Tom èchùŋ kè kə Lûk tè nyaʼ 15:22 - Ŋwàʼlè ə̀ Fèzhə̀ Mkâyn Mə̂ Fèm

²² Pɨ̀a vəyn ə piə kə sê ghɨfɨaʼa ə vəynghe nə ghàyn zaŋse pə̀yn è ndzɨs shise ə se tsɔ̂fə̀ kwənə ə lafsê vəyn ətəyn ə ndəm chaʼfe ə və agho ə tuŋ pfɨse ə və ghòl,

Tom èchùŋ kè kə Lûk tè nyaʼ 15:22 ပူးပေါင်းရင်းမြစ်များ

Tom èchùŋ kè kə Lûk tè nyaʼ 15:21

Vayn nə vɨ̂yn ə piə kə kə è fè kwàʼtə za nə, ‘Pɛ̂pɛ, mə nə̀yn pi sê Zhə̀fè, ə fɨnə nə̀ sê ghò. M fɨnə kwəynə va sə gho vayn.’

Tom èchùŋ kè kə Lûk tè nyaʼ 15:23

ə fɨnə piə sê ghənə nə, ‘Ghàyn nə ə ghàyn pə̀yn è zaʼ kɛ ə ke ghaʼa kwûŋsə̀ za ə kàyte, ə ghâsènì zhi tuʼ fɨ̂nə ndàyn, è saŋnêzè.

Ŋwàʼlè ə̀ Pɔ̂l sê ghɨə Lûmghè 13:14

Pîza ghàyn e pɨl kyi ètsɨsə̂ ə Pɛ̂pɛ Njisə̀s Klâyszè. Kə ghàyn ndəm tuke əghɛ ghɛ ə njà ewìyn kyiŋə, kə ghàyn tə nəyn kə wiyn vɛ ə ve chiyntə ghàyn nə ghàyn nəyn pi kyiŋə.

Ŋwàʼlè ə̀ Pɔ̂l sê ghɨə Lûmghè 3:22

Ndom ətəynve nyi nə naʼapi ndè vɛ ə è pomə Njisə̀s Klâys, ə̀ tə nə̂ ə nyi vəyn chichi ə Zhə̀fè əshi. Kə wùə nyi wùə Njûs, kə wùə va pî, sə nɨŋ va ətəyn.

Ŋwàʼlè ə̀ Pɔ̂l sê ghɨə Lûmghè 8:15

Kûmə̀ nə zuʼ sɛ ə Zhə̀fè nyi mə fə fo se ghàyn nə̀ chîəva nə ghàyn ə nyi èkɔ̂s, pi se nə̀yn nə ghàyn ə fânə̀. Se pɨlə nə̂ nə ghàyn ə nyi ə̀ghɔ Fezhə̀ghè, famə atyaʼ ə sezuʼke, ghâsènì chìə fɨsə̂ ndûə se Zhə̀fè nə, “Pɨ̀a! Pɨ̀a Vɨ̂mvè”

Ngàleshyà 3:27

Nâʼà ghàyn əkɨ̂m ghɛ ə tè fi môm ə Klâys ezə, nyi kə ghɨ ghɛ ə ghe nyi mə ə màʼ Klâys Njisə̀s ə ghàyn ewìyn kə sendzɨs.

Ɛfesùs 6:15

Ghàyn nji tom è chùŋ zɛ ə è fo pɔ̂ynè ə tuŋ ə ghàyn əghòl kə sepfɨ sə ghòlse ə pfɨ̂tə̀.

Etyə̂yn ə paynsêzè 19:8

Ə nyi mə fo ndzɨse zose, se tɛ èkɛve nə è maʼ.” (Ndzɨse tɛ nə ekɛ sə təynse tyə̂nə̀ ə̀ghɛ ə nə ə chûŋ ə Fezhə̀ghè.)

Etyə̂yn ə paynsêzè 2:17

Ə̀ kyi pîndè tùŋneve, è və zɨtə̂ èghɛ zɛ ə Zuʼse Ŋwaʼase pìə sê ndɛ sə Fezhə̀sè. Ə̂ nò zhi pîndè pi, ə m fo fɨazhiə e ndətə vîve se vəyn, e tɔŋtə̂ nə manà, ə m fɨyn fo èchi fɨfə zhîze se vəyn mə ə nyàʼ zə e fe zhîze ətəyn, wùə vîvè e ke va, ə̀ tsɛ̂ kə va wùə vɛ ə m fo chi ətəyn se vəyn.›”

Etyə̂yn ə paynsêzè 3:18

M təftə̂ ghò nə ò zhɔyn kàyntə̀ ngôl sê mi kə o ə nyi wùə èkɛ. Zhɔyn ndzɨs se fɨfə̂sè ə maʼə̀ ə kɨytə̂ èwiyn vɛve ətəyn, kə ndɔ̀ʼɔ ə ò ə kwìə ghomə̂. Nayne fuve ə ndəm ə ghò əshi kə o ə fe tèluʼ.

Etyə̂yn ə paynsêzè 6:11

Zhə̀fè ə fo sèndzɨs se fɨfə̂sè sê nâʼàpî ndè ə ghənə ə fètəyn nə ghənə maʼ ə pìə nə ghənə mote kwəynsê tso ke se chə se zaʼâ kə ghɨ ətəynghe zhwite ghɨə fɨaʼa mɔ̀ʼɔghe, è ghɔnyì ə ghənə̂ghè, kè kə tè zhwi ghənə kə kɔ̂yn ətəynke kɔʼ kwəyn.

Etyə̂yn ə paynsêzè 7:9

Epàm ətəyn, mə fe anɔ̂yn əghaʼâ əghɨ̀kè mə ə màʼ ndzɨse fɨfə̂sè, mə ə vayn kàʼa taŋ mɨsè, kyi ə̀kyì əghɨ̀ ghəkɨ̂m, mə ə fɨ pə̂yn ke tâŋ tekɨ̂m, ə fɨnə fɨə ndaʼa tèkɨ̂m, wàmnə̀ kə tewâmnè tèkɨ̂m. Ghənə tè nyi mə ə tyəm ashiə fèkyə̂ fə efɔ̀ynfè è kɨsè ə Va Ndzè əshi, kyi èchwɔ̂ ə ghənə ə gho,