Tom èchùŋ kè kə Lûk tè nyaʼ 16:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ Pîza e tyə̂nə̀ va nə Lâŋ ə Mosîskè ə mi E pɔynə̂ kə wuləke è chia tsɛ, tsɛ̂ kə tyaʼ alàŋ kɛ ə ke tətə kwûŋsə̀ mi.

Tom èchùŋ kè kə Lûk tè nyaʼ 16:17 ပူးပေါင်းရင်းမြစ်များ

Matyò 5:18

M tsâ sê ghàyn səmɔʼ, kə kwutwəyn è chike tə ndamə zaʼâ pî zàyn, wùə tə kəʼsə̂ va nâʼàpî fèghɛlə̀ fɛ ə fe tətə kwûŋsə̀ əfètə̂ Àlâŋ nə kɛ, ə̀ tsɛ̂ kə va mə ghɛ ə̀kɨ̂m ə kyayn.

Tom èchùŋ kè kə Lûk tè nyaʼ 21:33

Kwutwəyn e tə tsɛ̂, ə chike tsɛ, pîza ə ghɛe tàʼa kwiyne əfètə̂ əghɛ ghɛ ə m piə.

Ŋwàʼlè ə̀ Pɔ̂l sê ghɨə Lûmghè 3:31

Ghâsènì nə̀ piə nə ghɛ zoə? E za nyi nə ghâsènì pî kə Zhə̀fè nyi mə Fe ə njì ghɨə kə ghɨə chichighe ə və shi, è kə ghənə nyi mə ə pomə̂ se Njisə̀s Klâys, e tyə̂ ndò nə kə ghɨ kɛse chûmtè àlâŋ mə? Ngaŋ e vachi za. Pîza ghɛ zɛ ə lâŋkè pìə, ə̀ nyi zəynze ə nâʼà ghàs tɔ̀ʼɔ̀.

1 Pità 1:25

pîza ghɛ ə Pɛ̂pɛze tə ndamə faŋə.” Ghɛ ə Fezhə̀ nə zɨnə mə nyi tom èchùŋ zɛ ə tè ndàʼa sê ghàyn.

2 Pità 3:10

Pîza tuʼ ə Pɛ̂pɛve tə pə̂ kə wùə èchɔŋə. Fumə ə Fetuʼ ə wuləke pfɨ̀ŋə̀ saŋ è pɔ̂ŋ ə kwuəmnəke, ə fɨa vekɨ̂m vɛ ə ve nyi awulə fu pof ə fètəyn ewùs, ə chike è nâʼàpî àkè kɛ ə ke nyi ətəyn fu nâʼà èkɨ̂m ə fètəyn ewùs.

Etyə̂yn ə paynsêzè 20:11

Mə ke fe fekyə̀ fə efɔ̀yn fe eghâʼafè, fe fɨfə ndò è wùə vɛ ə è tsɨs ətəyn. Kwutwəyn e chike ə saŋə ə və shi, wùə vîvè ə tàʼa kɛsə tyəmə fe ghənə.

Etyə̂yn ə paynsêzè 21:1

Epàm əghɛ nə ghɨyn, mə fe ekwùtwəyn efeve è chi ə feke; kûmə̀ nə kwùtwəyn ə shive è chi ə shike se nyi mə və tè saŋ, njwî ə fengwaŋve ə saŋə kəpî.

Etyə̂yn ə paynsêzè 21:4

Fe tə zə̂sə̀ m̀shi nâʼà m̀kɨ̂m ə ghənə shi. Kwuze tə pə̂ ə ze ə fɨyn va, tɨ̂l ətəmze e va, chîze va, fɨake nə fɨnə zafə va wùə kûmə̀ nə ghɛ ə mɨ ghə tsɛ̀.”