Tom èchùŋ kè kə Lûk tè nyaʼ 14:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Ə ò kyi ghɛe ezhize, o pɨlə ndâmnə̀ əghɨ afɨfə è ghə̀ kèngɛchi è m̀ngə̂s è fòfvè.

Tom èchùŋ kè kə Lûk tè nyaʼ 14:13 ပူးပေါင်းရင်းမြစ်များ

Matyò 15:30

Nɔ̂yn etsɨəve ə pə̀ sê Vəyn, pə̂ m̀ngə̂sfɨəyn, ghɨ efofə, è èngɛchi, è kwùʼvè, è ghɨə zafə mɔ̀ʼɔghe ghe tsɨ̂ə kə nyî. Ghənə tè ndə̀mə əghɨ nə ghɨ̂yn ə Njisə̀s əshi; è və tsuʼə ghənə.

Matyò 22:10

Ghɨ fɨaʼa nə ghɛ ə fɨə ndùə efàf ə zùŋtə̀ nâʼà ə̀ghɨ ə̀kɨ̂m ghɛ ə ghənə tè fe, ə ghe chûŋə̀ è ghe piə, se zaʼâ kə ndɛ ə̀ malə̂ ə̀təyn lwiyn.

Tom èchùŋ kè kə Lûk tè nyaʼ 11:41

Ghàyn pɨlə fo fɨsə efɨa vayn vɛ ə ghàyn kyi sê ghɨafɨfə è təm e chûŋə̀, kə naʼapi ghè ə nyi è zoe sê ghàyn.

Tom èchùŋ kè kə Lûk tè nyaʼ 14:12

Njisə̀s ə kɛsə̂ pîə sê wùə vɛ ə è fè ndàm vəyn nə, “Ə̂ ò kyi ghɛze se ndâmnè əghɨ naʼapi ashìŋə̀ àkè, kə o ndàm soyn sɛse pi əghɔ nɛ̂ghè pi ə̀ghɨ esas ə ndɛ ghɛghe è ghɨ ghaʼâ ghɛ ə ghâynghə̀ ghənə ndamə paʼsə̂, kûmə̀ nə ezhoghɛ ə ghənə pɔŋ kyi èghɛ ə ghənə̂zè, ghənə ə pɔŋɔ ndâmə̀ ghò, ə nyi mə ə kɛsê ndaʼ ghô.

Tom èchùŋ kè kə Lûk tè nyaʼ 14:14

Ə ò nə̀yn za, ə pɔsêzè pə̀yn sê ghò kûmə̀ nə ghənə tə kɛsə̂ ndâʼà va gho. Ə Zhə̀fè tə ndàʼ ghò etuʼ vɛ ghɨ ghɛ ghe nyi chichi ə və shi kɛse zômə̀.”

Tom èchùŋ kè kə Lûk tè nyaʼ 14:21

Wufɨ̀aʼa nə vɨ̂yn ə kɛsə̂ kwɨlə tsà əghɛ nə ghɨ̂yn sê pɛ̀ èfɨ̀aʼ ə̀ vəyn. Tɔŋve ə zafə vəyn, è və piə sê va ətəyn nə, ‘Zàŋse fɨ ndù ə tendom tetɛte è te tətə̂tè ə tɔ̂ŋ ə kumtə̂ pə̂ ə̀ghɨ afɨf ghɛ ə ghe nyi fumə è ghe ngəplə è ghe fofə è m̀ngə̂s.’

Ətefɨ̂aʼ 9:39

Pità ə pɨaʼtə̂ ə ndùə yighə̀ ghənə, ə pə̀ kə è ndù tâyn fumə, ghənə ə njìə kɔʼɔ è vəyn ə lûm ə̀ ndɛ èkwùtwəyn. Zhwiə kwuə nâʼà ə̀kɨ̂m fu ə zùŋtə̀ ka ə və ngwùŋ, chîə tyə̂yntə̀ sendzɨs sə ghənə̂sè, è laf əmɔ̀ʼɔ vɛ ə Ndokàs tè tàsə sê ghənə kə è tè pa nyi ètwɔ.

1 Timotì 3:2

Wùə è chisə ə ndɛ ə̀ Fèzhə̀ kyi sə̂ nyi wùə mə ə chîə ngaynə̂ va vəyn, è kyi sə̂ kyi ke wùzhɔyn emɔ̀ʼ, nə̂ va ghɛghe tsɨ̂ə tsɛ àndiŋ, nyi kàʼa è kyi ngɨŋə̂ vəyn, ngɨmnə̂ ngɨŋ ə vəyn, tɔ̂ʼnə̀ è ghɨ ə motə pə, fɨyn ke sə zaʼlə̂ nâʼà àchûŋ,

1 Timotì 5:10

ghɨghe ke nə è kyi ndô ndam echûŋzè, mə è və tɔ̀ʼnè kɔʼ pəyn è ghɔ vəynghe, fɨnə fiə ə̀ghɨ ə motə pə kè nâʼà àchûŋ. Ə̀ kyi sə̂ nyi wùə mə è nyiə tsâmtə̀ ə̀ghɨ ə poməghe ə mndômnə̀ mndômnə̀ se tyə̀yn engɨmnê, fɨnə tsâmtə̀ əghɨ ghɛ ə ghe kyi tsôstè. Ə̀ kyi sə̂ nyi wùə mə è və fo ngɨŋə̂ vəyn sə̂ nə̂ chùŋ.

Taytùs 1:8

È kyi sə̂ nyi wùə, tɔ̂ʼnə̀ è ghɨ motə pə, fɨnə kɔ̀ŋɔ̀ sə̂ nə̂ ə̀ghɛ chûŋə̀. È kyi sə̂ nyi wùə, ke se kyiə ngɨŋ ə vəyn, nə̂ ə̀ghɛ ghɛ ə ghe nyi chichi, nyi èŋwaʼze, nguŋnə̂ ngɨŋ ə̂ vəyn.

Filemùyn 1:7

Ànyì vɨ̂m, kɔ̂ŋ zɛ ə ò kyi sê ghɨə Fezhə̀ è ndom vɛ ə ò nə̂ ghənə e saŋnə̂ ə fo mi ètəmə, ə nə̀ nə mə sɨŋnə̂! O nə̀yn ghɨə Fezhə̀ghè əkɨ̂m e ko kə nâʼà àchûŋ.

Ipilù 13:2

Kə ghàyn tə lɛ̂sè sə̂ fiə ndzɨsə̂ ə̀ghɨ ə motə pə ə ghàyn ə sendɛ. Ghɨə mɔ̀ʼɔghe ə fi ndzɨse ghɨghe, ke va nə ghənə fiə sètsì.