Tom èchùŋ kè kə Lûk tè nyaʼ 11:2 - Ŋwàʼlè ə̀ Fèzhə̀ Mkâyn Mə̂ Fèm

² Njisə̀s ə pìə se ghənə nə, ghàyn piə tsə̂mə̀ ndò ghàyn piə nə: Pɛ̂, nə ə ghɨ ghe ə kɔʼsə̂ è zə zɛ nə ə fe fɔ̂yn vɛ ve

Tom èchùŋ kè kə Lûk tè nyaʼ 11:2 ပူးပေါင်းရင်းမြစ်များ

Matyò 10:32

Ghɨ ghɛ ə pîə ə ndayn nə ə nyi ghɨmə, M tə nə̂ kəpî èghɨ sê ghənə ə pɨ̀a vɨ̂mvè əshi ekwùtwəyn.

Matyò 3:2

“Ghàyn kəmne ə ghànə sepi, kûmə̀ nə fɔ̂nə Fezhə̀ və paʼsê.”

Matyò 5:16

Kèpî endom nə vɨ̂nə̀ mə, payn zaynze kyi sə̂ panə ə ghɨə ghə shi, kə ghənə fe ə̀ghɛ echûŋ ghɛ ə ghàyn nə̀, tsîtə̀ Pɨ̀a vâyn vɛ ə è nyi ekwùtwəyn.

Tom èchùŋ kè kə Lûk tè nyaʼ 11:1

Ə̀ tè nyi tuʼ fîfe, Njisə̀s e tsə̂mə̀ elùʼ vîve. Ə pə̀ kə è mɨ̀sè, chùmtè èpàm ə̀ vəyn zhîzè èmɔ̀ʼ ə pìə se vəyn nə, “Pɛ̂pɛ, zaʼle ghàs kə tsə̂mə̀, kè kə Njɔyn tè zaʼle chùmtè èpàm sə vəynse.

Ŋwàʼlè ə̀ Pɔ̂l sê ghɨə Lûmghè 1:7

M nyâʼà ŋwàʼlè zɨ̀yn sê ghàyn əkɨ̂m endaʼ ə Lûmzè, ə ghàyn ghɛ ə Zhə̀fè kɔ̀ŋɔ̀, nyi mə Fe ə tɔŋɔ nə ghàyn ə nyi ə̀ ghɨə Vəynghe. Ə Zhə̀fè, Pɨ̀a sê ghâsènì yî Pɛ̂pɛ Njisə̀s Klâys, fo ghàyn fùʼkè è pɔ̂ynè.

Ŋwàʼlè ə̀ Pɔ̂l sê ghɨə Lûmghè 8:15

Kûmə̀ nə zuʼ sɛ ə Zhə̀fè nyi mə fə fo se ghàyn nə̀ chîəva nə ghàyn ə nyi èkɔ̂s, pi se nə̀yn nə ghàyn ə fânə̀. Se pɨlə nə̂ nə ghàyn ə nyi ə̀ghɔ Fezhə̀ghè, famə atyaʼ ə sezuʼke, ghâsènì chìə fɨsə̂ ndûə se Zhə̀fè nə, “Pɨ̀a! Pɨ̀a Vɨ̂mvè”

1 Kɔlìŋ 1:3

Ghàs tsə̀mə̀ nə Zhə̀fè pɨ̀a ghâsènì, è Pɛ̂pɛ ə ghâsènì Njisə̀s Klâys fo ghàyn fùʼkè è pɔ̂ynè.

2 Kolìŋ 1:2

Ə Zhə̀fè, ə Pɨ̀a sê ghâsènì yî Pɛ̂pɛ Njisə̀s Klâys fo fùʼ ə Vəynke sê ghàyn è pɔ̂ynè.

Ngàleshyà 1:4

Klâys ə tə fo ngɨŋ ə vəyn ə kwuə kûmə̀ sèpi sə ghasènìse se sɔza ghâsènì fa ə mbi èpi, se nə̀yn eghɛ zɛ ə Zhə̀fè pɨ̀a ə̀ ghâsènì tè kyiŋə.

Ɛfesùs 1:2

Zhə̀fè, ə Pɨ̀a sê ghâsènì yî Pɛ̂pɛ Njisə̀s Klâys fo ghàyn fùʼkè è pɔ̂ynè.

Filìpây 1:2

Zhə̀fè, Pɨ̀a sê ghâsènì yî Pɛ̂pɛ Njisə̀s Klâys fo ghàyn fùʼkè è pɔ̂ynè.

Filìpây 4:20

Ə pomsêzè ə nyi se Zhə̀fè ə ghasènìfe, pɨ̀a ghâsènì sə teshìŋə̀ tèkɨ̂m, ə zə nyi ke zamə.

