Tom èchùŋ kè kə Lûk tè nyaʼ 16:2 - Ŋwàʼlè ə̀ Fèzhə̀ Mkâyn Mə̂ Fèm

² Wùə èghaʼâ nə vɛ ə tɔŋɔ vəyn ə pfɨfə nə, ‘M zɨ nə ghe nyi kûmə̀ ghò ə? Tyə̀yn sê mi nə, ə̀ nji ghe, ə̀ fɨ ghe ə? Shîŋə̀kè ə kwəyn kə ò fɨ efɨ̀aʼ.’

Tom èchùŋ kè kə Lûk tè nyaʼ 16:2 ပူးပေါင်းရင်းမြစ်များ

Matyò 12:36

M tsâ sê ghàyn səmɔʼ nə ə̀ tə nə̂ ə nyi ə fetuʼ fə saʼfe ə nâʼà pîndè tsayn ghɛ epi zɛ ə è nyi mə è və tyəmə pîə.

Matyò 20:8

Shîŋə̀ ezhwikwɨləke ə kwəynə, pɛ̀ àfùʼ ə̀təyn ə pìə sê tuə ghɨe fɨaʼa vəynke nə, ‘Tɔŋɔ ghɨ efɨaʼa ə ndàʼà èkɛ ə ghənə̂vè. Zhə̀te èghɨ ghɛ m tè njì kwûŋsè efɨ̀aʼ ə ndùə mɨ̂sə̀ è ghɛ m tè njì efɨ̀aʼ səshi’

Tom èchùŋ kè kə Lûk tè nyaʼ 12:20

Pîza Zhə̀fè ə piə sê vəyn nə, ‹Ngo afɨa kyîke, ò nə̀ kwuə ndàyn ètuʼu. Ò nyiə nə̀ kwuə, ə zhi nde fɨa vɛ nə vɨnə?›”

Tom èchùŋ kè kə Lûk tè nyaʼ 12:42

Pɛ̂pɛ ə pə̀ynsə̀ nə, “Wufɨ̀aʼa vɛ ə è zɨə pɛ̀ èfɨ̀aʼ ə̀ vəyn fɨnə tɔfə nyi vɨ̂yn? Ə̀ nyi vɛ ə pɛ̀ èfɨ̀aʼ ə̀ vəyn piə è ndùə èkwî, ə è ndəm vəyn əshi, ə è fo tyaʼa kə è və tɔ̂ʼnə̀ è ndɛ vəyn, fo efɨazhiəve sê ghɨ ashìŋə̀ kɛ ə ghənə kyiŋə ətəyn.

Tom èchùŋ kè kə Lûk tè nyaʼ 16:1

Njisə̀s ə fɨnə tsà fèmɛngâyn fife sê chùmtè epàm sə vəynse nə, “Wùə èghaʼâ viu tè kyi wufɨ̀aʼa kə è ndə̀m nə è və tɔ̂ʼnə̀ è ghaʼ ə vəynze. Tuʼve ə zo, ghɨghe e sè piə sê vəyn nə è vɛ ə è pofsə̂ kə fɨa ə vəyn səndô.

Tom èchùŋ kè kə Lûk tè nyaʼ 16:3

Wufɨ̀aʼa nə vɛ e sè kayntə̂ nə zhi nyiə nə̀ nə̂ nâʼà ghè kə pɛ̀ èfɨ̀aʼ ə̀ vəyn ə sè kyiŋə se fɨsə̂ zhi efɨ̀aʼ ə. Zhi kyi va tyaʼa sə̂ kwîə tɨmə tèluʼ sə ekɛ, ghomə ghaʼa sə̂ kwîə ndɔnə.

Ŋwàʼlè ə̀ Pɔ̂l sê ghɨə Lûmghè 14:12

E za tyə̀nə̀ nə nâʼàpî ndè ə ghâsènì əfètəyn tə taŋa njô ə̀ vəyn sê Zhə̀fè kûmə̀ èndamə vəynze.

1 Kɔlìŋ 1:11

M pîə nyî ə ghɔnyì ghɨmə kûmə̀ kə̂ ghɨ ndɛ Kɨ̀lowè tsàyn sê mi nə zɔ̂zè nyi ə ghàyn əfètəyn.

