Tom èchùŋ kè kə Lûk tè nyaʼ 18:23 - Ŋwàʼlè ə̀ Fèzhə̀ Mkâyn Mə̂ Fèm

²³ Wùtwɔ vɛ ə zɨə eghɛ nə zɛ, ze ə nə̀, è və saŋnə̂ va kûmə̀ nə è tè nyi ke nâʼà wùə èghaʼâ.

Tom èchùŋ kè kə Lûk tè nyaʼ 18:23 ပူးပေါင်းရင်းမြစ်များ

Matyò 19:22

Kə Kwuŋ endômə̀ ətəynve zɨ ghɛ nə zɛ wiynve ə kwuə vəyn, è və ndò kûmə̀ nə è tè kyi eghaʼ, ze tsɨ̂ə kə nyî.

Ŋwàʼlè ə̀ Mâk 10:22

È və zɨə èwâmnè ə Njisə̀s nə zɨ̂nə̀, kyâʼzè ə pofə ə və atu, è və ndò, saŋnə̂ va kûmə̀ nə è tè kyi eghaʼ, ze tsɨ̂ə kə nyî.

Tom èchùŋ kè kə Lûk tè nyaʼ 12:15

ə fɨnə piə sê nɔ̂yn nə kɛ nə, “Ghàyn tɔ̂ʼnə̀ kûmə̀ əshi ə fɨə kûmə̀ nə ndam ə wùəe va ke kûmə̀ efɨa e tsɨə vɛ ə è kyi, ə kɔ̀ŋ ə è və kyi naʼapi zàyn.”

Tom èchùŋ kè kə Lûk tè nyaʼ 18:22

Njisə̀s ə zɨə zâ ə piə sê vəyn nə, “Ò pa kyi eghɛ èmɔ̀ʼ se nə̀yn, ndùə pəʼle nâʼà fɨave ekɨ̂m kə ò kyi ə fo ekɛ ətəyn sê ghɨafɨfə, kə ò kyi eghaʼ ekwùtwəynze. Ə ò nə̀yn nyi, o pə̀ chûmtə̀ mi.”

Tom èchùŋ kè kə Lûk tè nyaʼ 18:24

Njisə̀s ə naynə̂ vəyn nyìə ə ke pi nə, “E tɛ nâʼà sə ŋaŋ sê ghɨ ghaʼa se nji elùʼ efɔ̀yn ə Fezhə̀e!

Tom èchùŋ kè kə Lûk tè nyaʼ 19:8

Sàkyə̂ ə nə̀ ə ndwìə tyəmə̂ ə pìə sê Pɛ̂pɛ nə, “Fekə, Pɛ̂pɛ, m chyâtə̀ èfɨa vɛ ə m kyi ghasè ghɨafɨfə kè eghɨ, ə̀ fɨyn nyi mə mə lesê wùə ə fiə àfɨa ə vəynke amɔ̀ʼ, ə m kɛse fo ekwàʼ.”

Tom èchùŋ kè kə Lûk tè nyaʼ 21:34

Ghàyn tɔ̀ʼnə̀ kə è ngɨŋ saynse, polə za ə cho ezhiəze, è siə ə mlɨ̀ə, è ndwə̂ etɨme kûmə̀ əghɛ ə mbiə ə nə̂ puʼse shi ə ghaynghe, ə tuʼ nə vɨnə tə pfɨ̂ŋə̀ ko ghàyn kə atam.

Tom èchùŋ kè kə Lûk tè nyaʼ 8:14

Zhi zɛ ə è tàyntè ə m̀sòlèndzɔŋ za nyi kə əghɨ ghɛ ə ghe zɨ ghɛ ətəyn, sè ndamtə̂ kɔʼɔ, shiə ghənə̂ghè e sè tsɨlə, ghənə e kyiŋə eghaʼ, nyɨŋə kə epàm efɨa ə chiu, ghɛ nə ghɨyn e tàsə̀ nə kə ghənə ghəʼne əfètə̂ epomə̂ ə ghənə̂zè.

Ɛfesùs 5:5

Ghàyn nə ke səmɔʼ nə ghɨ ghɛ ə ghe chûmə̀ zənə kɨ̀sə ghɛ ə ghe chûmə̀ ndômnèghè, è ghɛ ə ghe nə̂ ghɛ nyələ mɔ̀ʼɔ, è ghɛ ə shiə ə ghənə fɨə (ə̀ nyi endom vîve sə̂ kɔʼsə̂ èfɨaʼsè) vayn kàʼa ə nji elùʼ efɔ̀yn nə Klaysvè yî Zhə̀fè.

Filìpây 3:8

Ə̀ va ke zɛ mə, m fe nâʼà pîghè nə ə̀ nyi kàyntè ènjìsè, ghɛ zhîze e va zɛ ə ze ghaʼa tsɛ̂ se ke Njisə̀s Klâys kə Pɛ̂pɛ. Kûmə̀ vəyn, mə màʼà ghɛghe əkɨ̂m, fe ghəynghe kə eliŋ kə m kaʼa m ke Njisə̀s Klâys.

Kòlosè 3:5

Nyiəmə, ghàyn nji tsɨsè ə̀təm ghaynghe əghɛ senjà sewìynse nâʼà ə̀kɨ̂m. Ghàyn fɨse təmghe ətə̂ ə̀ghɛ kə, əghɛ sə chûmtə̀ ə̀zəyn, è ndômnèghè, ghɛ eliŋghe, ghɛ ghɛ ə njà sewìynse kyiŋə, sə kyi ekwaʼtè epize, è shiə fɨəghe. Ə ghàyn fɨə èshighe, ə ze ə nyi kəpi ghàyn tɨmə m̀kɨ̂m sê Zhə̀fè mɔ̀ʼɔfe.

1 Njɔyn 2:15

Kə ghàyn ə kɔ̀ŋɔ̀ mbi zɨ̀yn è fɨa vɛ ə ve nyi ətəyn. Ə̀ kɔ̂ŋɔ̀ pîndè mbi zɨ̀yn, ə ze ə tyə̂ynə̀ nə è kɔ̂ŋɔ̀ va Pɨ̀a,