Tom èchùŋ kè kə Lûk tè nyaʼ 16:1 - Ŋwàʼlè ə̀ Fèzhə̀ Mkâyn Mə̂ Fèm

¹ Njisə̀s ə fɨnə tsà fèmɛngâyn fife sê chùmtè epàm sə vəynse nə, “Wùə èghaʼâ viu tè kyi wufɨ̀aʼa kə è ndə̀m nə è və tɔ̂ʼnə̀ è ghaʼ ə vəynze. Tuʼve ə zo, ghɨghe e sè piə sê vəyn nə è vɛ ə è pofsə̂ kə fɨa ə vəyn səndô.

Tom èchùŋ kè kə Lûk tè nyaʼ 16:1 ပူးပေါင်းရင်းမြစ်များ

Matyò 20:8

Shîŋə̀ ezhwikwɨləke ə kwəynə, pɛ̀ àfùʼ ə̀təyn ə pìə sê tuə ghɨe fɨaʼa vəynke nə, ‘Tɔŋɔ ghɨ efɨaʼa ə ndàʼà èkɛ ə ghənə̂vè. Zhə̀te èghɨ ghɛ m tè njì kwûŋsè efɨ̀aʼ ə ndùə mɨ̂sə̀ è ghɛ m tè njì efɨ̀aʼ səshi’

Tom èchùŋ kè kə Lûk tè nyaʼ 12:42

Pɛ̂pɛ ə pə̀ynsə̀ nə, “Wufɨ̀aʼa vɛ ə è zɨə pɛ̀ èfɨ̀aʼ ə̀ vəyn fɨnə tɔfə nyi vɨ̂yn? Ə̀ nyi vɛ ə pɛ̀ èfɨ̀aʼ ə̀ vəyn piə è ndùə èkwî, ə è ndəm vəyn əshi, ə è fo tyaʼa kə è və tɔ̂ʼnə̀ è ndɛ vəyn, fo efɨazhiəve sê ghɨ ashìŋə̀ kɛ ə ghənə kyiŋə ətəyn.

Tom èchùŋ kè kə Lûk tè nyaʼ 15:13

Tuʼlə̂m pâʼà nyìəm tsɛ m̀shyàʼ, vê tətə̂ nə vɛ ə pəʼle efɨa ə vəyn nâʼà èkɨ̂m ə səʼə èkwî endaʼ zhize, ghaf ətəynke e tyàfə̀ kə nyi ə ndùə tânə̀ fumə sè tsɨ̂nə̀ ndamə kə ndò, tsɨ̂nə̀ zhiə ke ndò kɛə vəynve.

Tom èchùŋ kè kə Lûk tè nyaʼ 15:30

Pîza vayn vɛ vɨ̀nə vɛ è ndù kɛse pə̀yn, mə è və tə njiə kɛ vɛve ə ndùə pofsə̂ yî kwàlàe, ò sè nyi mə ò kàytè zaʼ echitə kɛ sê vəyn!’

Tom èchùŋ kè kə Lûk tè nyaʼ 16:19

È və wàmnə̀ za ə fɨnə tsâ fèmɛngâyn fife nə, “Wùə èghaʼâ viu tè nyi, maʼà kə sendzɨs sə tefɔ̀yntè, fɨnə zhisə̂ ewiyn ə vəyn kè tuʼmè m̀kɨ̂m.

Tom èchùŋ kè kə Lûk tè nyaʼ 16:2

Wùə èghaʼâ nə vɛ ə tɔŋɔ vəyn ə pfɨfə nə, ‘M zɨ nə ghe nyi kûmə̀ ghò ə? Tyə̀yn sê mi nə, ə̀ nji ghe, ə̀ fɨ ghe ə? Shîŋə̀kè ə kwəyn kə ò fɨ efɨ̀aʼ.’

Tom èchùŋ kè kə Lûk tè nyaʼ 19:20

Vəmɔ̀ʼɔ ə pə̀ ə piə nə, ‘Pɛ̂, ə̀ nyiə nyi kam zɛ zɛ m tè koyte ndəm ke apàs afɨa,

Tom èchùŋ kè kə Lûk tè nyaʼ 8:3

ə nyi Njòwanà, ə zhwìə wufɨ̀aʼa ə̀ Ɛlɔ̀t vɛ ə tè tɔŋtə nə Chuzà, è Sùsanà è kɨ̂sè è zəyn e tsɨə mɔ̀ʼɔ̂. Ghənə tè tsàmtə tɔ̂ʼnə̀ kɔʼɔ è Njisə̀s yî chùmtè èpàm sə vəynse.

Taytùs 1:7

Kè kə chəʼ nyi wùə vɛ ə è tɔ̀ʼnə̀ è ndɛ ə̀ Fezhə̀, è kyi sə̂ nyi mə è kyi va ləʼke, kyi va sə̂ kyi ècho epize, è kɨsè sə̂ zâŋsə̀ nyɔ̂ʼsə̀ ètɔŋ, è kyi va sə̂ ngəsə̂ mɨə m̀lɨ, è kyi va sə̂ nô, kyi va sə̂ kyiŋə se kyî ekɛ è paʼà fɨ̂aʼ vəynve.

Njə̂m 4:3

Pî ezhoghɛ ə ghàyn pfɨf, Zhə̀fè fo va kûmə̀ nə ghàyn pfɨfə va è kwâʼtè echuŋzè. Ghàyn pfɨfə kə nə ə fo ghàyn ə nə̂ ə̀ghɛ ghɛ ə wiyn vaynve kɔ̂ŋə̀ è fɨa nə vɨ̂yn.

1 Pità 4:10

Zhə̀fè ə pɔse ghàyn ə fo tefo ə tekyì ə tekyì. E za tyə̀nə̀ nə nâʼàpî ndè kyi sə̂ njiə èfo ə vəyn zɛ ə Zhə̀fè fo nə̂ chùŋ sê ghɨə mɔ̀ʼɔ ghə ətəyn kə ghɨ fɨaʼa əchûŋ ə Fezhə̀ghè.