Tom èchùŋ kè kə Lûk tè nyaʼ 12:32 - Ŋwàʼlè ə̀ Fèzhə̀ Mkâyn Mə̂ Fèm

³² Kə ghàyn ə fânə̀, nâʼàpî kə nɔ̂nə̀ faynfe tətə, kûmə̀ nə Pɨ̀a vâynvè ə kɔ̀ŋ se fo eluʼ əfètə̂ èfɔ̀yn ə vəynve sê ghàyn.

Tom èchùŋ kè kə Lûk tè nyaʼ 12:32 ပူးပေါင်းရင်းမြစ်များ

Matyò 14:27

Pîza kè sə ashìŋə̀ Njisə̀s ə wàmnə̀ sê ghənə ə pìə nə, “Ghàyn kyi təmə, ə̀ nyi Mi; kə ghàyn fayn.”

Matyò 20:16

Njisə̀s ə mɨ̀sə̀ ngàyn zɨ̀nə̀ pîə nə, “Ghɨ ghɛ ə nyi ashi zôyn tə pə̂ ə nyi èpam, ghɛ ə ghe nyi epàm zôyn tə pə ə nyi àshi.”

Matyò 25:34

Ə Fɔ̀yn ke pì sê ghɨ chichighe ə vəyn ekɔyn twɔve nə, ‘Ghàyn pəyn, ə ghàyn ghɨnə ə Pɨ̀a vɨm pɔse nyi! ghàyn nji pəyn ə kyi pɔsə efɔ̀yn ə Fezhə̀ vɛ ə nyi mə ə pɨaʼtê se ghàyn nâʼà kə tè pom mbi.

Matyò 7:15

Ghàyn e tɔ̂ʼnə̀ kûmə̀ sèfɨ̀aʼtè sə akaŋse. Ghənə chwîtə̀ kə piə ghənə nyi è ngɨmnêzè kə se ndzè pîza mə ə ghənə ətəm, ghənə pofə kə se nyam sə epɨase.

Tom èchùŋ kè kə Lûk tè nyaʼ 10:21

Ə tè nyi kepî ashìŋə̀ nə kɛ, Zuʼ se Ŋwaʼase ə nə̀, Njisə̀s è saŋnə̂ nâʼà sə ŋaŋ ə ke tsə̀m nə, “Pɨ̀a vɨm, Pɛ̂pɛ vɛ ə ò saʼa wuləke è chia, m fo àzɔ̀ŋnè sê ghò kûmə̀ nə ò ndə̀tə̀ ghɛ ghɨyn sê ghɨ ghɛ ə ghənə kwâʼtə̀ nə ə tɔfə ndò ə tyə̀nə̀ sê ngou. Səmɔʼ ə Pɛ̂, ə̀ kɔ̀ŋ kê ghò se nə̀yn nyiə mə.”

Njɔyn 18:36

Njisə̀s ə pə̀ynsə̀ nə, “Fɔ̂yn vɨm va fa mbi. Ə fɔ̂yn vɨm fe nyì fa ə mbi, mə chùmtè èpàm sɨmse ə nò se nə̀yn nə kə fo tsɛsè Mi sê ghɨə Njûs ə ghaʼlə̂. Pîza fɔ̂yn vɨm va fa ə mbi.”

Ətefɨ̂aʼ 20:28

Ghàyn e tɔ̂ʼnə̀ è ngɨŋ saynse è ghɨ ghɛ ə Zuʼse Ŋwaʼase fo sê ghàyn nə ghàyn ə chisə̂ ghənə. Ghàyn e tɔ̂ʼnə̀ è nɔ̂yn ə ghɨə pomə ə Fezhə̀ kɛ ə Va vəyn tè kwu kûmə̀ ghənə se nə̀yn nə ghənə ə nyi ə̀ ghɨə vəynghe.

Ətefɨ̂aʼ 20:29

M ke ndô nə ə nə̀ pə ezhoghɛ m ndô, ə nyam sə epɨase pəyn nji ə ghàyn ə fètəyn, ə se tàʼa zà ə ghɨə pomə nə ghɨ̂yn.

Ŋwàʼlè ə̀ Pɔ̂l sê ghɨə Lûmghè 6:23

Ghàyn ke ndô nə ndâʼ zɛ əghɛ ə pighe pə̂yn è zəynze nyi ekwu. Pîza maʼte vɛ ə Zhə̀fè fo sê ghɨghe səndô nyi endam zɛ ə ze tə mîə va. Ghâsènì ə kyî zəynze kə ghâsènì nyi ghasènìghə̀ Njisə̀s Klâys Pɛ̂pɛ ə̀ ghâsènì.

