Tom èchùŋ kè kə Lûk tè nyaʼ 18:39 - Ŋwàʼlè ə̀ Fèzhə̀ Mkâyn Mə̂ Fèm

³⁹ Ghɨ ghɛ ə ghe tè ndùə əshi e sè kɨmsə̂ vəyn piə nə è kɨme mɔŋ. È və sè fɨnə pɨlə pɨa ndùə kə əshi, piə kə nə, “Va Fɔ̀yn Ndàfît, kose səyn sê mi!”

Tom èchùŋ kè kə Lûk tè nyaʼ 18:39 ပူးပေါင်းရင်းမြစ်များ

Tom èchùŋ kè kə Lûk tè nyaʼ 18:15

Ghɨ tè njiə pə̂ è mɨə̀tə̀m sê Njisə̀s nə è kòm ghənə ə è pɔse ghənə. Chùmtè epàm sə vəynse ə fe za se zɔ̂ sê ghɨ təynghe.

2 Kolìŋ 12:8

Mə tə chyatê Pɛ̂pɛ shîŋə̀ teta nə È nji tsɨsè èzaf ətəynze,

Tom èchùŋ kè kə Lûk tè nyaʼ 19:39

Ghɨ Falàsî əmɔ̀ʼɔ̂ kə ghe tè kwiə kəpi anɔ̀yn nə kɛ ə piə sê Njisə̀s nə, “Kɨmse chùmtè epàm sɛ sɨ̂nə̀ ə Tyə̀ynsè.”

Tom èchùŋ kè kə Lûk tè nyaʼ 18:38

È və pɨa piə nə, “Njisə̀s, Va Fɔ̀yn Ndàfît, kose səyn sê mi!”

Tom èchùŋ kè kə Lûk tè nyaʼ 18:1

Njisə̀s ə fɨnə mɛ̂ kəpî ngàyn zhizè sê chùmtè epàm sə vəynse se zaʼlê ə ghənə nə ghənə kyi sə̂ tsə̂mə̀ kə shîŋə̀ tekɨ̂m, pɔ va.

Tom èchùŋ kè kə Lûk tè nyaʼ 11:52

Ngəʼ èghaʼâ nyi sê ghàyn ə tyə̀ynsè sə alàŋsè, kûmə̀ nə ghàyn ndə̀tə̀ àchɔʼ kɛ ə ke chɔʼɔ cho ndɛ etɔfe, nâʼà ghàyn e njiə va ətəyn, fɨnə tâmtə̀ ə ghɨ ghɛ ə ghe kyiŋə se nji ə ndɛ etɔf nə zɨ̂yn.”

Tom èchùŋ kè kə Lûk tè nyaʼ 8:49

Kə Njisə̀s pa wàmnə̀ kə ndo, wùə ə pə̀ mə è ndò ə ndɛ̂ atu ə ndɛ̂ atsɨ̀ynte nə kɛ ə piə sê vəyn nə, “Vayn vɛ̂ vɛ ə kwu. Kə ò fɨyn fo ngəʼ sê tyə̀ynsè.”

Matyò 7:7

Pfɨf sê Zhə̀fè, ə È nə̂ fo sê gho, kyɨŋ ə Zhə̀fè nə̂ nəyn ə ò fe, ngɔʼte, ə Zhə̀fè nə̂ chwie chondɛo sê ghò.

Matyò 8:26

È və pə̀ynsə̀ nə, “Ghàyn fànə tsɛ̂sə̀ ghè nyiə?”, “Pomə̂ zaynze tətə̂ ghè nyiə.” È və ke ndwìə kɔʼ ə tsɛ̀sə̀ àlâŋ sê fof kɛ, tsò ə̀təyn ə tso pɔ.

Matyò 9:27

Njisə̀s ə ndò fumə sè kwîə ndûə, ghɨ e fofə ghə pɛ̀ ə chùmtə̀ vəyn, pɨ̀a tɔŋɔ piə nə, “Kose səyn sê ghàs ə Va fèghàŋ ə ndɛ Ndàfîtfè!”

Tom èchùŋ kè kə Lûk tè nyaʼ 18:40

Njisə̀s ə tyəmə ə piə nə ghəmɔ̀ʼɔ pə̀yn è vəyn sê zhi. Ə pə̀ paʼsə̂ è vəyn ə və shi, Njisə̀s ə pfɨfə sê vəyn nə,