Tom èchùŋ kè kə Lûk tè nyaʼ 11:29 - Ŋwàʼlè ə̀ Fèzhə̀ Mkâyn Mə̂ Fèm

²⁹ Nɔ̂yn ə ghɨ̀kè tè tsɨ̀ə kwəynsə pə̀ kə ndò ə Njisə̀s ə ngwùŋ, è və piə nə, “Ngwàʼ zɨnə nyi ke nâʼà ngwàʼ èpi È kyiŋə se fe chwiə sê mi. È nə̀ fe va chwiə zhizè, ə tsɛ̂ kəva zə Njonà.

Tom èchùŋ kè kə Lûk tè nyaʼ 11:29 ပူးပေါင်းရင်းမြစ်များ

Matyò 3:7

Ə pə̀ kə Njɔyn fe tsɨ̀tsɨ̂ ə̀ ghɨ̀ə Falàsîə è ghɨə Sandùsîə ghe pə̂ nə è fo môm sê ghənə, è və pìə sè ghənə nə, “Mbam sɨ̂nə̀! Ə̀ tɔfse nde ghàynə, kə ghànə mɔ̂msə̀ se tə epɔynsê zɛ ə Zhə̀fè nyi se tom sê ghàyn ə?

Ŋwàʼlè ə̀ Mâk 8:38

Ə nâʼà pîndè vɛ è ghomə kûmə̀ mi è zaʼlê zɨme əghɨ mbighe əshi ghɛ ə pomə va Zhə̀fè, ə Vâ wùə tə pɔŋ ghomə̂ kûmə̀ vəyn ezhoghɛ è kɛse pə̂yn əfètə̂ èpomsê ə Pɨ̀a vəynze yî tsì sə vəynse ŋwaʼase.”

Tom èchùŋ kè kə Lûk tè nyaʼ 11:16

Ghɨ mɔʼɔghe, kèpi anɔ̀yn nə kɛ e sè kyiŋə endom se ko Njisə̀s ətəyn sè piə nə è nəyn ghɛe kayntə zhize sə chwiə se tyəyn nə tyaʼ ə vəynke ndò kè nâʼà sê Zhə̀fè.

Tom èchùŋ kè kə Lûk tè nyaʼ 11:50

Kûmə̀ zɨnə mə, ngwàʼ zɨnə tə tsâ ècho ə ghənə̂zè kûmə̀ m̀ndəm mə sèfɨ̀aʼtè se ghaʼa sè sekɨ̂m ə tè zhwite se zhə̀tè kè kə ə tè pom mbi,

Tom èchùŋ kè kə Lûk tè nyaʼ 12:1

Ə̂ pə̀ kə Njisə̀s tè wàmnè ghɛ nə ghɨ̂nə̀, ghɨghe e zûŋtə̀ pə̀ kə setsɨ̀ setsɨ̀, e sè nyi kə ə kàʼa ə nyayle yiə, è və zhə̀tə̀ sè wàmnə̀ sê chùmtè èpàm sə vəynse piə nə, “Ghàyn tɔ̂ʼnə̀ kûmə̀ ghɨə Falàsîə ghɨ̂yn ə kaŋkaŋa nə̂ ghɛ nyi, ndam tə ghənə̂tè njiə əfètə̂ ə̀ ghɨ kè kə fèsə̀ʼ njiə əfètə̂ àpayn ə kwaŋa.

Tom èchùŋ kè kə Lûk tè nyaʼ 9:41

Njisə̀s ə pə̀ynsə̀ piə nə, “Ə̀ nyi anɔ̂yn a pi àkè kɨ̂yn ə ke ke va se pomə nyiə, m ndamə tânə̀ zàyn ghâsènì tsɔ̀fə kə ghàyn pomə ə?” È və wàmnə̀ za ə se pi sê wùə təyn nə, “Pə̀yn è vayn vɛ nə vɛ fayn.”

Njɔyn 2:18

Ghɨ Njûs ə ghaʼâ ghɛ ə kɛsə̂ pə̂ sê Vəyn ə pfɨfə nə, “Ò kàʼa ə ò nəyn ghɛ ekaynə èkè se tyə̀yn sê ghàs nə ò kyi ndô tyaʼa se nə̀yn əghɛ ghɨ̀ynə.”

Njɔyn 6:30

Ghənə ə pə̀ynsə̀ sê Vəyn nə, “Ə̀ nyi chwìə èkè ə Ò kaʼa Ò nəyn kə ghàs fe ə pomə ghô ə? Ò kàʼa Ò ghayn tso nâʼà ghe?

Njɔyn 8:44

Ghàyn nyi əghɔ pɨ̀a vâynvè, ndə̂plè, kɔ̂ŋɔ̀ kə sə chûmtə̀ tè kwaʼtè tə vəynte. È tè zhwiə əghɨ kè ə zhə̀te, wàmnə̀ va ghɛze səmɔʼ kûmə̀ nə è kyi va səmɔʼ. Shîŋə̀ kɛ ə è wamə kaŋke, è lotə̂ wamnə̀ kə èwâmnè ə vəynze, kûmə̀ nə è nyi wùə àkaŋ, nyi pɨ̀a sê kwaŋve.

1 Kɔlìŋ 1:22

Ghɨ Njûsə̀ kyiŋə kə sèchwìə se kaynəse, ghɨ Nglêkghè e kyiŋə sə̂ kyi etɔf eghaʼâzè,