Tom èchùŋ kè kə Lûk tè nyaʼ 16:29 - Ŋwàʼlè ə̀ Fèzhə̀ Mkâyn Mə̂ Fèm

²⁹ Aplàghâm ə piə nə, ‘Za ghənə ə zɨtə̂ əghɛ ghɛ ə Mosîs yî fɨ̀aʼtè seghaʼâsè tè nyâʼ.’

Tom èchùŋ kè kə Lûk tè nyaʼ 16:29 ပူးပေါင်းရင်းမြစ်များ

Ətefɨ̂aʼ 15:21

Ə nyi mə ə tɔŋɔ̂ lâŋ Mosîskè ə sendɛ sə atsɨ̀yntese nâʼà sə aghaf etyâkè tuʼte ndaʼ tekɨ̂m. Ghənə e ndâʼà ə̀ghɛ ə vəynghe tɔ̂ŋ sekɨ̂m.”

Tom èchùŋ kè kə Lûk tè nyaʼ 24:27

È və wàmnə̀ zâ, ə pìə paynsə̂ əghɛ ghɛ ə tè pì ə Ŋwàʼlè ə Fèzhə̀ kûmə̀ ngɨŋə̂ vəyn, sè zhə̀tè kə ə ŋwàʼlè ə Mosîs se ndùə tayn əfètə̂ sèfɨ̀aʼtè.

Tom èchùŋ kè kə Lûk tè nyaʼ 16:16

Ə tè kwiə etîə Alàŋ ə Mosîskè fɨnə kwiə əfètə̂ ezaʼlê ə sèfɨ̀aʼtè seghaʼâsè se kɔʼɔ tàyn etuʼ ə Njɔyn Foə M̀mòze. Se zhə̀tə̀ kə etuʼ nə vɛ, e sè ndàʼà tom èchùŋ kûmə̀ èfɔ̂yn ə Fezhə̀e, naʼapi ndè e nô kə ndò se nji elùʼ efɔ̀yn nə vɨ̂yn.

Tom èchùŋ kè kə Lûk tè nyaʼ 4:17

Ə̂ fo ŋwàʼlè ə̀ fɨ̀aʼtè Èsayà sê vəyn, È və zhə̀nə̀ ə kyiŋə fe eluʼ vɛ ə tè nyàʼ ətəyn nə:

Ngàleshyà 4:21

Ghàyn ghɨnə ə ghàyn kyiŋə sə̂ ndamə etyə̂ Alàŋ nyî, ghàyn tsayn sê mi nə, ghàyn zɨə va ghɛ zɛ ə Lâŋà pìə mə?