Tom èchùŋ kè kə Lûk tè nyaʼ 10:41 - Ŋwàʼlè ə̀ Fèzhə̀ Mkâyn Mə̂ Fèm

⁴¹ Pɛ̂pɛ ə tɔŋtə̂ vəyn ə pìə sê vəyn nə, “Maltà, Maltà, ghɛ nyiə fo ètsôs sê ghò, tsɨ̀ə kə nyi.

Tom èchùŋ kè kə Lûk tè nyaʼ 10:41 ပူးပေါင်းရင်းမြစ်များ

Ŋwàʼlè ə̀ Mâk 4:19

pîza fɨmsê ə mbize è kɔ̂ŋ zɛ ə ghənə kyi sê ghaʼtə mbite, è ghɛ mbi ə mɔ̀ʼɔ ə pə̀ ghâŋtə̀ ə̀təm ə ghənə̂ghè, zə tàʼa mu etwɔm ə ghənə endam.

Tom èchùŋ kè kə Lûk tè nyaʼ 10:38

Njisə̀s yî chùmtè epàm sə vəynse e sè kwiə ndùə ə njiə ə tə̀ʼ zhizè, wùzhɔyn vîvè e nyi ətəyn, e tɔŋtə̂ nə Maltà. Njisə̀s ə njiə ə və ndɛ, è və fiə ndzɨsə kə nâʼà vəyn àchûŋ.

Tom èchùŋ kè kə Lûk tè nyaʼ 10:40

Maltà e sè fɨmə èfɨâʼè tsɨəze ə nə̀ pə̀ sê Njisə̀s ə piə nə, “Pɛ̂pɛ, ò fe va nə ànyì vɨ̂mvè ə zà mi, m kyiŋə̀ kə è fɨ̂aʼè mi nɨŋ ə? Pi sê vəyn nə è pə̀yn tsâmtè mi.”

Tom èchùŋ kè kə Lûk tè nyaʼ 12:22

Njisə̀s ə wàmnə̀ nyi ə ke pi sê chùmtè epàm sə vəynse nə, “M piə sê ghàyn nə, kə ghàyn nə kanə mbi kûmə̀ endam zayn. Kə wùə sê ghàyn ə kanə mbi nə e nə̀ zhiə ghè ə, kɨ̀sə è nə̀ maʼà ghè ə zhi ewiyn ə.

Tom èchùŋ kè kə Lûk tè nyaʼ 21:34

Ghàyn tɔ̀ʼnə̀ kə è ngɨŋ saynse, polə za ə cho ezhiəze, è siə ə mlɨ̀ə, è ndwə̂ etɨme kûmə̀ əghɛ ə mbiə ə nə̂ puʼse shi ə ghaynghe, ə tuʼ nə vɨnə tə pfɨ̂ŋə̀ ko ghàyn kə atam.

Tom èchùŋ kè kə Lûk tè nyaʼ 8:14

Zhi zɛ ə è tàyntè ə m̀sòlèndzɔŋ za nyi kə əghɨ ghɛ ə ghe zɨ ghɛ ətəyn, sè ndamtə̂ kɔʼɔ, shiə ghənə̂ghè e sè tsɨlə, ghənə e kyiŋə eghaʼ, nyɨŋə kə epàm efɨa ə chiu, ghɛ nə ghɨyn e tàsə̀ nə kə ghənə ghəʼne əfètə̂ epomə̂ ə ghənə̂zè.

Njɔyn 11:1

Wùə vîvè tè nyiə zafə, zə vəynze e nyi Lazalùs. Petanì tè nyi tɔ̂ŋ zɛ ə ghɔ nyìə Lazalùsghè, mə nyi Mèli è Maltà, tè ndamə ətəyn.

Njɔyn 11:5

Njisə̀s tè nyîə kɔ̂ŋɔ̀ Maltà, è Mèli, è Lazalùs,

Njɔyn 12:2

Ə kwùynə̀ èfɨazhiə sê Njisə̀s, Maltà ə tsɛ̀sə̀ vəynve. Lazalùs tè nyi wùə èmɔ̀ʼ əfètə̂ ə̀ghɨ̀ ghɛ ə tè tsɨs etûə àlaŋ zhiə yî ghə̀ Njisə̀s.

Filìpây 4:6

Kə ghàyn fɨyn kayn mbi kûmə̀ èghɛ. Ghàyn e pɨlə tsə̂mə̀ kə ndò, ndɔnə nâʼàpî ghè sê Zhə̀fè kə ghàyn kyiŋə. Ə ghàyn tsə̀mə̀, ghàyn e fo àzɔ̀ŋnè sê Vəyn.