Tom èchùŋ kè kə Lûk tè nyaʼ 15:8 - Ŋwàʼlè ə̀ Fèzhə̀ Mkâyn Mə̂ Fèm

⁸ “Polə za, ghàyn fɨyn kwaʼtè ke nâʼà nə wùzhɔyn kyi ekɛ vəyn kə è ndəm, və ə njisə̀, ə è ghayn ghe ə? Ə e kyàyn za ə è tyayn lâm, ə è zəs ndɛ ə fɛte kyiŋ ekɛ ətəyn se zaʼâ kə è fe.

Tom èchùŋ kè kə Lûk tè nyaʼ 15:8 ပူးပေါင်းရင်းမြစ်များ

Matyò 5:15

Wùə tyàynə̀ va lâm è və pfɨsə̂ tɔmə etyə̂ àkɛ̀. Ə pɨlə tɔmə etùə elùʼ engaŋtəu kə è zə panə sê nâʼàpî ndè ə ndɛ.

Tom èchùŋ kè kə Lûk tè nyaʼ 15:7

M piə sê ghàyn nə, e tə nə̂ ə ze ə nyi kepî za ekwùtwəyn. Saŋnêzè tə nə̂ ə ze ə nyi ekwùtwəyn kûmə̀ wùə èpi emɔ̀ʼ vɛ ə è pə̀ynsə̀ təm ə və, ə kɛsə̂ pə̀ sê Zhə̀fè tsɛ̂ kə ze nyi kûmə̀ ə̀ghɨ m̀ghɨm m̀pɔləmɔ̀ʼ njòse pɔləmɔ̀ʼ ghɛ ə ghe kwàʼtə̀ nə ghe fɨyn kyi va se pə̀ynsè ətəm.”

Tom èchùŋ kè kə Lûk tè nyaʼ 15:9

Ə è fe pi ashìŋə̀ àkè, ə è tɔŋne soyn sə vəynse è kɔtə vəynte ə è pi sê ghənə nə, ‘Ghàyn pə̀yn ə ghâsènì ə saŋnə kûmə̀ nə mə fe kɛ vɨm vɛ ə ve fè njisə̀.’

Tom èchùŋ kè kə Lûk tè nyaʼ 19:10

Va Wùə te pə̀yn se kyiŋə əghɨ ghɛ ə ghe njise se sɔ̀sè əghənə.”

Njɔyn 10:16

Ndzè sə mɔ̀ʼɔse nyi ndô mə ə̀ kyi Mi mə se va fa mbàynə̀ sèndzè. M kyi se pə kəpì è səynse. Se nə zɨtə̂ kyə̀ zɨ̂mzè, ə se pəyn sə̂ nyi ə mbàyn èmɔ̀ʼ, kyi ke ngyəyn èmɔ̀ʼ.

Njɔyn 11:52

È tè paʼà kwu ke sê ghənə. È və tè kwu kepî atu ə ghɔ Fezhə̀ ghɛ ə ghe chyâsè kə ghənə kɛse zûŋtè pə̂yn ə̀ nyi ke sə afɨa àmɔ̀ʼ.

Ətefɨ̂aʼ 19:19

Tsɨ̀tsɨ̂ ə̀ghɨ ghɛ ə ghe tè kwîə nə̂ ə̀ghɛ ə fɨyntəghe ə fɨə pə̂ è ŋwàʼlè sɛ ə ghənə tè tɔŋɔ ghɛ ə fɨyntəghe ətəyn ə nyɔ̀ʼɔ ə ghɨghe əshi. Ŋwàʼlè nə sɛ tè tɛ èkɛve nâʼà sə ŋaŋ.

Ɛfesùs 2:17

E za tyə̀nə̀ nə Klâys tè pəyn ə tsâ tom ə pɔ̂ynè kè sê ghɨ ghəkɨ̂m. È tè tsàyn sê ghàyn ghɛ ə ghàyn tè paʼsə va sê Zhə̀fè, ə fɨnə tsâ kəpî sê ghàs ghɛ ə tè paʼsə.