Tom èchùŋ kè kə Lûk tè nyaʼ 12:5 - Ŋwàʼlè ə̀ Fèzhə̀ Mkâyn Mə̂ Fèm

⁵ M nə̀ tsâ vɛ ə ghàyn kyi sə̂ fânə̀. Ghàyn pɨlə fânə̀ kə Fèzhə̀. Fe kyi atyaʼ se zhwi ə ghàyn, fɨyn kyi atyaʼ se ndə̀m ə ghàyn elùʼ ewùs. M tsâ sê ghàyn nə, ghàyn fânə̀ kə fəynfe!

Tom èchùŋ kè kə Lûk tè nyaʼ 12:5 ပူးပေါင်းရင်းမြစ်များ

Matyò 10:28

Kə ghàyn fayn ghɨ msɔ̀ŋ ghɛ ə ghe kaʼa ə ghe zhwi ke àchaʼ ewìyn ə wûəkè, pîza mə vâyn kàʼa zhwi zuʼ sə vəynse. Ghàyn e pɨlə fânə̀ Fèzhə̀ Fɛ ə fe kaʼa Fe pofsə̂ zuʼsə wùəsè, è chaʼ ə vəynke ewùs.

Matyò 25:41

Ə è ke pì se ghɛ ə vəyn ekɔyn ekôvè nə, ‘Ghàyn tə ə mì əshi, ghàyn ghɨnə Zhə̀fè ti ndi sê ghàyn nyî. Ghàyn ndu ewùs vɛ ə ve pɛ ndɨmə̂ va mə Zhə̀fè pɨaʼtê ndə̂m sê ndə̂plè è tsì sə vəynse.

Matyò 25:46

Ghɨnə mə, ə fɔ̀yn ke tom elùʼ etsəfsə vɛ ə wusve pɛ ndɨmə̂ va, pîza əghɨ chichighe ndu elùʼ vɛ ə ghənə tə ndamə faŋə.”

Matyò 5:22

Pîza, zôyn m tsâ sê ghàyn nə: ə nyɔ̀ʼsə̀ pi ndè tɔŋ sê ànyìə vəyn, ə tə pəyn è vəyn sê saʼe. Ə tɔŋte pîndè ànyìə vəyn nə, “Ò tsɔ̀fə kə eshi sə ndô!” Ə tə ndu è vəyn ashi əghɨ̀e saʼake. Ə tɔŋtə̂ pî ndè ànyì nə, “Ngô afɨake!” Ə zə pofə nə è nə̀ ndûə elùʼ ewùs.

Ŋwàʼlè ə̀ Mâk 13:23

E nyi nə ghàyn ə tɔ̂ʼnə̀. M tsâ ndə̂mə̀ ə̀ghɛ nə ghɨ̂yn sê ghàyn, tsɔ̀fə kə shîŋə̀ ətəynke kwəyn.

1 Tèsàlonikà 4:6

Fâ fètəyn èghɛ, kə wùə se ghàyn tə nəyn pofsê sê ghɔnyì ghaynghe, pî sə chɨ̂ynə̀ ə̀ ghɔ nyì ghaynghe. Ghàs ə tə pì chi ghɛ ghɨ̀nə se ghàyn, ə fo fɨ̀as se ghàyn nâʼà sə ŋaŋ nə Pɛ̂pɛ tə fo ètsôs se ghɨ ghɛ ə nə̂ kyì əghɛ nə ghɨ̂yn.

Ipilù 10:31

E nyîə kwə̂mə̀ nâʼà sə ŋaŋ nə wùə pfɨə nji ə Zhə̀ fɛ ə fe ndamə əgho.

2 Pità 2:4

Zhə̀fè tè paʼà faŋ se fo ngəʼ sê tsì sɛ ə se tè nəyn pi, pîza ə màʼà tsosə̂ ghənə elùʼ ewùs, elùʼ vɛ ə nyi mə ə fà ghənə alɨm, nə ə ndəm ghənə se zaʼâ kə tuʼ ə saʼve kwəyn.

Etyə̂yn ə paynsêzè 14:7

È zə pìə è kyə̀ ètɛ nə, “Ghàyn e fànə̀ Fèzhə̀, tsìtə̀ fəynfe kûmə̀ nə shîŋə̀kè ə kwəyn kə fe saʼ ghɨghe əkɨ̂m. Ghàyn ngɨmne vəyn vɛ ə è tè pom kwutwəynve, è chike, è njwî ə fengwaŋve, è mose mə se fɨə ə setɔŋ sə mmòse.”

Etyə̂yn ə paynsêzè 15:4

Ə̀ tə fânə̀ va nde ghô ə Pɛ̂, ə̀ tə faŋə ndè se pomsê ezə zɛ zə? Ə̀ nyi ke ghò, ghô nɨŋ ə ò nyi eŋwaʼze. Ghɨə mə fɨ ndaʼ tekɨ̂m tə pə̂ ngɨmnə̂ ghò, kûmə̀ nə o chwìtè sê nâʼàpî ndè nə ò saʼa ə̀ghɨ ə̀kɨ̂m chichi.”

Etyə̂yn ə paynsêzè 20:14

Ə màʼà tsosə̂ èkwu è ndaʼ ə ghɨ̀ ə kwuəze elùʼ vɛ ə wusve tè pɛ ətəyn. Luʼ vɨnə wus vɨnə pɛ ətəyn nyi ekwu zɛ ə ze nə̂ nə te ndu tepɛ̀.