Tom èchùŋ kè kə Lûk tè nyaʼ 15:7 - Ŋwàʼlè ə̀ Fèzhə̀ Mkâyn Mə̂ Fèm

⁷ M piə sê ghàyn nə, e tə nə̂ ə ze ə nyi kepî za ekwùtwəyn. Saŋnêzè tə nə̂ ə ze ə nyi ekwùtwəyn kûmə̀ wùə èpi emɔ̀ʼ vɛ ə è pə̀ynsə̀ təm ə və, ə kɛsə̂ pə̀ sê Zhə̀fè tsɛ̂ kə ze nyi kûmə̀ ə̀ghɨ m̀ghɨm m̀pɔləmɔ̀ʼ njòse pɔləmɔ̀ʼ ghɛ ə ghe kwàʼtə̀ nə ghe fɨyn kyi va se pə̀ynsè ətəm.”

Tom èchùŋ kè kə Lûk tè nyaʼ 15:7 ပူးပေါင်းရင်းမြစ်များ

Matyò 18:13

M tsâ se ghàyn səmɔʼ nə è kyiŋ fe ə è və saŋnə̂ nâʼà àchûŋ tsɛ̂ kə è saŋnə kûmə̀ sə mɔ̀ʼɔ sɛ m̀ghɨm poləmɔ̀ʼ njòse poləmɔ̀ʼ ə se tàʼa njisə̀ za.

Matyò 3:8

Ghàyn nəyn ghɛ ghɛ ə ghe nə̀ chwîtə̀ nə ghàyn ə kə̀mnè ə ghànə sepi.

Tom èchùŋ kè kə Lûk tè nyaʼ 15:10

M piə sê ghàyn nə, ə wùə èpi emɔ̀ʼ pə̂ynsè təm ə vəynghe ə kɛse ndùə sê Zhə̀fè, tsì sə vəynse esaŋnə̂ kəpi zâ.”

Tom èchùŋ kè kə Lûk tè nyaʼ 15:29

È və piə sê pɨ̀a vəyn nə, ‘M fe nə mə fə̀ sê ghò sə sepìŋ, ò pìə eghɛ, m chɔʼnə̂ va. Ò pâʼà tyəm fo ke nâʼà va pfɨ nə m kàyte ə ghâsè soyn sɨmse kwɨl.

Tom èchùŋ kè kə Lûk tè nyaʼ 15:32

E fè nə̂ tsɔ̂fə̀ kə nâʼà se nə̀yn etuʼ e ghaʼa vɨ̀nə, se zhi. E tè se kyaʼà kə ànɛ̂ vɨ̀nə kwu ndo, è nə nyi zôyn nyi, nyi kə nâʼà etwɔ. M tè nyi mə mə ndə̀m ndù ke nə è və njìsè, è vɛ è kɛse pə̀yn. Ò piə nə kə ghâsènì ə saŋnə ə?›”

Tom èchùŋ kè kə Lûk tè nyaʼ 15:6

ə è kwɨlə ndù tɔŋne əsoyn ə vəynghe, è kɔtə vəynte ə è pi sê ghənə nə, ‹Ghàyn pə̀yn ə ghâsènì zhi tuʼ vɨnə̀ ndàyn kûmə̀ nə mə fe ndzè zɨ̂mzè kə è tè njisə̀, ghɛ ətəynze e tsɔ̂fə̀ sê mi nâʼà àchûŋ.›

Tom èchùŋ kè kə Lûk tè nyaʼ 15:8

“Polə za, ghàyn fɨyn kwaʼtè ke nâʼà nə wùzhɔyn kyi ekɛ vəyn kə è ndəm, və ə njisə̀, ə è ghayn ghe ə? Ə e kyàyn za ə è tyayn lâm, ə è zəs ndɛ ə fɛte kyiŋ ekɛ ətəyn se zaʼâ kə è fe.

Tom èchùŋ kè kə Lûk tè nyaʼ 16:15

Njisə̀s ə se pi sê ghənə nə, “Ə nyi ghàyn ghɛ ə kwiə tyə̂nə̀ sê ghɨ nə ghàyn nyi əghɨəe chûŋə̀, pîza Zhə̀fè e ke ətəm ghaynghe. Naʼapi ghè vɛ ə kwàʼtè ə ghɨ̀zè njiə nâʼà sə afɨa nyi ke àfɨa e zomke sê Zhə̀fè.

Tom èchùŋ kè kə Lûk tè nyaʼ 5:32

M pâʼà pə̀yn se chi sê ghɨ ghɛ ə tyəm chichi, m pə̀yn kûmə̀ ə̀ghɨ piə se nə̀yn nə ghənə kwiyne təmə ə ghənə̂ghè.”

Ŋwàʼlè ə̀ Pɔ̂l sê ghɨə Lûmghè 7:9

Shîŋə̀kè tè nyì ndô mə m keva lâŋkè. Pîza shîŋə̀ kɛ ə m tè ke lâŋkè ətəyn, shi ə fɨə ghɨmghe ə chiyntə̂ mi nə m nəyn pi, mə kwuə.