Tom èchùŋ kè kə Lûk tè nyaʼ 11:22 - Ŋwàʼlè ə̀ Fèzhə̀ Mkâyn Mə̂ Fèm

²² Wùə tyaʼ ə mɔ̀ʼɔ ə ke pə̀yn, tɛ tsɛ̂ vəyn ə nò zhiə vəyn, ə è komte fɨa eghɔ̀ŋ ə vəyn nə vɛ ə è vâ zaʼnə ətəyn se paʼse è vɛ ə è tè fi sə atyaʼ sê ghɨə mɔ̀ʼɔ̂, ə è ndù chyâtè sê ngwàʼ ə̀ vəyn.

Tom èchùŋ kè kə Lûk tè nyaʼ 11:22 ပူးပေါင်းရင်းမြစ်များ

Tom èchùŋ kè kə Lûk tè nyaʼ 11:21

Ə̀ nyi ezhoghɛ wùə atyaʼ fɛte fɨa eghɔ̀ŋ ə vəynve, tsɨ̂ŋnə̀ àpɨəyn ə vəynke, ə fɨa ə vəynve ekɨ̂m zhiə tua.

Tom èchùŋ kè kə Lûk tè nyaʼ 11:23

Ə̂ nyiə va pi ndè pamze emɔ̀ʼ ghasè vəyn, ə ze ə tyə̂nə̀ nə è nò mi Ə̂ nyiə tsâmtə̀ va pi ndè è mi sə̂ zûŋtə̀ əghɨə Fezhə̀, ə ze ə nyi nə è sàsə̀ mâʼà ndò.

Ɛfesùs 6:11

Ghàyn nji fɨa eghɔ̀ŋ vɛ ə Zhə̀fè fo sê ghàyn nâʼà èkɨ̂m kə ghàyn ke se nò m̀nàŋ mɛ ndə̂plè pɨaʼtə.

Ɛfesùs 6:13

Ghàyn nji fɨa eghɔ̀ŋ ə Fezhə̀vè nâʼà èkɨ̂m kə tuʼ mê pîəm piə m̀ kɔʼɔ pə ndò ə ghàyn tɨm zhi ndə̂plè, ə tə pəyn ə nyi ə kwùŋse, ghàyn e pa tɛ kə ndò.

Kòlosè 2:15

Zhə̀fè ə tə tɛ tsɛ twɔʼve, è kɨsè tu ə te ndaʼàvè ə mbi. Kwu ə vəynze awâmnè ə tə nə̀yn nâʼàpî ndè ə fe nə tyaʼa vəynke ə tɛ tsɛ twɔʼve ekɨ̂m.

1 Njɔyn 3:8

Pîza, nâʼàpî ndè vɛ ə è nə̀yn pi nyi vayn sê ndə̂plè, kûmə̀ nə ndə̂plè tè zhə̀te se nə̀yn ə pi kè ə zhə̀te ə̀ mbi. Ghɛ zɛ ə ze tè nəyn kə Vâ Fèzhə̀ pəyn tè nyì se pofsê ə tefɨaʼ tə ndə̂plètè.

1 Njɔyn 4:4

Pîza ghàyn nyi ə ghɔ Fezhə̀ghè ə ghɔyn ghɨmə mə ghàyn ə nò zhi fɨ̀aʼtè sə akaŋse, kûmə̀ nə zuʼ sɛ ə se nyi ə ghàyn ewìyn nyîə kyi àtyaʼ ke tsɨ̂ə tsɛ̂ kə ghɨ̀ kɛ ə ghənə nyi ə mbi.