Tom èchùŋ kè kə Lûk tè nyaʼ 11:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Kûmə̀ nyi ə mə piə sê ghàyn nə, ghàyn e pfɨfə kə ndò, kə ə nə̂ fo sê ghàyn, kyiŋə kə ndò, kə ghàyn nə̂ fe, ngɔʼtə̂ kə ndò ndɛ, kə ə nə̂ chwi sê ghàyn.

Tom èchùŋ kè kə Lûk tè nyaʼ 11:9 ပူးပေါင်းရင်းမြစ်များ

Matyò 21:22

Ə ghàyn kyi pomə̂zè, ə ghàyn kyi nâʼàpî àkè kɛ ə ghàyn pfɨf e tsə̀m.”

Matyò 21:31

Njisə̀s ə pfɨfə sê wùə èshyə̀ èngaŋtə nə, Ə̀ nyi nde ə ghɔyn ghɨ̂yn əfètəyn ə̀pɛ̀ ə è nə̀yn ghɛ zɛ pɨ̀a tè kyiŋə ə? Ghənə pə̀ynsə̀ nə, “Ə nə̀yn və shi.” Njisə̀s ə ke pì sê ghənə nə, “M pîə sê ghàyn səmɔʼ nə, ghɨ ghɛ ə ghe tənə tâksè è kwàlàvè tə njiə elùʼ efɔ̂yn ə Fezhə̀vè sə ghàyn sə shi.

Matyò 6:29

M tsâ sê ghàyn nə, naʼapî fɔ̀yn Sòlomùyn è ghaʼa vəyn ze kɨ̂m tè màʼa va ndzɨse se tsɔ̂fə̀ zaʼâ kə sə endwɔ̀ŋ sɨ̂yn.

Ŋwàʼlè ə̀ Mâk 11:24

M pîə sê ghàyn nə, ə ghàyn tsə̂mə̀, pfɨfə nâʼà pîghè sê Zhə̀fè, pomə̂ nə ghàyn nə̀ kyîə, ə ghàyn nə̂ kyî.

Ŋwàʼlè ə̀ Mâk 13:37

Ghɛ zɛ ə m pîə sê ghàyn, m pîə kə se ghɨghe əkɨ̂m. ‘Ghàyn e tɔ̂ʼnə̀!›”

Tom èchùŋ kè kə Lûk tè nyaʼ 11:10

Kûmə̀ nə ə̀ pfɨfə pîndè sê Zhə̀fè ə è nə̂ kyi, ə kyiŋə pîndè ə è nə̂ fe. Nâʼà pîndè vɛ ə è ngɔʼte chondɛve, ə Zhə̀fè nə̂ chwie sè vəyn.

Njɔyn 14:13

M nə̀ nə̂ nâʼàpî èghɛ èkè zɛ ə ghàyn pfɨf ə Mi ezə, kə Pɨ̀a tyəyn pomsê ə vəynze tɔynə̂ ə Vayn.

Njɔyn 15:16

Ghàyn tè pâʼà chɔʼ Mi, ə̀ tè chɔʼ Mi ghàyn ə tomə ghàyn nə ghàyn nəyn ghɛ ghɛ ə ghe muə twɔm echûŋvè. Kyì tə ghɛ nə tɨnə mə ə ndam faŋ ke ndò. Ə ghàyn nə̀yn zamə, ə Pɨ̀a vɨm fo nâʼàpî ghè vɛ ə ghàyn pfɨfə sê vəyn tɔynə̂ ə mì ezə.

Njɔyn 15:7

Ə ghàyn faŋ ke ə mi ewìyn, ə zaʼlê zɨmze ə pɔŋ nyi sê ghàyn, ghàyn ə pfɨfə pî ghè, ə ghàyn kyi.

Njɔyn 4:10

Njisə̀s ə pə̀ynsə̀ sê vəyn nə, “Ə ò fè ke fɨa vɛ Zhə̀fè fo sê ghɨə fɨyn ke wùə vɛ è ndɔnə mô nə mɨ̂yn sê ghò, ə ò ndɔyn sê Vəyn, ə È fo ghô è môm mɛ m̀ fo ndamze.”

