Tom èchùŋ kè kə Lûk tè nyaʼ 17:29 - Ŋwàʼlè ə̀ Fèzhə̀ Mkâyn Mə̂ Fèm

²⁹ Ə tè nyi etuʼ vɛ kə Lôt fɨ ə Sondòm, Zhə̀fè ə fɨsə̂ tsosə̂ èwus ə ekwùtwəyn è chîə, ve fɨə kə mkâyn, ə zhwi tə̂ ə̀ ghɨ ghɛ ə Lôt tè ndò za, nâʼà ə̀kɨ̂m.

Tom èchùŋ kè kə Lûk tè nyaʼ 17:29 ပူးပေါင်းရင်းမြစ်များ

Tom èchùŋ kè kə Lûk tè nyaʼ 17:28

Ghɛ tə nə̂ ə kyànə̀ etuʼ vɛ Vawùə pə̀ kè kə ghe tè kyànə etuʼ ə Lôtè. Ə tè nyi etuʼ nə vɛ, ghɨghe e zhiə, mɨə, zhɔnə èfɨa, pəʼlə̂ èfɨa, zho èfɨa, pɛ sendɛ.

Tom èchùŋ kè kə Lûk tè nyaʼ 17:30

Ə̀ za nyi kə ghɛ tə nə̂ ə ghe ə nyi etuʼ vɛ ə Va Wùə pə̀ ətəyn.

2 Pità 2:6

Zhə̀fè ə tə pofsê tɔ̂ŋ èghaʼâ ə̀ Sondòm è zə Ngòmolà è wusve. Zɨnə mə tè nyì se tyə̀yn eghɛ zɛ ə ze tə kyânə̀ sê ghɨ ghɛ ə ghənə ke va Zhə̀fè.

Njût 1:7

Ghàyn fɨyn kwâʼtè kèpi Sondòm è Ngòmolà è tɔ̂ŋ sə mɔ̀ʼɔse sɛ ə se tè nyì paʼsê pəyn se ghənə, kə ghənə tè nə̂ kəpî ə̀ghɛ ə nyələghe, nyɨ̂ŋə̀ è ghɨghe endom vîve mə ə ke va vəynve. Wus vɛ ə ve ndɨmə tsɛ̂ va ə tə pofsê tɔ̂ŋ se ghaʼâ nə sɨ̂yn se tyə̂m kə fɨ̀as sê ghɨghe əkɨ̂m.

Etyə̂yn ə paynsêzè 11:8

Ə pfɨyntə ghənə̂tè faŋ ke endom e twɔve ə tɔ̀ŋ èghaʼâ zɛ ə tè paynte Pɛ̂pɛ ə̀ ghənə ətəyn awâmnè. Ghɨə mɔ̀ʼɔ pîə nə tɔ̂ŋ èghaʼâ nə zɨnə mə njiə eluʼ ə Sondòmvè, kɨ̀sə Enjìp.

Etyə̂yn ə paynsêzè 14:10

ə Zhə̀fè tə nə ə Fe ə fɨsə̂ èndwɔ̂ sê ghənə, ə fe fo tsôsvè sê ghənə nâʼà sə ŋaŋ, kè kə mlɨ̂ mə ètɛ ndɔ̀ʼɔ sɔmnə ə Zhə̀fè ndə̀m ə wà ə fo nə ghənə mɨ. Zhə̀fè tə nyâplə̀ ghənə è wusve, è fɨa kyîke ke lɛ̂ pâŋə̀ fuə mə ə tɔŋtə̂ nə sɔlfɔ̀ ə tsì sə eŋwaʼase əshi, è kɨsè ə Vâ ndzè əshi.

Etyə̂yn ə paynsêzè 19:20

Ə kyîə nyàm e kwə̀mnə zɛ̂, ə fɨnə kyîə kəpi fɨ̀aʼtè àkaŋ zɛ ə è tè tyə̀nə chwìə se və shi. Ə̀ nyi sechwìə nə sɨ̂nə̀ mə ə è tè njì se lesê əghɨ ghɛ ə tè kyi chwìə ə̀ nyàm èpamə zɛ è kɨsè ghɛ ə ghe tè ngɨmnə fɨaʼsè ə nyâm èpamə ətəynke. Ə màʼa nyàm èpamə ə̀təyn è fɨ̀aʼtè àkaŋ əfètəyn èlùʼ wusve fuə ətəyn è fɨa kyîke mə ke lɛ̂ pâŋə̀ ndò e tɔŋtə̂ nə sɔlfɔ̀.