Tom èchùŋ kè kə Lûk tè nyaʼ 11:49 - Ŋwàʼlè ə̀ Fèzhə̀ Mkâyn Mə̂ Fèm

⁴⁹ Kûmə̀ nyi, zɛ ə tɔŋtə nə, ‹Tɔf eghaʼâ ə Fezhə̀zè› pi nə, ‹M nə̀ tomə sèfɨ̀aʼtè seghaʼâsè è ndùətomse sê ghənə, ə ghənə zhwite ghəmɔ̀ʼɔ, ə fo ngəʼ sê ghəmɔ̀ʼɔ.›

Tom èchùŋ kè kə Lûk tè nyaʼ 11:49 ပူးပေါင်းရင်းမြစ်များ

Matyò 22:6

Yîghe kyiə ə̀ghɨ fɨaʼa nə ghɛ ə pusə zhwiə ghənə.

Tom èchùŋ kè kə Lûk tè nyaʼ 11:48

E tyə̂nə̀ kə nâʼà nə ghàyn tɔ̀ʼɔ̀ eghɛ zɛ ə pɨ̀a ghanə tè nə̀yn kûmə̀ nə ghənə ə tə zhwite fɨ̀aʼtè nə sɛmə, ghàyn e pomə teshyə̂ teghaʼâ tə ghənə̂tè.

Tom èchùŋ kè kə Lûk tè nyaʼ 24:47

ə fɨyn kyi sè zhə̀tə ə Njèlusalɛ̀m sè tsà eghɛ ə Fezhə̀zè ə vəyn ezə, nə ghɨə kwiyne təmə kə Pɛ Zhə̀fè lɛse fo sèpi sə ghənə̂sè.

Njɔyn 16:2

Ə tə chûmə̀ fɨsə ghàyn ə sendɛ sə atsɨ̀yntese, mə shîŋə̀kè tə pə̂ ə ghɨ ghɛ ə zhwitə ghàyn ə kwàʼtə̀ kə nə ghənə fɨaʼà sê Zhə̀fè.

Ətefɨ̂aʼ 1:8

Pîza ghàyn e ke nə ghàyn nə̀ kyiə àtyaʼ ezhoghɛ Zuʼse Ŋwaʼase pə̂yn sê ghàyn, ə ghàyn ə nyi sètsɛ̀ èsaʼ Sɨmse endaʼ ə Njèlusalɛ̀mzè, è pâs endaʼa Njòndyâkè è kə Sàmalyàkè akɨ̂m, se nduə tàyn tâŋ tə mbi tekɨ̂m.”

Ətefɨ̂aʼ 11:27

Ə̀ tè nyi kepî ə mtuʼ nə mɛ, fɨ̀aʼtè shîse ə ndò ə Njèlusalɛ̀m ə tso ə Antyòk.

Ətefɨ̂aʼ 22:20

Ə̀ tè nyi kə ə zhwi Shìtifɨ̀yn kə̂ è tè tyəm kə tsɛ̀ èsaʼ nâʼà mi è ngɨŋ zɨ̂mè tè nyîə nyi fumə, pîə nə ə zhwi vəyn.›

Ətefɨ̂aʼ 7:57

Ghənə ə zɨə zâ, ə pɨa chîə nâʼà è kyə̀ è tɛ, ə fìyntə̀ ètûŋne əghənəvè, ə shɨŋə ndùə kə ə̀kɨ̂m ə vəyn ewìyn.

Ətefɨ̂aʼ 8:3

Pîza, Sɔ̂l ə zhə̀tə̀ kyiŋə èndom nə ghɨə ndɛ ə̀ Fèzhə̀ghè mi, sè njiə kə ə ndɛ ə ndɛ, shînə̀ fɨsə̂ ə̀ ndômnè è zənə, ndə̂mə̀ ghənə ə ndɛ ə̀chaʼ.

1 Kɔlìŋ 1:24

Pîza sê ghɨ ghɛ ə Zhə̀fè tɔŋə, kɨ̀sə ə̀ nyi əghɨə Njûsə̀, kɨ̀sə ə̀ va əghɨ ə Njûsə̀, ghənə ke nə Zhə̀fè tyə̀nə̀ àtyaʼ ə vəynke è tɔf eghaʼâ ə vəynze tɔynə̂ ə Klâys.

1 Kɔlìŋ 1:30

Pîza ə̀ nəyn Fezhə̀ nə ghàyn ə nyi sə eghɛ èmɔ̀ʼ ghâyn ghə̀ Klâys Njisə̀s, ə nə̀ nə è və nyi ètɔf eghaʼâ ə ghasènìze, ə nə̀ nə ghâsènì ə tyəm chichi ə Zhə̀fè əshi tɔynə̂ ə Klâys, ə fɨnə tɔynə̂ kəpi ə Klâys ə nə̀ nə ghâsènì ə nyi è ŋwâʼzè, ə zhɔnə àtu ə ghasènìke.

Ɛfesùs 4:11

Ə̀ nyi vəyn vɛ ə è tè chɔʼ ghɨ mɔʼɔghe ə ndə̀mə̀ sə ghɨətomə, ə chɔʼɔ ghəmɔ̀ʼɔ ə ndə̀mə̀ sə sèfɨ̀aʼtè se ghaʼâsè, ə chɔʼɔ ghəmɔ̀ʼɔ ə ndə̀mə̀ nə ə nə ndâʼà èghɛ ə Fezhə̀ ətelùʼ ətelùʼ ə fɨnə chɔʼɔ ghəmɔ̀ʼɔ nə nə nyi sèfɨ̀aʼtè, ə chɔʼɔ ghəmɔ̀ʼɔ sə setyə̀ynsè.

Kòlosè 2:3

Ə̀ nyi Klâys ə è kàʼa è nəyn ə ghàyn fɛte kê ə̀ghɛ ə Fezhə̀ghè. Ghɛ nə ghɛ mə nyîə ngəs kyi m̀kɔʼnè.

Etyə̂yn ə paynsêzè 16:6

Ghɨghe ə tè zhwite ghɨ ghɛ ghe, ə zhwitə sèfɨ̀aʼtè, ò vɛ ò fo ndə̂m zôyn nə ghənə mɨ. Fɨa kɛ ə ò fo sê ghənə nyi kɛ ə ke nyi mə kə kwəyn sê ghənə!”

Etyə̂yn ə paynsêzè 18:20

“Ghàyn ghɛ ə ghàyn ndamə ekwùtwəyn, ghàyn e saŋnə̂. Ghàyn e saŋnə̂ ə ghɨə Fezhə̀ è ghɨətomə, è fɨ̀aʼtèsè kûmə̀ nə Zhə̀fè ə kà saʼ ə̀ Papilɔ̀yn pɔynsə̂ vəyn əghɛ ghɛ ə è tè nə̀yn sê ghàyn!”