Tom èchùŋ kè kə Lûk tè nyaʼ 14:32 - Ŋwàʼlè ə̀ Fèzhə̀ Mkâyn Mə̂ Fèm

³² Ə è fe nə è vâyn kàʼa è mɔ̀m, ə è tom ndùətom sə vəynse nə ghənə ndu fe fɔ̀yn ə̀mɔ̀ʼɔ̂ vɛ, nâʼà sə aghaf, ə chyate vəyn nə è kɔ̀ŋɔ̀ se fo naʼapi ghè kə yî vəyn pɨaʼte ghɛ ətəyn.

Tom èchùŋ kè kə Lûk tè nyaʼ 14:32 ပူးပေါင်းရင်းမြစ်များ

Matyò 5:25

Ə Wùə pə̀yn è ŋwàʼlè esaʼ se ghò ə njì ndùə è ghò elùʼ ə saʼe, o fɛtə̂ èghɛ ətəynze ghâyn vəyn mə shîŋə̀kè pa nyi ndò, ə̀ pu zâ ə è ndu eghò elùʼ ə saʼe. Ghɨ ghɛ ə saʼa pɔŋ fo kepî ghò sê sokə̀ʼ, ə sokə̀ʼ ə̀təyn ndəm gho ə ndɛ̂ chaʼ.

Matyò 5:42

Ə wùə ndɔnə fɨake sê ghò, o fo sê vəyn. Ə wùə kyiŋə se samsə̂ fi afɨa sê ghò, o samsə̂ fo sê vəyn.

Tom èchùŋ kè kə Lûk tè nyaʼ 12:58

Ə wùə nji ghò, ndùə è ghò elùʼ ə saʼ, o mɔ̀msə̀ nə ghâyn vəyn pɨaʼte endom, polə zâ, ə è nji ndù è ghò sê wùə sèsaʼ, ə è saʼ ghò ə è fo ghò sê wùə vɛ ə è fà ghɨghe ə chaʼ, ə è ndəm ghò ə ndɛ̂ chaʼ.

Tom èchùŋ kè kə Lûk tè nyaʼ 14:31

Ə̀ va za, ə̀ nyiə kàʼa ə nyi fɔ̀yn è kwə̀ ə è pɨaʼtə se səʼ ə nò fɔ̀yn ə̀mɔ̀ʼɔ̂, kyi ke ə̀ghɨ ghɔ̀ŋə kam seghɨm, ə è tàʼa tso tsɨsə se naynêə fe nə ghɨ nə ghɨnə ghɛ ghe tɛ kwənə se nò əghɨə fɔ̀yn ə̀mɔ̀ʼɔ̂ vɛ ə è kyi kamse m̀ghɨm m̀ pɛ ə?

Tom èchùŋ kè kə Lûk tè nyaʼ 14:33

E za nyi kepî eghɨ kə naʼapi ndè ə ghàyn əfètəyn tàʼa za naʼapi ghè vɛ ə è kyi, è vâyn kàʼa ə è və nyi chùmtè zɨ̂m.”

Tom èchùŋ kè kə Lûk tè nyaʼ 19:14

Ə̀ tè nyi za, ghɨ apàs endaʼ fu e panə̀ vəyn. È və ndò za, ghənə tomə nə ə ndù pi elùʼ vɛ ə è tè ndùə zə ətəyn nə ghənə kɔ̂ŋɔ̀ va nə è və saʼa ghənə.

Ətefɨ̂aʼ 12:20

Ɛlɔ̀t tè nyîə nyɔʼsə̀ ètɔŋ sê ghɨə endaʼ ə Tayà è Sindɔ̀n. Ə chɔʼtə̂ ə̀ghɨ ə tèndâʼà nə tɨ̂yn nə ghənə ndu fe Ɛlɔ̀t. Ghənə ə ndùə se fe Ɛlɔ̀t nə pɔ̂ynè ə nyi kûmə̀ nə fɨazhiə ə ghənəvè nâʼà èkɨ̂m tè fɨə kə endaʼ ə Ɛlɔ̀tzè. Wùə vɛ ə ghənə tè ndù fe sə shi se pɨaʼtê endam ə ghənə̂zè yîghə̀ Ɛlɔ̀t tè nyi Plastùs. Plastùs tè nyi atu se ghɨ əfɨaʼaghe ə fɔ̀yn Ɛlɔ̀t ə ndɛ.