Tom èchùŋ kè kə Lûk tè nyaʼ 17:2 - Ŋwàʼlè ə̀ Fèzhə̀ Mkâyn Mə̂ Fèm

² E kàʼa ə ze ə tsɔ̂fə̀ nə ə kolə chize ə vəyn emì, ə ndù màʼa vəyn ə enjwì ə fengwaŋve tsɛ̂ kə è nə̀yn ə ghɔyn femɔ̀ʼ əfètə̂ ə̀ ghɔyn ghɨyn nə̀yn pi.

Tom èchùŋ kè kə Lûk tè nyaʼ 17:2 ပူးပေါင်းရင်းမြစ်များ

Matyò 17:27

Pîza ghàs kɔ̀ŋə̀ va se nə̀yn nə ghɨ ghɨ̀nə nyɔʼse tɔŋe. Ndù ènjwì ə màʼa fèchyaʼ. Mbwɔ̀ kɛ ə ò ko sə shi, ŋaʼse cho ə kəynke, ə ò koyte kɛve ə ve kwəyn kə ghâsènì ndaʼ tâks ə təyn. Njì vəynve ə ndùə ndâʼà sê ghâsènì.”

Matyò 18:10

Ghàyn tɔ̀ʼnə̀ nə kə wùə lɛ wâ kûmə̀ nə è kɔʼnə̂ va. M pîə sê ghàyn səmɔʼ nə ekwùtwəyn, tsì sɛ ə se naynə ghɔyn nə ghɨ̂yn nyì yî Pɨ̀a vɨm.

Matyò 18:14

E za nyì kepî èghəs kə Pɨ̀a vâynvè e ekwùtwəyn kɔ̂ŋɔ̀ va nə nâʼà vayn emɔ̀ʼ fa fètə̂ ə̀ghɔyn etətə̂ njìsè.”

Matyò 26:24

Vâ wùə nə̀ kwuə kè eghɨ kə nyi mə ə nyàʼ ə ŋwàʼlè ə̀ Fèzhə̀ pîza ngəʼ èghaʼâ nyì sê wùə vɛ ə è nə̀ pəʼlə Vâ wùə! E fe tsɔ̀fə nə ə nyi mə tè paʼà piə wùə ə̀təyn.”

Ŋwàʼlè ə̀ Mâk 9:42

“Ə̀ nyiə nə̀yn pîndè nə ghɔyntə̂ femɔ̀ʼ əfètə̂ ə̀ ghɔyn nə ghɨ̂yn ə pomə sê mi nyiə nə̀yn pi, ə ze ə tsɔ̂fə̀ nə ə kol chize ə vəyn emì, ə ndu mâʼà vəyn ə tsô èghaʼâ.

Njɔyn 21:15

Ə̀ tè nyi kə ghənə zhi mɨ̂sè, Njisə̀s ə tɔŋtə̂ Shimuyn Pità ə pfɨfə sê vəyn nə, “Shimùyn, va Njɔyn, ò ndɨŋə kɔ̀ŋɔ̀ ndò Mi səmɔʼ tsɛ̂ sèchùmtè èpàm sɨ̂nə̀ ə?” È və pomə ə pìə nə, “Pɛ̂, Ò ke ndô nə m nyîə kɔ̂ŋɔ̀ ghò.” Njisə̀s ə pìə sê vəyn nə, “Tɔ̀ʼne è ghɔ sendzè ghɨmə.”

1 Kɔlìŋ 9:15

Pîza m paʼà pfɨf fɨa vɨ̀yn pî kə ə̀ nyi eluʼ vɨmve se pfɨfə vəynve. M nyâʼà pîə va ghɛ zɨnə̀ nə ghàyn fo sê mi fɨa vɛ ə m nyi se kyî. Wùə vîvè vayn kàʼa è tyəmse ghaŋsê zɨmze wìynze kûmə̀ èghɛ nə zɨ̂yn.

1 Kɔlìŋ 9:22

Shîŋə̀ kɛ ə m ndu sê ghɨ ghɛ ə ghənə pɔlə̂, m nyi ke kə wùə ə è pɔlə endom se nə̀yn nə ghənə chumte Klâys. Mə kɛse sè nyi ke èfɨa èkɨ̂m se ghɨ ghəkɨ̂m se mɔ̀msè ətendom tèkɨ̂m nə ghənə yîghe kyi sɔzaze ezhoghɛ ə ze pɔynə.