Tom èchùŋ kè kə Lûk tè nyaʼ 12:4 - Ŋwàʼlè ə̀ Fèzhə̀ Mkâyn Mə̂ Fèm

⁴ M piə sê ghàyn ə soyn sɨmse nə, kə ghàyn ə fanə ghɨ ghɛ ə kàʼa ə zhwi ke àchaʼ ewiyn a wûəkè, pîza kyi va nâʼà èghɛ e tətə̂e se fɨnə nə̀yn èpam ətəyn.

Tom èchùŋ kè kə Lûk tè nyaʼ 12:4 ပူးပေါင်းရင်းမြစ်များ

Matyò 10:28

Kə ghàyn fayn ghɨ msɔ̀ŋ ghɛ ə ghe kaʼa ə ghe zhwi ke àchaʼ ewìyn ə wûəkè, pîza mə vâyn kàʼa zhwi zuʼ sə vəynse. Ghàyn e pɨlə fânə̀ Fèzhə̀ Fɛ ə fe kaʼa Fe pofsə̂ zuʼsə wùəsè, è chaʼ ə vəynke ewùs.

Njɔyn 15:13

Kɔ̂ŋ engaŋtə zɛ ə ghàyn kàʼa kyi sê soyn saynse nyi nə ghàyn kwu ə ghənə elùʼ.

Ətefɨ̂aʼ 20:24

Pîza m njiə pi va ndam zɨme nâʼà sə eghɛ zhîze, kè ezhoghɛ m mɨsè nyɨŋ nə zɨ̂yn, ə mɨ̂sə̀ àfɨaʼ kɛ ə Pɛ̂pɛ Njisə̀s nyi mə è və fo se Mi, mə ə̀ nyì se ndàʼà ə tom èchùŋ kûmə̀ àfùʼ kɛ ə Zhə̀fè kyi sê ghɨghe.

Ətefɨ̂aʼ 4:13

Pità tè wàmnə̀ zâ, ghɨ nə ghɛ ə fe ə̀təm atyaʼ ghɛ ə yî Njɔyn tè kyi ə fɨnə fe nə ghənə nyi ke ə̀ghɨ ndaʼa, ke pîva ŋwàʼlè. Ghənə e sè nyi è kaynze ə ke fe səmɔʼ nə, Pità yî Njɔyn nyi əghɨ mə ə tè kwiə yîghə̀ Njisə̀s shîŋə̀ tekɨ̂m.

Filìpây 1:28

Kə ghàyn nə fayn ə̀ghɨ ghɛ ə ghe nô nə kə ghàyn nəyn fɨ̂aʼ zaynze achûŋ. Ghàyn kyi təm ə tɛghe. Ə ghàyn nə̀yn nyi, ə ghàyn tyəyn sê ghənə nə Zhə̀fè nə pofsə̂ ghənə ə Fe sɔza ghàyn. Ə̀ nyi Fezhə̀ ə Fe nə̂ nə zɨnə mə kyayn.

Njə̂m 2:23

Ze tè kyàyn nyi ə lwiynsə kə eluʼ ə Ŋwàʼlè ə̀ Fèzhə̀ vɛ ə ve tè pi nə, “Aplàghâm ə tə pomə̂ sê Zhə̀fè, fe ə njiə vəyn sə wùə chichi,” ə fɨnə tɔŋtə vəyn nə sô vəyn.

1 Pità 3:14

Pîza ə ghàyn fe ngəʼ kûmə̀ nə ghàyn nə̀ ə̀ghɛ chichi, ə Zhə̀fè pɔse ghàyn. Ə nyàʼ ə Ŋwàʼlè ə̀ Fèzhə̀ nə, “Kə ghàyn ə fânə̀ ə̀ghɨ ghɛ ə ghe nə̂ ghɛghe se nə̀yn nə ghàyn ə fânə̀ èghɛ zɛ ə ghənə kaʼa nəyn sê ghàyn. Kə ndɨmke ə tsɛ̂ ghàyn.”

Etyə̂yn ə paynsêzè 2:10

Fekə! Kə ò nə fayn ètsôs vɛ ə ò njiə ndùə ətəyn. Ndə̂plè nə̂ nə ə kyi ghàyn yîghe ə ndəm ə ndɛ̂ chaʼ, ə̀ nyì ke emɔ̂m kə ze pə̂ sê ghàyn. Ghàyn nə fe ètsôs fu sə mtuʼ mghɨm. Mə ə nyi pî se zhwi ə ghàyn, ghàyn e samsə̂ kə ndò mi, ə m tə fo èndam zɛ ə ze tə mîə va sê ghàyn, ə̀ nyi àfɔ kayn kə tefɔ̀ynkè ə ke tyə̂ynə̀ nə ghàyn ə nò ə zhiə.