Tom èchùŋ kè kə Lûk tè nyaʼ 18:43 - Ŋwàʼlè ə̀ Fèzhə̀ Mkâyn Mə̂ Fèm

⁴³ Kè sə ashìŋə̀, è və kɛsə̂ fe tèluʼ ə ndò sè chûmtə̀ ndùə vəyn, tsîtə̀ ndùə Fèzhə̀. Ə tè fe naʼapi ndè ghɛ zɛ ə ze kyàyn, è və pɔŋɔ tsîtə̀ kə Fèzhə̀.

Tom èchùŋ kè kə Lûk tè nyaʼ 18:43 ပူးပေါင်းရင်းမြစ်များ

Ngàleshyà 1:24

Zɨnə ə nə̀ ghənə e tsîtə̀ Fezhə̀ kûmə̀ mi.

Ətefɨ̂aʼ 26:18

Ò tə ŋaʼsə̂ ə̀shi ə ghənə̂ghè ə ò nəyn kə ghənə fɨ pəyn alɨm, ə nji pəyn epayn, ə ndo ə satàyn atyaʼ ə nji pəyn atyaʼa Fezhə̀kè, kə tɔynə̂ ə ghənə epomə̂ se Mi, ə pisə ghənə̂sè ə nyi mə ə lɛ̀sè fo, ə ghənə nyi elùʼ emɔ̀ʼ yîghə̀ ghɨ ghɛ ə Zhə̀fè nyi mə fə nə̀yn ghənə e nyi ezoze.›”

Ətefɨ̂aʼ 11:18

Ə pə̀ kə ghɨ Njûsə̀ zɨte ghɛ zɛ ə Pità pì, ghənə tàʼa fɨnə piə pofsê eghɛ kûmə̀ vəyn, ə zhə̀tə̀ tsîtə̀ Fèzhə̀, “Ghənə tè piə nə, ghâsènì ə fe nə Zhə̀fè ə pɔŋ fo kèpi ndom sê ghɨ ghɛ ə̀ vachi ə̀ghɨ ə Njûsghè nə ghənə kwiyne ə za ghɛ epiə ghənə ə kɛse pəyn se Zhə̀fè, ə kyi ndam zɛ ə ze tə mîə va.”

Ətefɨ̂aʼ 4:21

Ghɨ ə ndɛ saʼ nə ghɛ ə fɨnə fo fɨ̀as sê ghənə nâʼà sə ŋaŋ. Ghənə ə ke zà nə ghənə ndo kûmə̀ nə ghənə tè paʼà fe ndomve se pɔynsə ghənə, kûmə̀ nə ghɨə tsɨəghe tè nyîə pɔmsə̂ Fèzhə̀ kûmə̀ ə̀ghɛ ghɛ ə ghe kyâyn.

Tom èchùŋ kè kə Lûk tè nyaʼ 13:17

Kə è wàmnè nyi ə ghomsə̂ sèpàyn sə vəynse. Tsɨ̀tsɨ̂ə ghɨ̀ fu tè nyiə saŋnə kûmə̀ əghɛ ə kayntə ghɛ ə̀kɨ̂m ə è tè nə̀yn.

Tom èchùŋ kè kə Lûk tè nyaʼ 5:26

Ghənə e nyi è kayn, fâynzè ə ko ghənə, ghənə e sè tsîtə̀ Fèzhə̀ pîə nə, “Ghâsènì ə fe ghɛ əkayntə ghe ndàyn!”

Tom èchùŋ kè kə Lûk tè nyaʼ 4:39

È və ndùə tyəmə ə vəyn echo èkwî ə kàyntə̀ əghɛ sê wiyn kasə ətəynve ve ə mìə kə sə ashìŋə̀. Kè sə ashìŋə̀, è və ndwìə ə tsɛ̀sə̀ efɨa e zhiu, ghənə ə zhiə.

Matyò 21:14

Ghɨ fofə, è m̀ngə̂s ə pə̀ sê vəyn fu, È və tsuʼə ghənə.

Matyò 11:5

Tsàyn sê vəyn nə, fòfvè kàʼa ve fe, m̀ngə̂s e kwîə, ghɨ akwùsghè e tɛ. Ghɨ ghɛ ə tè nyi mə ə kwùʼ e zɨə ə̀ghɛ, ghɨ ghɛ ə tè nyi mə ə kwutê è kɛsə̂ ndwîə, e ndàʼà tom èchùŋ sê ghɨ afɨfə.

Matyò 9:8

Ghɨghe ə fe za fâynzè ə ko ghənə. Ghənə ə zhə̀tə̀ se tsìtə Fèzhə̀ Fɛ ə Fe fo tyaʼa sê ghɨə nə ə nə̂ ə̀ ghɛ ghɨ̀yn.

1 Pità 2:9

Pîza, sê ghàyn, ghàyn nyi əghɨ kə Zhə̀fè chɔʼ ndəm. Ghàyn nyi əghɨ ə kɔʼsə nə eshyə̀ghè ə ndɛ̂ Fèzhə̀, fɨ̂aʼà sê Zhə̀fè mə è nyi fɔ̀yn. Ghàyn nyi endaʼ əghɨ̀ eŋwaʼaze. Ghàyn nyi kàyntè əghɨ̀ ə Fezhə̀ ghɛ ə è chɔʼ nə ghàyn ə ndâʼà ə̀ghɛ kayntə ə Fezhə̀ fɛ ə Fe tè tɔŋɔ fɨsê ghàyn ə fètəyn àlɨm ə njìə ndzɨsə̂ ghàyn ə fètəyn èpayn ekayntə ə vəynze.

Tom èchùŋ kè kə Lûk tè nyaʼ 19:37

È və paʼsə̂ ndùə ə Njèlusalɛ̀m sè tso ndùə ə pfɨ̀ynə̀ sè Olìfs, nâʼà anɔ̂yn ə chùmtè epàm ə vəynke àkɨ̂m e sè saŋnə̂ kə ndo, tsìtə̀ Fèzhə̀ nâʼà è kyə̀ se tɛse kûmə̀ əghɛ e kanə ghɛ ə ghənə tè se nyi mə ə fe.

Tom èchùŋ kè kə Lûk tè nyaʼ 9:43

Nâʼà ghɨ əkɨ̂m fu e sè nyi è kayn kûmə̀ atyaʼ ə Fezhə̀a. Ghɨə tè pa kayntə̂ kə ndò ghɛghe əkɨ̂m ghɛ ə Njisə̀s tè nə, Njisə̀s ə piə sê chùmtè èpàm sə vəynse nə,