Tom èchùŋ kè kə Lûk tè nyaʼ 16:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Pɛ̀ èfɨ̀aʼ ə fe eghɛ zɛ ə wùfɨ̀aʼ è wamə nə vɛ nə̀yn ə tsìtə̀ endom etɔf vɛ ə è fè fɛte ghɛ vəynze ətəyn.” Njisə̀s ə wàmnə̀ za, ə ke pi nə, “Ghɨə mbiə nə̂ tɔfə ə tendom tɛ ə ghənə fɛtə̂ ghɛ ə ghənə ətəyn tsɛ̂ ə̀ghɔyn epanə.

Tom èchùŋ kè kə Lûk tè nyaʼ 16:8 ပူးပေါင်းရင်းမြစ်များ

Matyò 12:32

Ə̂ pîə pîndè ghɛ epize kûmə̀ Va Wùə, Zhə̀fè kàʼa fe lɛ̀sè fo vəyn, pîza mə ə pìə pîndè ghɛ epize kûmə̀ Sezuʼ se ŋwaʼase, ə fe tə tàʼa lɛ̀sə fo vəyn zôyn, pî ashìŋə̀ kɛ ə ke nyi se pə̀yn ə shi.”

Matyò 17:26

Pità ə pə̀ynsə̀ nə, “Əghɨ etumə.” Njisə̀s ə pìə se vəyn nə, “E za nyi nə ghɨ tèndâʼà nə tɨ̂yn kyi va sə̂ ndâʼà.

Tom èchùŋ kè kə Lûk tè nyaʼ 16:10

Ə wùə fɛte kyiə ghɛ̂lə̀ me tətə̂m, ò fo əghɛ e ghaʼa, ə è fɛte kyi kepî za. È nyi mə è vâyn kàʼa è kyi ghɛ̂lə̀ me tətə̂m, ò fo naʼapi əghɛ e ghaʼa, è vâyn fɛtə̂ kyi.

Tom èchùŋ kè kə Lûk tè nyaʼ 16:4

Ə fɨnə kɛsə̂ piə kə sə vəyn ə ngɨŋ nə, ‘Mə kê ghɛ zɛ kə m nəyn kə ə taʼa chùm ə mi efɨ̀aʼ, ə wùə tə tàʼa chùm ə mi ə və ndɛ.’

Tom èchùŋ kè kə Lûk tè nyaʼ 16:7

Kùmtè ə wûəkè ə pə̀, è və pfɨfə sê vəyn nə è kyi se fo ghe ə? È və piə nə, ‘M kyi se fo seshəyn sə wîtsè, ewə̀.’ È və piə nə è ko ŋwàʼlè ə nyaʼte nə ə nyi ke seshəyn mghɨm m̀famə.

Tom èchùŋ kè kə Lûk tè nyaʼ 18:6

Pɛ̂pɛ ə wàmnə̀ za ə ke pi sê chùmtè epàm sə vəynse nə, “Ghàyn zɨtə̂ tso nə tuə sesaʼ nə kɨnə za wàmne za nyi, va chichi ə.

Tom èchùŋ kè kə Lûk tè nyaʼ 20:34

Njisə̀s ə piə sê ghənə nə, “Ghɨ mbiə zôyn nə̂ njiə ə̀zəyn, pomə̂ ə̀ndômnè,

Tom èchùŋ kè kə Lûk tè nyaʼ 20:35

pîza ghɛ ghe kwəynə se nə nə̀yn se ə̀ nyi etuʼ nə vɛ, ezhoghɛ ghɨ zômə̀ va sə nji ezəyn pi se pomə̂ ə̀ndômnè.

Njɔyn 12:36

Ghàyn pomə sê payn, kə ze pa nyi ə ghàyn əfètəyn kə ghànə nyi əghɔyn epanə.” Njisə̀s ə wàmnə̀ ə̀ghɛ nə ghɨ̂yn ə ndùə ndə̂tə̀ ngɨŋə̂ Vəyn sê ghənə.

1 Kɔlìŋ 3:18

Kə wùə tə lesê ngɨŋə̂ vəyn. Ə wùə nyi ə ghàyn əfètəyn kwaʼtə̀ nə zhi nə tɔfə endom vɛ ghɨ mbiə fâ njîə ətəyn, ə è pɨl kə̂mnè sə ango kə̂ è kyi kàyntè ètɔf.

Ɛfesùs 5:8

Ghàyn nyi nyî mə ghàyn tè nyì kepî əfètə̂ àpɨəyn efɨma nyi kə ghɨ nə ghɨyn, pîza sè nyi zôyn mə ghàyn ə nji əfètəyn èpayn ə Pɛ̂pɛ. Ghàyn e ndamə kə əghɔyn epanə.

Filìpây 3:19

Kyì ə ghɨ̀ nə ghɨ̂yn tə mɨ̂sə̀ elùʼ ewùs, kûmə̀ nə ghənə kɔʼsə̂ kə èfɨa vɛ ə njàse wìynse kɔ̂ŋə̀. Ghənə kɔ̂ŋə̀ sə nə̂ ə̀ghɛ ghɛ ə ghənə fe pɨl kyi sə ghomə̂ kûmə̀ ghəynghe, kwaʼtə̀ kə se ghɛ ghɛ ə ghe nyi fa mbi.

1 Tèsàlonikà 5:5

M piə nyî kûmə̀ nə ghàyn əkɨ̂m nə̀ ə̀ghɛ àchûŋ, ndamə chichi, mə ze nyi kepî eghɨ kə ndamə epayn, nyi ə̀ghɨ zo chwîghè.

1 Pità 2:9

Pîza, sê ghàyn, ghàyn nyi əghɨ kə Zhə̀fè chɔʼ ndəm. Ghàyn nyi əghɨ ə kɔʼsə nə eshyə̀ghè ə ndɛ̂ Fèzhə̀, fɨ̂aʼà sê Zhə̀fè mə è nyi fɔ̀yn. Ghàyn nyi endaʼ əghɨ̀ eŋwaʼaze. Ghàyn nyi kàyntè əghɨ̀ ə Fezhə̀ ghɛ ə è chɔʼ nə ghàyn ə ndâʼà ə̀ghɛ kayntə ə Fezhə̀ fɛ ə Fe tè tɔŋɔ fɨsê ghàyn ə fètəyn àlɨm ə njìə ndzɨsə̂ ghàyn ə fètəyn èpayn ekayntə ə vəynze.

1 Njɔyn 3:10

Zôyn ghàs kàʼa tsayn ghɨ ghɛ ə̀ nyi ə ghɔ Fezhə̀ghè, è ghɛ ə nyi ə ghɔ ndə̂plèghè. Nâʼàpî ndè vɛ ə è ndamə va chichi, kɔ̂ŋə̀ va ghɨ epomə̂ ə mɔ̀ʼɔghe, è paʼà ndò pəyn chi se Zhə̀fè.