Tom èchùŋ kè kə Lûk tè nyaʼ 11:18 - Ŋwàʼlè ə̀ Fèzhə̀ Mkâyn Mə̂ Fèm

¹⁸ Ə satàyn sè nô ngɨŋ ə vəyn, ə ze ə tyə̂nə̀ nə è fɨyn kyi va tyaʼke etuə efɨa vɛ ə è saʼa. M piə nyi kûmə̀ nə ghàyn piə nə m chûmə̀ fɨsə̂ tèpamə̂ tə satàyntè è tyaʼke mə ə̀ fo Peelzepùl.

Tom èchùŋ kè kə Lûk tè nyaʼ 11:18 ပူးပေါင်းရင်းမြစ်များ

Matyò 10:25

E tyə̂nə̀ nə wùə ezaʼlə kyi va sə̂ kyiŋə èkɔʼsê ze tsɨə tsɛ zə wûə vɛ è zaʼlə vəyn. Wùə vɛ è fɨ̀aʼà kyi kepî va sə̂ kyiŋə èkɔʼsê ze tsɨ̂ə tsɛ zə wûə vɛ ə è fɨ̀aʼà se vəyn. Ə tɔŋtə tu esas ə ndɛke nə Peelzepùl, ə tɔŋtə̂ ə̀ ghɨə vəynghe sas ə ndɛghe tsɨ̂ə tsɛ̂ za mə.

Matyò 12:26

Ə Satàyn nò kəpî Satàyn, ə nyi mə è nò ngɨŋ ə̂ vəyn. Ə luʼ efɔ̀yn ə vəyn və nyi kàʼa ve tyəm zayn?

Matyò 4:10

Njisə̀s ə pə̀ynsə̀ nə, “Kɛse ə mi epàm ə Satàyn. Ŋwàʼlè ə̀ Fèzhə̀ pi nə, ‹Ngɨmne Pɛ̂pɛ Zhə̀ fɛfe ə fɨaʼà kə sê Fəynfe.›”

Matyò 4:24

Zhɔ̂ŋə Vəynve ə waŋə ndûə kə luʼ tekɨ̂m apàs endaʼ ə Silyàkè. Zɨnə nə̀ ghɨghe pə̂ è ghɨ ezafə ghəkɨ̂m sê Vəyn. Ghənə tè pə̂ èghɨ ghɛ ə tè zɨə tsôsè ə tekyì tə tezaf tekɨ̂m. Ghɨ ghɛ ə tè kyi pamə̂ tə satàyntè, è ghɛ ə tè pfɨ̂ə èpfɨ̀kè, è ghɛ pâs ə ghənə ke wìynke tè nyi mə kə kwu, Njisə̀s ə tsuʼə ghənə əkɨ̂m

Tom èchùŋ kè kə Lûk tè nyaʼ 11:15

Pîza ghɨə mɔ̀ʼɔ ghe ə̀ piə nə, “È chûmə̀ fɨsə tèpamə̂ tə satàyntè atyaʼ ə Peelzepùlkè, ə fɔ̀yn ə̀ tèpamə̂ tə satàyntè.”