Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Tom èchùŋ kè kə Lûk tè nyaʼ 13:24 - Ŋwàʼlè ə̀ Fèzhə̀ Mkâyn Mə̂ Fèm

24 “Ghàyn mɔmse nâʼà è tyaʼa se tɔynə echo ndɛ vɛ ə ve fɛse nyi se nji elùʼ efɔ̀yn ə Fezhə̀e. Ghàyn ke nə ghɨ e tsɨə tə nə̂ ə kyiŋə se nji ətəyn pîza ə ze tɛ ghaʼ ghənə.

အခန်းကိုကြည့်ပါ။ ကော်ပီ




Tom èchùŋ kè kə Lûk tè nyaʼ 13:24
26 ပူးပေါင်းရင်းမြစ်များ  

Se zhə̀tè etuʼ vɛ ə Njɔyn Foə M̀mò tè zhə̀te se ndàʼa tomə̀ Fèzhə̀ se kɔʼɔ zaʼâ fa fetuʼ, fɔ̂yn ə Fezhə̀vè ə zɨ tsôsè sə ŋaŋ ə gho ə ghɨə noghe, ghɨə eno ətəynghe è nô se kyiə fi efɔ̂yn ə Fezhə̀ nə vɨ̂yn.


Wùə vîve ə pfɨfə sê vəyn nə, “Pɛ̂pɛ, ghɨ ghɛ ə ghe tə zhiə fɨə tə nə̂ ə kwuʼ nyi ke nyiə mə?” È və piə kə sê ghɨghe əkɨ̂m nə,


Ghà tsɨs shîŋə̀ tèkɨ̂m, pfɨ̂tə̀ kə ndo, tsə̂mə̀ nə Zhə̀fè fo tyaʼa ə ghàyn tə tɔynê əfètə̂ əghɛ nə ghɨyn ə ke tə kyànə̀. Ghàyn tə tɔynə̂ mɨ̂sə̀, ə ke se tyəm elùʼ ə saʼə Va Wùə əshi.”


Ghɔnyì ghɨmə, M fɨyn va sə̂ nyi ghâsènì sə aghaf. Ghàyn nə̀ kyiŋə mi mɔŋ, pîza M tsâ sê ghàyn zôyn, kè eghɨ kə m se nyi mə mə tsàyn sê ghɨ atyaʼa Njûsə̀, ə̀ nyì kepî za kə M tsâ sê ghàyn nə ghàyn vayn kaʼa ndu elùʼ vɛ ə M ndûə ətəyn


Kə ghàyn nə fɨaʼa sê fɨazhiə vɛ ə ve pofə, ghàyn è pɨlə fɨaʼà sê fɨazhiə vɛ ə ve kyi ndam zɛ ə ze tə mîə va. Ə̀ vɨnə nyi efɨazhiə vɛ ə Vâ Wùə tə fo sê ghàyn kûmə̀ nə Zhə̀fè, mə za nyi Pɨ̀a, nyi mə È və ndə̀m chwìə èfɨ̀aʼa ə Vəyn wìyn.”


Epàm ətəyn ə ghàyn ə kyiŋə Mi, fɨnə fe va Mi, mə luʼ vɛ M nyi ətəyn, ghàyn vayn kàʼa ghàyn pəyn fɨ fu.”


Njisə̀s ə pìə kwəynsə̂ se ghənə nə, “M nə̀ ndô, ə ghàyn ə kyiŋə mi, pîza ə ghàyn tàʼa fe Mi, ə ghàyn kwu ə ghàyn ə sepi. Luʼ vɛ M nə̀ nə̂ M mə nyi ətəyn, ghàyn vayn kàʼa ə pəyn fu.”


Ghənə ke va ndom vɛ ə Zhə̀fè njìə ghɨ sə ghɨə chichiə ətəyn. Ghənə pɨlə kyiŋə èndom sə nyi chichi ə Zhə̀fè əshi. Nyiəmə, ghənə njîə va ngɨŋ sə ghənə̂sè əchi se chùmtè endom vɛ ə Zhə̀fè nyi mə Fe ə fɛtê kə ghɨghe ə nyi chichi ətəyn ə Fəynfe əshi.


Se fe nə ghɛ nə ghɨ̀yn ə nyi mə ə nə̀yn, ə̀ za nyi eghɛ zɛ ə m mɔ̂msə̀ se fɨ̂aʼ è tyaʼa. Tyaʼa Klâys kɛ ə ke nyi ə mì ewìyn, ə̀ nyi kəynke ə ke chiyntə mi nə mə fɨaʼà è tyaʼke.


Ə ghâsènì mɔmse nâʼà è tyaʼa se nji elùʼ ezɨtə nə vɨ̂yn. Kə wùə se ghâsènì tə faŋ se nji kə ghənə tè shwìe kyiŋ se nji kûmə̀ nə ghənə tè kyi va kyî epomə̂zè.


Nyiəmə, ə ghɔnyì ghɨmə, ghàyn kyi fɨ̂aʼ etyaʼa se tyə̀yn səmɔʼ nə ghàyn nyì kepî əfètəyn ə̀ghɨ̀ ghɛ Zhə̀fè tɔŋə nə ghe chumte vəyn, ə chɔʼɔ nə ə nyi ə̀ghɨ ə vəynghe. Ə ghàyn nə̀ ghɛ ghɨ̂nə̀, ə ghàyn tə tàʼa kyî echyâsè ghâyn ghə̀ Zhə̀fè.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