Tom èchùŋ kè kə Lûk tè nyaʼ 13:32 - Ŋwàʼlè ə̀ Fèzhə̀ Mkâyn Mə̂ Fèm

³² È və piə sê ghənə nə, “Ghàyn ndù tsàyn sê sɔ̀ŋɔ̀ nə̂ fɛ nə, ‹M chûmə̀ fɨsə̂ tèpamə̂ tə satàyntè ndâyn ə m fɨyn tsuʼ ə̀ ghɨ se zaʼâ eyisəʼə. Ə nyi sə mtuʼ mta, ə m se mɨ̀sè efɨa zɨme.›”

Tom èchùŋ kè kə Lûk tè nyaʼ 13:32 ပူးပေါင်းရင်းမြစ်များ

Ŋwàʼlè ə̀ Mâk 6:14

Ghɨghe ə zɨə ə̀ghɛ ghɛ ə Njisə̀s tè nə̂ luʼte tekɨ̂m, fɔ̀yn Ɛlɔ̀t ə pɔŋɔ zɨə. Ə tè nyi za, ghɨghe kwîə pîə nə ə nyi Njɔyn Fo M̀mò kə è kɛse zômə̀, nə za nyi eghɛ zɛ ə è kyi tyaʼa sə̂ nə̂ ə̀ghɛ nə ghɨnə̀ nyi.

Njɔyn 10:32

Njisə̀s ə pìə sê ghənə nə, “Mə nə̀yn ghɛ ə chûŋə̀ setsɨ̀ ə ghanə shi kə Pɨ̀a Vɨm fo tyaʼa nə M nəyn, famə əfètə̂ ə̀ghɛ, ə̀ nyi zɨ̂yn zə ə ghàyn kyiŋə se tɨmnə̂ Mi sə tə?”

Njɔyn 19:30

Njisə̀s ə mɨə mlɨ̂ me ngwaŋə̂m mə̂təynm ə pìə nə, “Zə mì. Kè sə ashìŋə̀, e və ngɨmsə̂ àtu ə Vəynke ə kwuə.”

Ipilù 2:10

Ə̀ tè nyì ke nâʼà èghɛ echûŋzè nə Zhə̀ fɛ ə fe tè fɛte fɨave ekɨ̂m, ə nə̂ kəpî nə ze ə pɔynə̂ kə fɨa ətəynve ə nyi kendò, è və nə̀ nə Njisə̀s fe tsôsvè se kwəynê ə mɨsè, kə è nji pəyn è ghɨə tsɨəghe ə vəyn epomsê, kûmə̀ nə ə̀ nyì Njisə̀s kə è chwìtə̀ ndom esɔzave sê ghənə.

Ipilù 5:9

Ə̀ tè nyì kə è kwəyn mɨ̂sè kə Zhə̀fè tè kyiŋə nə è və nyi, fə ndə̀mə̀ vəyn sə Wûə èsɔza sê ghɨ ghɛ ə ghe zɨə vəyn, nə è və nyi sɔ̀zà ghənə̂ sə teshɨ̀ŋə̀ tèkɨ̂m.

Ipilù 7:28

Ghɨ ghɛ ə Lâŋ ə Mosîskè tè pomə nə ndəm sə ghɨ̀ ə kɔʼsə nə eshyə̀ engaŋtə kwəynəghe, tè nyì ke ə̀ghɨ kə əghɨ mɔ̀ʼɔ, nə̂ kəpî pi. Pîza ə̀ tè nyi etsɨ̂nè zɛ ə Zhə̀fè tè nə̂yn è kâyntèzè mə ze pəyn epàmə̂ àlâŋ ə chɔʼɔ Vâ vəyn vɛ ə è nə̀yn nə è kwəynə mɨsè sə teshìŋə̀ tèkɨ̂m.