1 Kɔlìŋ 4:2

Nâʼà eghɛ e tɛ zɛ ə kyiŋə se ghɨə fɨaʼa ə təynghe nyi nə, ghənə fɨaʼà sê pɛ̀ èfɨaʼ ə̀ ghənə è təm ə ghənə̂ghè əkɨ̂m.

1 Kɔlìŋ 4:5

Kûmə̀ nyî, kə ghàyn ka saʼ ndɔ̀ʼɔ shîŋə̀ təynke kwəyn. Ghàyn lɨmte ə Pɛ̂pɛ pəyn. È tə pə̂ ə è tyəyn paynsê ə̀ghɛ ə ndətə ghɛ ə nyâʼtə nə̂ alɨm, ə è tsayn kwaʼtè tɛ ə ghɨ ndətə̀ ə ghənə ətəm, ə Zhə̀fè ke tsîtè ə nâʼàpî ndè ə vəyn efɨ̀aʼ.

2 Kolìŋ 5:10

E nyi nyî kûmə̀ nə nâʼà ghâsènì ə̀kɨ̂m tə tyəmə̂ ə Klâys əshi, ə È saʼ ghâsènì. Nâʼàpî ndè tə kyiə àfɨa kɛ ə è nyì se kyi əghɛ ghɛ ə è tè nə kə è tè nyì fâyn ewìyn, kɨ̀sə ə̀ tè nyi əghɛ ə pighe, kɨ̀sə ə̀ tè nyi ghe chûŋə̀.

1 Timotì 4:14

Kə ò lɛse fo zɛ ə Zuʼse Ŋwaʼase tè fo sê ghò za kə fɨ̀aʼtèsè wàmnè ghɛ kûmə̀ ghò, nɔ̂yn ə sechəʼ sə ndɛ̂ Fèzhə̀sè ə ndə̀mə̀ əgho ə ghò tu.

1 Timotì 5:24

Ghɨ yîghe nə̂ pi kə ndayn, endom kə ò kàʼa ò ke zə̂ynzè ndɔ̀ʼɔ ò kyaʼse naynê ghənə, pîza ghə mɔ̀ʼɔghe e nə̂ pi andə̀te mə ò va kaʼa ò ke ə̀ tsɛ̂ kə va mə ghaf kə ndù.

1 Pità 4:10

Zhə̀fè ə pɔse ghàyn ə fo tefo ə tekyì ə tekyì. E za tyə̀nə̀ nə nâʼàpî ndè kyi sə̂ njiə èfo ə vəyn zɛ ə Zhə̀fè fo nə̂ chùŋ sê ghɨə mɔ̀ʼɔ ghə ətəyn kə ghɨ fɨaʼa əchûŋ ə Fezhə̀ghè.

1 Pità 4:5

Pîza, tuʼve tə pə̂ kə Zhə̀fè saʼ ghɨghe ə̀kɨ̂m, ghe twɔghe è ghe kwutəghe. Ghənə tə tsâ echo ghənə̂zè sê Zhə̀fè, ə fɛ ə fe nyi èpɨaʼtêzè se saʼ əghɨ ghɛ ə ghe nyi etwɔ, è ghɛ ə ghe nyi mə ghə kwu.

Etyə̂yn ə paynsêzè 20:12

Mə fɨnə fe əghɨ mə ə tə kwutê, yîghe nyi əghɨ ə ghaʼlə̂ghè, yîghe nyi əghɨ ə tətə̂ghè, ghənə e tyəm fu ashi fekyə̀ fə efɔ̀ynfè. Ə ŋaʼsə̂ se ŋwàʼlè ə fɨnə ŋaʼsə̂ ŋwàʼlè zhîzè, ə nyi ŋwàʼlè ə̀ghɨ ə ndaməghe, e sè naynə̂ sè ŋwàʼlè sətəynse, saʼa kə ghənə əghɛ ghɛ ə ghənə tè nə̂ kè kə tè nyàʼ fumə ə seŋwàʼlè.