Tom èchùŋ kè kə Lûk tè nyaʼ 18:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Wùə vɛ ə è tè tənə tâksè za ə piə è tsə̀mə̀ ndò ə tyəmə kə sə aghaf ə tàʼa kɔ̀ŋ naʼapi se naynə̂ kɔʼsə̂ ekwùtwəyn pîza ə ndəmə àgho ə vəyn angàŋtè se maʼlə̀ ewiyn piə nə, ‘Zhə̀fè, kose səyn sê mi, m nyi wùə əghɛ piə!’

Tom èchùŋ kè kə Lûk tè nyaʼ 18:13 ပူးပေါင်းရင်းမြစ်များ

Matyò 10:3

Filìp è Pàtòlòmiyâ, è Tɔ̀mɔ̂s è Matyò vɛ è tè tənə tâksè, è Njə̂m ə vâ Àfeyùs, è Tàtyə̂s,

Matyò 6:5

Ə ghàyn piə tsə̂mə̀, kə ghàyn ə tsə̂mə̀ kə ghɨ ghɛ ə kaŋkaŋə nə̂. Ghənə kɔ̂ŋə̀ sə̂ ndwìə tsə̀mə̀ ə sendɛ sə atsɨ̀yntese tsəməse è kɨsè echo fàfə̀, kə nâʼà pîndè fe ghənə. M tsâ sê ghàyn səmɔʼ nə kyì əghɨ̀ ghɨ̂yn ə kàynè kyî maʼte ə ghənə̂zè ekɨ̂m.

Matyò 9:13

Pîza, ghàyn ndu kyiŋ kə ghàyn zɨ kê ə̀ghɛ ghɨ̀ynə ə nyâʼ ə ŋwàʼlè ə̀ Fèzhə̀ nə, ‘Ə̀ nyi ekosê esəyn kə M kyiŋə sê ghɨə, ə̀ vachi è se ə se nyàmzè sê zhə̀tə̀m.’ M tè pâʼà pə̀yn ə mbi se tɔŋə̂ əghɨ ghɛ ə ghe se tyəm chichi, pîza M tè pəyn kûmə̀ ə̀ghɨ piə.”

Ŋwàʼlè ə̀ Mâk 11:25

Ə ò tyəm nâʼà pî ashìŋə̀ àkè se tsə̀m, kyi eghɛ ghâyn wùə, gho lɛ̀sə̀ fo vəyn kə Pɨa vɛo vɛ ə è nyi ekwùtwəyn pɔŋ lɛ̂sè fo sèpi sɛse.

Tom èchùŋ kè kə Lûk tè nyaʼ 17:12

ə nə̀ pə̀ sè njiə ndùə kə ə tə̀ʼ zhize nyi, ghɨ akwùs yîghe eghɨm ə fe vəyn fu ə tyəmə kə sə aghaf

Tom èchùŋ kè kə Lûk tè nyaʼ 22:41

Njisə̀s ə wâmnə̀ za ə ndò ə ghənə ə ngwùŋ ə kɨŋtə ndùə zaʼâ kəpi kə wùə kaʼa è laŋ ngɔ̀ʼ ə è ndu tayn, ə tɨmə ə̀ndzɨs ə chi sè tsə̂mə̀, piə nə,

Tom èchùŋ kè kə Lûk tè nyaʼ 23:48

Ə tè nyi kə ghɨghe ə ghe pəyn sè fe ghɛ zɛ ə ze kyàyn. Ə fe ə ghɛghe ə ghe kyàyn, ghənə kɛse tɨmnə̂ kwɨlə̂ ndùə mwiyn.

Tom èchùŋ kè kə Lûk tè nyaʼ 5:8

Ə̂ pə̀ kə Shimuyn Pità fe ghɛ zɛ ə ze kyàyn, è və tɨmə əngwuʼ ə Njisə̀s əshi ə piə sê vəyn nə, “Ndò ə mìə ngwùŋ ə Pɛ̂pɛ. M nyi wùə èpi!”

Ətefɨ̂aʼ 2:37

Ghɨ nə ghɨyn ə zɨə əghɛ ghɛ ə Pità wàmnè, ghe ə njiə ghənə ətəm nâʼà sə ŋaŋ, ghənə pfɨfə sê Pità yî ghɨətom ə Njisə̀s əmɔ̀ʼɔ̂ nə, “Ghɔnyì ghasə, ghàs nyiə kàʼa ə ghàs ghayn ghe?”

Ŋwàʼlè ə̀ Pɔ̂l sê ghɨə Lûmghè 5:8

Ə̀ vachi zamə kə Zhə̀fè nə̀, kûmə̀ nə ndom vɛ ə è chwìtə̀ ətəyn nə è nyîə kɔ̂ŋə̀ ghâsènì nyi nə Klâys ə kwu ə ghâsènì elùʼ mə ghâsènì pa nyi ə̀ghɨ pighe.

2 Kolìŋ 7:11

Ghàyn fe ghɛ zɛ ə tsôs tɨnə̀ ə te ndô pə̂yn sê Zhə̀fè nə̀yn ə ghàyn endam: tə nə̀yn ghàyn e kyiŋə nâʼà sə̂ nə̂ chùŋ, ə nə̀ ghàyn e kyiŋə nâʼà è tyaʼa se tyə̀yn nə ghàyn nə̀ tsasə va. Ndom vɛ ə ghàyn nyɔ̀ʼsə̀, choze ə zomə ghàyn ashìŋə̀ kɛ ə wùə nə̀yn pofse ghɛze nə̀ nə ghàyn ə kɔ̂ŋə̀ se pɔynsê ə wùə è təm ghaynghe əkɨ̂m. Ghɛ ətəynze ə tə nə̀yn, ghàyn e fànə̀ nâʼà sə ŋaŋ. Ghàyn tè nyiə kɔ̂ŋɔ̀ se fe mi nâʼà sə ŋaŋ. Ghàyn ə tyə̀yn ke ndom tekɨ̂m nə ghàyn paʼà nə̀yn pofse ghɛ zhize kûmə̀ èghɛ nə zɨ̂yn.

1 Timotì 1:15

Ə̀ zɨnə nyi ewâmnè ə səmɔʼze, mə ə kyi se lotə pomə kè kə ze nyi, mə ə mɛnə̂ chîəva ndô, nə Klâys Njisə̀s tè pə̀yn ə mbi se sɔzà əghɨ pighe, m lote nyi kàyntè ə̀ wùə èpi əfètə̂ ə̀ghɨ̀ ə pighe.

Ipilù 4:16

Ə̀ za nyi eghɛ zɛ ə ze tsɔ̂fə̀ nə ghâsènì maʼa fâynzè ə pəyn paʼsê etipì ə fekyə̂ fə elùʼ efɔ̀yn ə Fezhə̀vè elùʼ vɛ ə fûʼkè nyi. Ə nyì fumə ə ghâsènì nə̀ kyiə kosê esəynze, è fùʼkè, se tsàmtə ghâsènì ashìŋə̀ etsòskè.

Ipilù 8:12

M tə lɛ̂sə̀ fo sèpi sə ghənə̂sè ə m mə fɨnə kwaʼtə̀ va ghɛ ghɛ ə ghənə nə̂yn pofse.”