Kòlosè 1:2

Ghàs nyaʼ ŋwàʼlè nə zɨ̀yn nyi sê ghàyn ghɨə Fezhə̀ ghɛ ə ghe nyi endaʼ ə Kòlosèzè. Ghàyn nyì ghâyn ghə̀ Klâys chûmtə̀ vəyn è təm ghaynghe əkɨ̂m. Ə Zhə̀fè pɨ̀a ə̀ ghâsènì fo ghàyn èfùʼkè, è pɔ̂ynè.

1 Tèsàlonikà 1:1

Ə̀ nyâʼà mi Pɔ̂l, è Silàs è Timotì è ŋwàʼlè zɨ̀yn sê ghàyn ghɨ e poməghe ə Tèsàlonikà, mə za nyi əghɨ ə Fezhə̀ghè, mə za nyi pɨa, è ghɨə Pɛ̂pɛ Njisə̀s Klâysghè. Ə fùʼkè, è pɔ̂ynè ə nyi sê ghàyn.

1 Tèsàlonikà 1:3

Ghàs piə tsə̂mə̀ sê Zhə̀fè, ə Pɨ̀a ghâsènì, ghàs e kwâʼtə̀ kə ghàyn nə̂ ghɛ ghɛ ə ghàyn nyi mə ə kyî kyì epomə̂zè se ghəynghe, kwàʼtə̀ kə kɔ̂ŋ zɛ ə ghàyn kyi nə̂ nə ghàyn ə fɨaʼà sə ŋaŋ, è kə kwaʼtè zayn ə Pɛ̂pɛ Njisə̀s Klâys fɛtə tɛ.

2 Tèsàlonikà 2:16

Ə Pɛ̂pɛ ə ghâsènì Njisə̀s Klâys nâʼà è ngɨŋ ə vəyn yî Zhə̀fè Pɨ̀a ghâsènì vɛ ə è tè kɔ̀ŋə ghâsènì ə fo ghâsènì è təmə tɛghe, è kwaʼtè elɨmtə zɛ ə ze tə mîə va tɔynə̂ ə vəyn afùʼ.

Etyə̂yn ə paynsêzè 11:15

Zôyn tsì ə̀mɔ̀ʼɔ̂ zɛ ə è nə̀ nə se ndu esɛ̀mbɛ ə tɔŋ sɔŋ ə vəynze. Mə zɨə sèkyə setɛse ekwùtwəyn se pìə nə, “Pɛ̂pɛ ə̀ ghâsènì yî vɛ ə è Chɔʼ Ndə̂m nyiə kyi àtyaʼ sə̂ saʼa mbi zôyn, nyi sə̂ saʼa kə ndò nâʼà kə ghè tə ghayn.”

Etyə̂yn ə paynsêzè 15:4

Ə̀ tə fânə̀ va nde ghô ə Pɛ̂, ə̀ tə faŋə ndè se pomsê ezə zɛ zə? Ə̀ nyi ke ghò, ghô nɨŋ ə ò nyi eŋwaʼze. Ghɨə mə fɨ ndaʼ tekɨ̂m tə pə̂ ngɨmnə̂ ghò, kûmə̀ nə o chwìtè sê nâʼàpî ndè nə ò saʼa ə̀ghɨ ə̀kɨ̂m chichi.”

Etyə̂yn ə paynsêzè 19:6

Mə zɨə àfɨa ke kûmə̀ kə anɔ̂yn, kô kə epɨ̂apɨa, è kɨsè kə eghol epɨatəze, pɨa pîə nə, “Tsɨ̂tèzè nyì sê Zhə̀fè! Kûmə̀ nə Pɛ̂pɛ, Pɛ̀ àtyaʼ akɨ̂m Zhə̀fè ghasènìfe nyi fɔ̀yn!

Etyə̂yn ə paynsêzè 20:4

Mə ke fe mkyə̂ mə tefɔ̀yn mə ghɨ ghɛ ə ghe tè tsɨs ətəyn tè nyi ghɛ Zhə̀fè tè nyiə fo tyaʼke nə ghənə ə saʼa. Mə fɨnə fe àzɨlə ghɨ̀ ghɛ ə tè tsɔyn tuə ghənə̂vè kûmə̀ kə ghənə tè ndàʼa tom ə̀ Fèzhə̀ è kɨsè səmɔʼ zɛ ə Njisə̀s tè tyə̀n paynsê. Ghənə tè nyi əghɨ mə ə kwiynsê nə ngɨmnə va nyàm èpamə zɛ kɨ̀sə afɨâʼsè ətəynke, ə kwiynsə̂ nə kə̂ ə ndəm chwìə nyàm èpamə ə̀təyn ə ghənə echo àtu è kɨsè akɔyn. Ghənə ə tə kɛsê zômə̀ sè saʼa yî ghə̀ Klâys sə sepìŋ kam.