Tom èchùŋ kè kə Lûk tè nyaʼ 17:24 - Ŋwàʼlè ə̀ Fèzhə̀ Mkâyn Mə̂ Fèm

²⁴ Pə̂yn ə Va Wùə è tə nə̂ ə ze ə kyaʼà kə ndayn kèpi eghɨ nyiə kə gholze pi ze mɨ̂anə̀ ndò, e fe kə̂ ze pànə̀ kə tâŋ tə mbi tekɨ̂m.

Tom èchùŋ kè kə Lûk tè nyaʼ 17:24 ပူးပေါင်းရင်းမြစ်များ

Matyò 24:27

kûmə̀ nə pə ə Va ə̀ wùəzè tə nə̂ ə ze ə nyi ke kə eghol emɨayntəze ə ze panə awulə apàs ə mbike se nduə fɨ ə tə kə mɔ̀ʼɔke.

Matyò 24:30

Epàm ətəyn, ə chwìə epə̂ ə Vâ wùəzè fɨ ekwùtwəyn, əghɨ tèndâʼà tə mbite nâʼà tèkɨ̂m ə nuŋnə̂ chîə è fâynzè ashìŋə̀ kɛ ghənə fe Vâ wùə, e tso pə̀ etuə sèmbàʼ ekwùtwəyn, kyi àtyaʼ epomsê eghaʼâzè.

Matyò 25:31

Njisə̀s ə pìə kwəynsə̂ nə, “Vâ wùə tə pə̂ kə fɔ̀yn è tsì sekɨ̂m yî vəyn, ə è tsɨsə ə fèkyə̂ fə efɔ̀ynfè se saʼa əghɨ.

Matyò 26:64

Njisə̀s ə pə̀ynsə̀ vəyn nə, “Kè kə ò pì, pîza m tsâ sê ghàyn əkɨ̂m nə, se zhə̀tə ndù zôyn se ndù əshi, ghàyn tə fe Vâ Wùə ə è və tsɨs ə ekɔyn etwɔ ə pɛ̀ ètwɔʼ ekɨ̂mvè. Ə ghàyn fe ə è və tsɨs tso pə̂ etûə sèmbàʼ se kwùtwəynse.”

Matyò 5:15

Wùə tyàynə̀ va lâm è və pfɨsə̂ tɔmə etyə̂ àkɛ̀. Ə pɨlə tɔmə etùə elùʼ engaŋtəu kə è zə panə sê nâʼàpî ndè ə ndɛ.

1 Kɔlìŋ 1:8

È nə̀ tsâmtə̀ nə ghàyn ə kyi ke èpomə̂ sê vəyn se zaʼâ ə kwùŋse, kə ghàyn tə nəyn ə kiva ghâmzè ə ezhoghɛ ə Pɛ̂pɛ ə̀ ghâsènì Njisə̀s Klâys kɛse pə̂yn.

1 Tèsàlonikà 5:2

Ghàs pìə nyî kûmə̀ nə nâʼà ghàyn nyîə ke sə ghàyn ngɨŋ nə, tuʼ vɛ ə Pɛ̂pɛ tə kɛsə pə̂ ətəyn tə kwənə mə wùə ke va, kè kə wùə è chɔŋɔ nə̂ è və pə̂ ètuʼve.

2 Tèsàlonikà 2:2

kə ghàyn nə za nə ghɨə fəʼ tu kaynke ezhoghɛ ə ghənə pîə nə tuʼ fɛ ə Pɛ̂pɛ nyi se pə̀yn ətəyn se nyi mə fə kàynè kwəyn. Ghɨə kaʼa kwaʼtə̀ nə ghàs tè pì zɨnə ashìŋə̀ kɛ ə ghàs tè tsâ ghɛ ghɛ Zhə̀fè tyə̀yn sê ghàs, pi ashìŋə̀ kɛ ə ghàs tè ndàʼa tom ə̀ Fèzhə̀, è kɨsè nə ə̀ kàʼa nyi mə ghàs tè nyaʼ zəynze ə ŋwàʼlè.

2 Tèsàlonikà 2:8

Ə tsɨ̂sè wùə nə vɨnə endom, ə wùə ə̀təm ə pi nə vɨnə pfɨ̀ŋə̀ fɨ ə ndayn. Pîza shîŋə̀ kɛ ə Pɛ̂pɛ Njisə̀s Klâys tə kɛsə pə̂, è tə pî nə ə tyəmse ghɛ ə vəynghe nəghe, ə tyəmse kendò, tɔynə̂ endom vɛ ə Klâys tə nə̂ ə è və panə nyaynə̂ ətəyn, ə è nəyn ə è və kyi va tyaʼ kyîke.

Njə̂m 5:8

Ghàyn e wəynsə̂ kəpî, fɛtə̂ tɛ ə ghàyn epomə̂ kûmə̀ nə shîŋə̀kè ə paʼsê kə Pɛ̂pɛ kɛse pəyn.

2 Pità 3:10

Pîza tuʼ ə Pɛ̂pɛve tə pə̂ kə wùə èchɔŋə. Fumə ə Fetuʼ ə wuləke pfɨ̀ŋə̀ saŋ è pɔ̂ŋ ə kwuəmnəke, ə fɨa vekɨ̂m vɛ ə ve nyi awulə fu pof ə fètəyn ewùs, ə chike è nâʼàpî àkè kɛ ə ke nyi ətəyn fu nâʼà èkɨ̂m ə fètəyn ewùs.