ə mì etsə̀m shîŋə̀ tekɨ̂m, èchwì è kɨsè etuʼve.

2 Timotì 2:10

Ə̀ za nyi eghɛ zɛ m kolə təmə nâʼàpî ə tə ghè kè kûmə̀ ə̀ghɨ ghɛ ə Klâys nyi mə È və chɔʼtê, kə ghənə tə pɔŋ kyî èsɔza zɛ ə ze pə̂ tɔynə̂ ə Klâys Njisə̀s, pə̂ è pomsê zɛ ə ze tə mîə va.

Taytùs 1:1

Ə̀ nyaʼ mi Pɔ̂l ŋwàʼlè zɨ̀yn. M nyi wufɨ̀aʼa ə Fèzhə̀, fɨyn nyi wùətom ə̀ Njisə̀s Klâys. Ə tè chɔʼ tom mi nə m tsamte se nə̀yn nə kyî epomə̂ əghɨ̀ ə Fezhə̀ ghɛ ə fe chɔʼte ə tɛ, se fɨnə nə̀yn nə ghənə ə ke səmɔʼ zɛ ə è nyi tsàmtè ə ghənə se nə̀yn nə ghənə ke Zhə̀fè.

1 Pità 1:1

Ə̀ nyaʼ mi Pità ŋwàʼlè zɨ̀nə̀, ə wùətom ə̀ Njisə̀s Klâys sê ghàyn ghɨə Fezhə̀ ghɛ ə fe chɔʼte, mə ə sàŋ fɨse ghàyn, ghàyn ghɛ ə waŋ nga ndaʼ ə Lûm, epɨ̂as endaʼ ə Pontùsvè, è Ngàleshyà, è Kàpàndoshyà, è Esiyà, è Pìtinyà.

2 Pità 3:9

Pɛ̂pɛ zɔlə va se nə̀yn eghɛ zɛ ə è tsɨ̀nə̀ kə ghɨə mɔ̀ʼɔ kwâʼtə̀. È pɨlə kolə kə ndò təmghe è ghàyn, kyiŋə va nə nâʼà wùə emɔ̀ʼ njise, pîza nə nâʼàpî ndè kəmne ə vəyn ə sepi.

Etyə̂yn ə paynsêzè 18:20

“Ghàyn ghɛ ə ghàyn ndamə ekwùtwəyn, ghàyn e saŋnə̂. Ghàyn e saŋnə̂ ə ghɨə Fezhə̀ è ghɨətomə, è fɨ̀aʼtèsè kûmə̀ nə Zhə̀fè ə kà saʼ ə̀ Papilɔ̀yn pɔynsə̂ vəyn əghɛ ghɛ ə è tè nə̀yn sê ghàyn!”

Etyə̂yn ə paynsêzè 6:10

Ghənə ə pɨa nâʼà è kyə̀ ètɛ nə, “Pɛ̂pɛ, Pɛ̀ Àtyaʼ Akɨ̂m, ò nyi èŋwaʼve, wâmnə̀ səmɔʼ! Ò nə̀ tsɨsə tânə̀ zàyn tsɔ̀fə kə ò saʼ ghɨ ghɨ̀nə̀ ə chi se fo etsôs sê ghənə kə ghənə tè zhwite ghàs ə?”

Etyə̂yn ə paynsêzè 7:15

Ə̀ za nyi eghɛ zɛ ə ghənə tyəm ashi fèkyə̂ fə efɔ̀yn ə Fezhə̀fè, fɨ̂aʼà sê fəynfe èchwì è tuʼve ə ndɛ ètsə̀mə. Wùə vɛ ə è tè tsɨs əfekyə̀ fə efɔ̀ynfè tè nyì yî ghənə, kɨ̂ŋtə̀ ghənə.