Tom èchùŋ kè kə Lûk tè nyaʼ 11:51 - Ŋwàʼlè ə̀ Fèzhə̀ Mkâyn Mə̂ Fèm

⁵¹ se zhə̀tə̀ kə è Apɛ̀l se kɔʼɔ tàyn ə Sàkàlyâ kə ə tè zhwi ə sefɨayle sə alaŋ efo ə ndɛ̂ Fèzhə̀kè. M piə sê ghàyn nə ngwàʼ nə zɨnə mə tə tsâ echo əghənəe sê Zhə̀fè.

Tom èchùŋ kè kə Lûk tè nyaʼ 11:51 ပူးပေါင်းရင်းမြစ်များ

Matyò 23:35

Ə ghàyn zhwi ghənə, ə zɨnə mə nəyn nə Zhə̀fè tsɨfse ghàyn kûmə̀ nə ndə̂mmə̂ ghɨ̀ ghɛ ə nyi chichi nâʼà ə̀kɨ̂m ə ghàyn tè zhwi tso ə ghàyn ə tu. Kè se zhə̀tə̀ è Apɛ̀l vɛ ə tè zhwi ndɔ̀ʼɔ è pofse ghɛze, se kɔʼɔ tàyn ə Sàkàlyâ, ə va Pàlàkayà vɛ ə ghàyn tè zhwi. Sàkàlyâ vɛ ə ghàyn tè zhwi ə Ndɛ Ètsə̀mə è kɨsè alaŋ efoke.

Ipilù 11:4

Ə̀ nyi ekyî epomə̂zè ə ze tè nəyn nə Apɛ̀l fo foze sê Zhə̀fè ə ze ə tsɔ̂fə̀ tsɛ̂ zɛ ə Kên tè fo. Zhə̀fè ə tə njì vəyn sə wùə chichi kûmə̀ èpomə ə vəynze. Ə̀ nyi ekyî epomə̂ ə vəynze ə ze tè nəyn nə Zhə̀fè nji vəyn sə wûə ə̀ chichi kûmə̀ nə Zhə̀fè tè nyiə saŋnə̂ è maʼte ə vəynze. Nâʼàpî kə Apɛ̀l tè nyi mə è və kwu, è pa wâmnə̀ kəndò sê ghâsènì tɔynə̂ epomə̂.

Ipilù 12:24

Ghàyn ə pə̀yn sê Njisə̀s vɛ ə è tè pɨaʼte kàyn mə èfɛ̂m. Ghàyn ə pə̀yn ə mndəm mə Njisə̀s mɛ ə tè wə mə ə m̀ tsɨ̀nə̀ fɨa echûŋve tsɨ̂ə tsɛ̂ àfɨa kɛ ə ndə̂m mə Apɛ̀lmè tè tsɨ̀ne.

1 Njɔyn 3:12

Ghâsènì kyi va sə̂ nyi kə Kên. È tè nyi wùə ə̀ ndə̂plè, ə zhwiə ànyìə vəyn. È tè zhwi vəyn kûmə̀ ghè? Kûmə̀ nə Kên tè nyiə ndamə nə̂ ə̀ghɛ ə pighe, ànyìə vəyn e nə̂ ghɛ ə ghe tè nyi chichi ə Zhə̀fè ə shi.