1 Kɔlìŋ 1:21

Kûmə̀ nyiə mə, Zhə̀fè tɔynə̂ ə vəyn etɔf eghaʼâzè ə nə̀yn nə wùə vayn ndə̀ʼə kê vəyn tɔynə̂ ə vəyn etɔf eghaʼâ ə ngɨŋze. Zhə̀fè tè nyîə pɨlə saŋnə̂ tɔynə̂ əfètə̂ ‘àngo’ kɛ ə tè ndàʼa, è və sɔ̀zâ ə̀ghɨ ghɛ ə tè pomə.

Filìpây 2:13

Kûmə̀ nə ə̀ nyi Fezhə̀, ə Fe fɨaʼà ə ghàyn ə fètəyn, tsâmtə̀ ghàyn nə ghàyn ə kɔŋə̀ se nə̀yn, nyi se kaʼa nəyn fɨ̂aʼ zɛ ə ze tsɔ̂fə̀ sê Vəyn.

2 Tèsàlonikà 1:11

Ə̀ za nyi eghɛ zɛ ə ghàs tsə̂mə̀ sê ghàyn shîŋə̀ tekɨ̂m nə Zhə̀fè ə ghasènìfe nəyn ə ghàyn ə ndamə èndam zɛ ə ze kwəynə mə za nyi zɛ ə fe tɔŋɔ ghàyn nə ghàyn ə ndamə. Ghàs tsə̂mə̀ nə fe fo tyaʼa ə ghàyn ə nə̂ ə̀ghɛ əchûŋ ghɛ ə ghàyn kɔ̂ŋɔ̀ sə̂ nə̂, ə fɨyn nəyn mɨ̂sè ə̀ghɛ ghɛ ə kyî epomə̂ zaynze ə Njisə̀s tyə̀nə̀ nə ghàyn ə nə̂.

2 Tèsàlonikà 1:5

Kol ə təm zayn nə zɨ̂nə̀ nyiə tyə̂nə̀ ə ndayn nə Zhə̀fè nyîə saʼa ə̀ghɨ chichi, nyi se nə̀yn nə ghàyn ə kwəynə̂ sə̂ nyi elùʼ efɔ̂yn ə Fezhə̀ fɛ ə ghàyn fe tsôsvè kûmə̀ vəynve.

Ipilù 12:28

Ghâsènì kyi sə fo àzɔ̀ŋnè sê Zhə̀fè kə fe fo luʼ efɔ̀ynvè sê ghâsènì mə ə vayn kaʼa nəʼse vəynve. Ə ghâsènì ə fo àzɔ̀ŋnè, ngɨmnə̂ fəynfe endom vɛ ə fe kɔŋə̀ ətəyn, è ngɨmnê eghaʼazè, è fâyn zɛ ə vâ Fèzhə̀ kyi sə̂ kyi,

Njə̂m 2:5

Ghàyn zɨte ə ghɔnyì ghɨm ghe chûŋə̀! Piə ghàyn ke ndô nə Zhə̀fè ə tə chɔʼ ghɨ ghɛ ə ghɨ ə mbighe njîə nə nyi əghɨ afɨfə, ə nə̀ nə ghənə ə kyi èkyî èpomə̂ eghaʼâzè, ə ghənə kyi luʼ efɔ̀yn vɛ ə Zhə̀fè tè tsɨ̀nè sê ghɨ ghɛ ə ghe kɔ̂ŋə̀ vəyn.

2 Pità 1:11

Famə endom ə Zhə̀fè fi ndzɨsê ghàyn è təm ə vəynghe əkɨ̂m elùʼ vɛ ə Pɛ̂pɛ ə̀ ghâsènì Njisə̀s Klâys tə nə̂ ə è və saʼa ə̀ ghɨə vəynghe sə teshìŋə̀ tèkɨ̂m.

Etyə̂yn ə paynsêzè 1:6

ə nə̀ nə ghâsènì ə nyi ə̀ghɨ endaʼ èkɔʼsə nə eshyə̀ghè mə ghe fɨaʼà sê Zhə̀fè ə vəynfe mə za nyi pɨ̀a vəyn. Pomsêzè è tyaʼke nyi sê Njisə̀s Klâys sə teshìŋə̀ tèkɨ̂m. Ə zə nyi ke zamə.

Etyə̂yn ə paynsêzè 22:5

Tuʼ echive tə nə̂ ə ve ə fɨyn va, ə ghənə ə kyiŋə pî va lâmsè kɨ̀sə chwì èpanə, kûmə̀ nə Pɛ̂pɛ Zhə̀fè tə nə̂ ə fe ə nyi èpayn ə ghənə̂zè, ə ghənə ə saʼa kə tefɔ̂yn nâʼà kə ghè tə ghayn.