Tom èchùŋ kè kə Lûk tè nyaʼ 15:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Ə è fe, ə è və saŋnə nâʼà àchûŋ, ə è pɨaʼa ə è ndəm ə və mbɨ̀aʼà

Tom èchùŋ kè kə Lûk tè nyaʼ 15:5 ပူးပေါင်းရင်းမြစ်များ

Tom èchùŋ kè kə Lûk tè nyaʼ 15:32

E fè nə̂ tsɔ̂fə̀ kə nâʼà se nə̀yn etuʼ e ghaʼa vɨ̀nə, se zhi. E tè se kyaʼà kə ànɛ̂ vɨ̀nə kwu ndo, è nə nyi zôyn nyi, nyi kə nâʼà etwɔ. M tè nyi mə mə ndə̀m ndù ke nə è və njìsè, è vɛ è kɛse pə̀yn. Ò piə nə kə ghâsènì ə saŋnə ə?›”

Tom èchùŋ kè kə Lûk tè nyaʼ 15:4

“Ə̂ wùə sê ghàyn kyi ndzèsè wəve, è zə njisə̀, èmɔ̀ʼ ə è ghaynghe? Ə ze kyàyn za, ə è za səmɔ̀ʼɔ sɛ̂ m̀ghɨm poləmɔ̀ʼ njòse poləmɔ̀ʼ əyìyn ə è və kwîə kyiŋə kə ndò zɛ èmɔ̀ʼ se zaʼâ kə è nə fe.

Tom èchùŋ kè kə Lûk tè nyaʼ 15:6

ə è kwɨlə ndù tɔŋne əsoyn ə vəynghe, è kɔtə vəynte ə è pi sê ghənə nə, ‹Ghàyn pə̀yn ə ghâsènì zhi tuʼ vɨnə̀ ndàyn kûmə̀ nə mə fe ndzè zɨ̂mzè kə è tè njisə̀, ghɛ ətəynze e tsɔ̂fə̀ sê mi nâʼà àchûŋ.›

Tom èchùŋ kè kə Lûk tè nyaʼ 19:9

Njisə̀s ə piə sê vəyn nə, “Ghɨə ndɛ fâ ə zhi fɨ ndàyn. Ə̀ vɨ̀nə nyi kepî va Aplàghâm.

Tom èchùŋ kè kə Lûk tè nyaʼ 23:43

Njisə̀s ə pìə sè vəyn nə, “M pìə se ghò səmɔʼ nə, ghasè ghò nə̀ nə̂ ə nyi ke nâʼà endaʼ echûŋə ə Fèzhə̀ ze ndàyn əmɔʼ.”

Njɔyn 15:11

M tsâ ə̀ghɛ nə ghɨ̂yn sê ghàyn kə ghàyn ə kyi kepî esaŋnê zɛ ə M kyi, ə nyi esaŋnê mə ze ə lwiyn kwəyn.

Ɛfesùs 2:10

Ghâsènì nyi efɨaʼ ə Fezhə̀ zə ghoze. Fe fɛtə̂ ghâsènì tɔynə̂ ə Klâys Njisə̀s nə ghâsènì nə ndamə èndam echûŋ zɛ ə è tè se nyi mə è və tè pɨaʼtê ndəm nə ghâsènì ə ndamə.

Ɛfesùs 3:7

M tè zhə̀te efɨ̂aʼ ə tom èchùŋ nə zɨ̂nə̀ mə ə̀ fo Fezhə̀ tyaʼa vəynke nə mə nə̂. Ə tè fo vəyn tyaʼa nə ke fɨ̂aʼ ə mì ətəm ə ke tsamte kə mə nə̂ èfɨ̂aʼ ətəyn. Zhə̀fè tè nəyn nyi kûmə̀ ə̀təm əchûŋ ə vəynghe.

1 Tèsàlonikà 1:5

kûmə̀ nə ghàs tè zaʼlə va tom èchùŋ sê ghàyn kè etùə ècho, ghàs ə tə ndàʼà kepî è tyaʼa, è Zuʼse Ŋwaʼase, è pomə̂ etɛze nə ze nyi səmɔʼ. Ghàyn ke ndô kə ghàs tè ndamə ə ghàyn ə fètəyn. Ndam nə zɨ̂nə̀ tè nyi se tsàmtə ghàyn.

2 Timotì 2:26

Ə ghənə ke kɛsə pə̀yn ə ghənə etɔf, ə tə fɨ atam kɛ ə ndə̂plè nyi mə è və ko ghənə ətəyn, ə nə̀ nə ghənə ə nə̂ èghɛ zɛ ə è kɔ̀ŋə̀.

Ipilù 12:2

Ə ghâsènì ə naynə̂ ndûə kə sê Njisə̀s. Ə̀ nyi vəyn vɛ ə è pùʼ ndom ekyî epomə̂ ə ghasènìze, ə fɨyn nyi ke vəyn ə è chisə pomə ətəynze se ndùə tânə̀ əkwùŋse. È və tə pomə̂ se kwu awâmnè ə tàʼa njì eghomə zɛ ə ze tè nyi e kyì ekwu nə zɨ̂nə̀ sə eghɛ kûmə̀ nə è tè nyiə ke nə ə̀ tə nyi epàm ətəyn, ə è və saŋnə̂. È nyi zôyn, tsɨs ekɔyn e twɔ ə fekyə̀ efɔ̀yn ə Fezhə̀vè.

1 Pità 1:5

Ghaʼ nə zɨnə nyì sê ghàyn ghɛ ə Zhə̀fè tɔ̀ʼnə̀ è tyaʼ ə vəynke tɔynə̂ ekyî epomə̂ zɛ ə ghàyn kyi, ghàyn e nyi se tə kyi esɔ̂za zɛ ə fe pɨaʼte se fo sê ghàyn ə fetuʼ fe kwuŋsəfe.