Tom èchùŋ kè kə Lûk tè nyaʼ 15:29 - Ŋwàʼlè ə̀ Fèzhə̀ Mkâyn Mə̂ Fèm

²⁹ È və piə sê pɨ̀a vəyn nə, ‘M fe nə mə fə̀ sê ghò sə sepìŋ, ò pìə eghɛ, m chɔʼnə̂ va. Ò pâʼà tyəm fo ke nâʼà va pfɨ nə m kàyte ə ghâsè soyn sɨmse kwɨl.

Tom èchùŋ kè kə Lûk tè nyaʼ 15:29 ပူးပေါင်းရင်းမြစ်များ

Matyò 20:12

Ghənə tè pîə nə, ‹Ghɨ ghɨ̀yn ə ghe pə̂yn kwûŋsè fɨ̂aʼ ke sə chwìə emɔ̀ʼ, ò vêo ndàʼ ghənə kèpi kə ò ndàʼ ghàs, mə ghàs ə zɨsê fɨ̂aʼ tuʼfe fɨ̂flèfè etyə̀ chwì.›

Tom èchùŋ kè kə Lûk tè nyaʼ 15:28

Vayn vɛ ə nyɔʼsə̀ kə ètɔŋ ə tə nə e fɨnə njiə va apɨəyn. Pɨ̀a vəyn ə fɨnə ndùə sè chyatə̂ vəyn.

Tom èchùŋ kè kə Lûk tè nyaʼ 15:30

Pîza vayn vɛ vɨ̀nə vɛ è ndù kɛse pə̀yn, mə è və tə njiə kɛ vɛve ə ndùə pofsə̂ yî kwàlàe, ò sè nyi mə ò kàytè zaʼ echitə kɛ sê vəyn!’

Tom èchùŋ kè kə Lûk tè nyaʼ 15:7

M piə sê ghàyn nə, e tə nə̂ ə ze ə nyi kepî za ekwùtwəyn. Saŋnêzè tə nə̂ ə ze ə nyi ekwùtwəyn kûmə̀ wùə èpi emɔ̀ʼ vɛ ə è pə̀ynsə̀ təm ə və, ə kɛsə̂ pə̀ sê Zhə̀fè tsɛ̂ kə ze nyi kûmə̀ ə̀ghɨ m̀ghɨm m̀pɔləmɔ̀ʼ njòse pɔləmɔ̀ʼ ghɛ ə ghe kwàʼtə̀ nə ghe fɨyn kyi va se pə̀ynsè ətəm.”

Tom èchùŋ kè kə Lûk tè nyaʼ 17:10

Ə za nyì kepî kə ze kyi sə̂ nyi sê ghàyn. Ə fo fɨ̂aʼè, ghàyn ə nə̀ mɨ̂sè, ghàyn ə ndə̀mə̀ nə ghàyn fɨ̀aʼa ke kə ekɔ̂s, ghàyn nə̀yn ke efɨ̂aʼ zɛ ə ghàyn kyi se nə̀yn.”

Tom èchùŋ kè kə Lûk tè nyaʼ 18:9

È və fɨnə mɛ̀ ngàyn zhizè sê ghənə ghəmɔ̀ʼɔ ghɛ ə ghe tè fe kə ngɨŋ sə ghənə̂sè tə nyi tyəm chichi, ghɨə mɔʼɔ ghe e tyəm va, ə piə nə,

Tom èchùŋ kè kə Lûk tè nyaʼ 19:21

kûmə̀ nə m tè nyîə fànə̀ ghò. Ò nyi za kwə̂mə̀, ke se nji afɨa ndɔ̀ʼɔ ò ndəm, ke se kwiə mə ò tè pâʼà zho.’

Ŋwàʼlè ə̀ Pɔ̂l sê ghɨə Lûmghè 10:3

Ghənə ke va ndom vɛ ə Zhə̀fè njìə ghɨ sə ghɨə chichiə ətəyn. Ghənə pɨlə kyiŋə èndom sə nyi chichi ə Zhə̀fè əshi. Nyiəmə, ghənə njîə va ngɨŋ sə ghənə̂sè əchi se chùmtè endom vɛ ə Zhə̀fè nyi mə Fe ə fɛtê kə ghɨghe ə nyi chichi ətəyn ə Fəynfe əshi.

Ŋwàʼlè ə̀ Pɔ̂l sê ghɨə Lûmghè 3:20

Ghàyn ke nə wùə vayn kàʼa è və nyi chichi ə Zhə̀fè əshi kûmə̀ nə è chùmtə̀ èghɛ zɛ ə lâŋkè pìə. Lâŋkè nyì ke sə̂ tyə̂nə̀ se ghɨə nə ghənə nyiə nə̂ pi.

Ŋwàʼlè ə̀ Pɔ̂l sê ghɨə Lûmghè 3:27

Kə ze nyi nyî, ghâsènì tsɔsə̀ àngàŋtè kûmə̀ ghè? E kiva sə̂ nyi zamə. Ə̀ nyi alâŋ àkè ə ke pîə zamə? Ghâsènì tsɔ̀sə̀ àngàŋtè kûmə̀ nə ghâsènì chùmtə̀ àlâŋə? Ngaŋngaŋ. Ghàs tsɔ̀sə̀ chîəva ngàŋtèkè kûmə̀ zɛmə pîza ə̀ nyi kûmə̀ èpomə̂ zɛ ə ghàs kyi sê Njisə̀s ə ze nə̂yn kə nyi mə ə sɔ̀zâ ghàs.

Ŋwàʼlè ə̀ Pɔ̂l sê ghɨə Lûmghè 7:9

Shîŋə̀kè tè nyì ndô mə m keva lâŋkè. Pîza shîŋə̀ kɛ ə m tè ke lâŋkè ətəyn, shi ə fɨə ghɨmghe ə chiyntə̂ mi nə m nəyn pi, mə kwuə.

Etyə̂yn ə paynsêzè 2:17

Ə̀ kyi pîndè tùŋneve, è və zɨtə̂ èghɛ zɛ ə Zuʼse Ŋwaʼase pìə sê ndɛ sə Fezhə̀sè. Ə̂ nò zhi pîndè pi, ə m fo fɨazhiə e ndətə vîve se vəyn, e tɔŋtə̂ nə manà, ə m fɨyn fo èchi fɨfə zhîze se vəyn mə ə nyàʼ zə e fe zhîze ətəyn, wùə vîvè e ke va, ə̀ tsɛ̂ kə va wùə vɛ ə m fo chi ətəyn se vəyn.›”

Etyə̂yn ə paynsêzè 3:17

Ò pìə nə, ‘ò nyiə kyi èkɛ, mə o fɨ̂aʼ kɛve, lâʼà va fɨake.’ Pîza ò pìə za ke va nə ò nyi afɨa ə laʼsəke, è fɨa ə kosə nə esəynke, nyi afɨf mə o fòf fɨnə kwiə è sas ezomze.