Tom èchùŋ kè kə Lûk tè nyaʼ 12:24 - Ŋwàʼlè ə̀ Fèzhə̀ Mkâyn Mə̂ Fèm

²⁴ Ghàyn fe kə ŋɔ̂ŋɔve ə. Ve zho tsɛ̂ va fɨazhiəve, kwiə va, kyi va fɨ̂ltè kɨ̀sə mtayn sə̂ zanə̂ èfɨa ətəyn, pîza Zhə̀fè e pfɨtê vəynve. Nâʼà ghàyn pâʼà fe nə ghàyn kɔʼnə tsɛ̂ ndò nɨ̂ŋmè ə?

Tom èchùŋ kè kə Lûk tè nyaʼ 12:24 ပူးပေါင်းရင်းမြစ်များ

Matyò 10:31

E za nyi nə ghàyn kyi va sə̂ fânə̀ kûmə̀ nə ghàyn nə̂ kɔʼnə̂ tsɛ̂ m̀nɨŋ me tsɨ̂əm̀.

Matyò 3:12

È kyi ke àshə̀ʼ ə vəynke ə və gho lɨmtə̂ se foptê əsesɔ̀f. Shɨ̂ŋə̀ kɛ ə è shə̀ʼ mɨ̂sè, ə è nji sɔ̀fsè ə è ndəm ə vəyn etwəyn. Pîza nyi se nyɔ̀ʼɔ epfɨ̂ŋ ewùs, mə ve pɛ̂ ndɨmə̂ va.”

Matyò 6:26

Ghàyn naynə̂ kə nɨ̂ŋ mə: ghənə zho va fɨave, ghənə kwîə va fɨave, zûŋtə̀ va fɨazhiəve se ndə̀m etwəyn. Pîza Zhə̀fè pɨ̀a vâyn vè ekwùtwəyn e tɔ̂ʼnə̀ è ghənə! Ghàyn kɔʼnə̂ tsɛ va nɨ̂ŋmè ə̀?

Ŋwàʼlè ə̀ Mâk 6:26

Ghɛ ətəynze ə nə̀ fɔ̀yn è saŋnə̂ va nâʼà sə kɔs, pîza fɨnə kɔ̀ŋɔ̀ va se pofsə̂ etsɨnè ə vəynze sê vayn nə vɛ, kûmə̀ nə è tè nyi mə è və kàyntè ghɛ ətəynze əghɨ motə pə vəynghe əshi.

Tom èchùŋ kè kə Lûk tè nyaʼ 12:18

ə ke fɨnə piə kə sê ngɨŋ nə, ‹Mə kê ghɛ zɛ kə m nəyn. M nə̀ sâʼà sendɛ se fɨazhiə sɨmse ə m pɛ se ghaʼâsè ə m ndəm fɨazhiə nə vɨ̂yn naʼapi èkwə̀ vɨmve ətəyn

Tom èchùŋ kè kə Lûk tè nyaʼ 12:23

Kûmə̀ nə ndam ə wùəe tsɛ̂ ndò fɨazhiəve, wiyn ə wûəvè e tsɛ̂ sendzɨs.

Tom èchùŋ kè kə Lûk tè nyaʼ 12:7

Pîza, sê ghàyn Zhə̀fè ke ndô kɔ̂yn ə se nyuŋ kɛ ə ke nyi ə ghàyn atu. E za nyi nə ghàyn kyi va sə̂ fânə̀ kûmə̀ nə ghàyn nə̂ kɔʼnə̂ tsɛ̂ m̀nɨŋ me tsɨ̂əm̀.