Tom èchùŋ kè kə Lûk tè nyaʼ 11:4 - Ŋwàʼlè ə̀ Fèzhə̀ Mkâyn Mə̂ Fèm

⁴ Lɛ̀se fo ghɛ ghàs ghepiə pɔ̀msə ghàs lɛ̀sə fo nâʼàpî ndè vɛ ə è nə̀yn pi sê ghàs. Kə ò nə̂ za nə mɔ̂mè pəyn sê ghàs.”

Tom èchùŋ kè kə Lûk tè nyaʼ 11:4 ပူးပေါင်းရင်းမြစ်များ

Matyò 18:35

Njisə̀s ə kwùŋsə̀ nə, “Ə̀ nyì kepî zamə kə pɨ̀a vɨmvè ekwùtwəyn tə nə̂. Ezhoghɛ ə ò tàʼa lɛ̀sə fo ànɛ̂ è təm ghɛghe əkɨ̂m. Ə Zhə̀fè tə tàʼa lɛ̀sə fo gho kèpî kə fɔ̀yn vɛ tè tàʼa lɛ̀sə fo wùə èfɨ̀aʼa ə̀ vəyn.”

Matyò 26:41

Ghàyn e kyaʼà, tsə̂mə̀ kə mɔ̂mè pəyn sê ghàyn. M ke nə ə̀ nyi ə ghàyn ekwâʼtè, ghàyn kɔ̀ŋɔ̀ ndò se nə̀yn kə m pî, pîza njà èwìyn e pɔylə̂.”

Tom èchùŋ kè kə Lûk tè nyaʼ 11:5

È və fɨnə piə sê ghənə nə, “Wùə ə ghayn ə fètəyn kàʼa ə è ndo ndù ə so vəyn ə ndɛ əfètəyn etuʼ ə è pi sê vəyn nə, ‘Soyn vɨ̂mè, fo mi è luʼ fə mpfɨ̀ŋfè,

Tom èchùŋ kè kə Lûk tè nyaʼ 13:4

Ghàyn fɨyn kwàʼtè kèpi eghɛ zɛ ə ze tè kyàyn sê ghɨ Silùomə̀ ghɛ njòse famə. Ndɛ̂ chi zɛ ə tè pɛ, è tyàfə̀ nyi ə tə pfɨ̀ə zhwite ghənə nâʼà ə̀kɨ̂m. Ghàyn kwàʼtə̀ nə ghənə tè nə̀yn sepi se tsɛ̂ sə ghɨ ə̀kɨ̂msè ə Njèlusalɛ̀m fu mə?

Tom èchùŋ kè kə Lûk tè nyaʼ 22:46

È və piə se ghənə nə, “Piə e za nyi nə ghàyn pɨənə kə ndò ə? Ghàyn ndwi ə gha tsə̂mə̀ kə̂ mômzè pəyn se ghàyn.”

Tom èchùŋ kè kə Lûk tè nyaʼ 8:13

Zɛ ə è tàyntè enwɔyn nyi kə ghɨ ghɛ ə zɨ ghɛ ətəyn, ə zàŋsə̀ pomə kə ndò èsaŋnêzè, pîza e pâʼà tɔ̀ʼ nji ə ghənə ətəm. Ghənə ə pomə̂ kə sə fendiŋə̀ fə ashìŋə̀fè nyi, mɔ̂mzè ə pə̀, ghənə pfɨ̀ə kə ndò.

Njɔyn 17:15

M tsə̂mə̀ va nə Ò nji tsɨsè ghənə ə mbi. Pîza M tsə̀mə̀ nə Ò tɔʼne ə Ò tsɨ̀ŋne ghənə sê wùə èpi.

1 Kɔlìŋ 10:13

Nâʼàpi èmɔ̂m èkè zɛ ə ghàyn nyi mə fe, nyi ekyì zɛ ə ze pə̂ sê nâʼà pî wùə m̀sɔ̀ŋ èkè. Pîza Zhə̀fè nə̀ èghɛ zɛ ə fe tsɨ̂nè, mə è vayn kaʼa ə è za nə ò tsɛ tɔynê emɔ̀m mə ze kaʼa ə ze nəyn ə ò pfɨ ə pi; ə shîŋə̀ kɛ ə mɔ̂mè pə̀yn se ghò, ə è fo ghô tyaʼa nə ò kol təmghe ə ò tsɛ tɔynê ətəyn.

Kòlosè 3:13

Ghàyn e kyi ə̀təm ə kolə sê ngɨŋ saynse, lɛ̂sə̀ fo nâʼàpî ndè vɛ ə è nyi mə è və nə̀yn pofsê se ghò. Ghàyn e lɛ̂sə̀ fo sèngɨŋ saynse kè eghɨ kə Pɛ̂pɛ nyi mə è və lɛ̂sè fo ghàyn.

2 Tèsàlonikà 3:3

Pîza nâʼàpî èghɛ èkè zɛ ə Pɛ̂pɛ pî nə è nə̀ nə̂, è nə̀ kə zamə, è nyi se nə fo ghàyn tyaʼa, ə è kɨŋte ghàyn nə kə Wùə ètəm ə Piə tə tàʼa nə̀yn nə ghàyn nəyn pi.

2 Timotì 4:18

Pɛ̂pɛ nə̀ tsâmtə̀ mi kə ghɛ epi zhîze tàʼa kyàyn sê mi, ə è fɨyn nji kwi ke è mi achûŋ kə ghɛ epi zhîze tàʼa kyàyn se mi, m ndu nji ə vəyn elùʼ efɔ̀yn ə vəynve ekwùtwəyn. Ə ghâsènì ə pomsə̂ vəyn sə teshìŋə̀ tèkɨ̂m. Ə ze ə nyi ke zamə.

Njə̂m 2:13

Kûmə̀ nə shîŋə̀ kɛ ə Zhə̀fè tə piə fe saʼa nâʼàpî ndè vɛ ə è kosə va səyn sê wùə, ə fe tàʼa kosə esəyn sê vəyn; Pîza wùə vɛ ə è kosə səyn sê ghɨə mɔ̀ʼɔ, shîŋə̀ kɛ ə Zhə̀fè tə piə fe saʼa vəyn, ə fe saʼ vəyn èkosê esəynze.

Etyə̂yn ə paynsêzè 2:10

Fekə! Kə ò nə fayn ètsôs vɛ ə ò njiə ndùə ətəyn. Ndə̂plè nə̂ nə ə kyi ghàyn yîghe ə ndəm ə ndɛ̂ chaʼ, ə̀ nyì ke emɔ̂m kə ze pə̂ sê ghàyn. Ghàyn nə fe ètsôs fu sə mtuʼ mghɨm. Mə ə nyi pî se zhwi ə ghàyn, ghàyn e samsə̂ kə ndò mi, ə m tə fo èndam zɛ ə ze tə mîə va sê ghàyn, ə̀ nyi àfɔ kayn kə tefɔ̀ynkè ə ke tyə̂ynə̀ nə ghàyn ə nò ə zhiə.

Etyə̂yn ə paynsêzè 3:10

Kûmə̀ nə o zɨ lâŋ kɨmke mə ke nyi nə ò kol təmə ə fètə̂ ètsòs, M tə sɔzâ kəpi ghò ashìŋə̀ kɛ kə tsôsè pə̀yn ə mbi ekɨ̂m se mɔ̀m əghɨ ghɛ ə ghe ndamə ə chi.