Ŋwàʼlè ə̀ Pɔ̂l sê ghɨə Lûmghè 2:7

Ghɨə mɔ̀ʼɔ ghə kol təmə ə faŋə nə̂ ndûə kə əghɛ əchûŋghè, kyiŋə epomsê, è kɔʼsêzè. Ghənə tə kyîə èndam zɛ ə ze tə mìə va. Zhə̀fè tə fo èndam zɛ ə ze tə mîə va se kyì əghɨ̀ nə ghɨ̂yn.

2 Kolìŋ 6:2

Piə Zhə̀fè ə pì nə: “Ə̀ tè nyi kə shîŋə̀kè kwəyn nə m zɨte sê ghò, mə zɨə ghò. Kə tuʼfe tè kwəyn nə ə m sɔza ghò, mə tsàmtə̀ ghô.” Ghàyn zɨte! Ə̀ zô nyi ashîŋə̀ kɛ kə Zhə̀fè zɨte sê ghàyn; Ə nda nyi ètuʼ vɛ kə Fe sɔza ghàyn ətəyn.

Ipilù 11:6

Wùə vîvè vayn kaʼa è nəyn nə Zhə̀fè ə saŋnə̂ mə è kyi va kyî epomə̂zè. Ə̂ kyiŋə pîndè sə̂ kɔʼsə̂ Fèzhə̀, ə è və kyi se pomə̂ nə Zhə̀fè nyîə ndamə fɨnə maʼtə̀ ə̀ghɨ ghɛ ə ngɨmnə vəyn.

Ipilù 4:16

Ə̀ za nyi eghɛ zɛ ə ze tsɔ̂fə̀ nə ghâsènì maʼa fâynzè ə pəyn paʼsê etipì ə fekyə̂ fə elùʼ efɔ̀yn ə Fezhə̀vè elùʼ vɛ ə fûʼkè nyi. Ə nyì fumə ə ghâsènì nə̀ kyiə kosê esəynze, è fùʼkè, se tsàmtə ghâsènì ashìŋə̀ etsòskè.

Njə̂m 1:5

Pîza, ə wùə se ghàyn làʼà tɔf eghaʼâzè, e və tsə̀mə̀ sê Zhə̀fè, ə Fe fo zəynze sê vəyn kûmə̀ nə Zhə̀fè fo sê nâʼàpî ndè èsaŋnêzè, e vayn zɔ̀ ə ghô ashìŋə̀ kɛ ə ò pfɨf sê vəyn.

Njə̂m 5:15

Ə ghənə piə ə tsə̂mə̀ ndò ə kyîə èkyî pomə̂zè nə Pɛ̂pɛ nə̀ tsuʼə wùə ə̀təyn, ə Pɛ̂pɛ tsuʼ vəyn ə e ndwise vəyn ekwì ezafəve, ə̀ nyi pî mə è tè nəyn pi, ə lɛse fo vəyn.

1 Njɔyn 3:22

Mə ghâsènì pfɨfə pi ghè sê vəyn ə è fo kûmə̀ nə ghâsènì nyîə ndə̂mə̀ èlwɔ̂ŋ ə Vəynve, fɨnə nə̂ ə̀ghɛ ghɛ ə è kɔ̂ŋɔ̀.

Etyə̂yn ə paynsêzè 2:24

Pîza, ghàyn ghɛ ə ghàyn faŋ ə Tyàtilà ə kwiynsê nə ghàyn chùmtə̀ va zaʼlê ə vəyn ze pi nə zɛ, ə tàʼa zaʼlə əghɛ ə satàyn ghɛ ə tɔŋtə nə əghɛ ə ndətə elɔŋəghe. M tsâ se ghàyn nə m nə̀ fɨnə fo va pɨ̀aʼà ə mɔ̀ʼɔke sê ghàyn.