Tom èchùŋ kè kə Lûk tè nyaʼ 10:37 - Ŋwàʼlè ə̀ Fèzhə̀ Mkâyn Mə̂ Fèm

³⁷ È və pə̀ynsə̀ nə, “Ə̀ nyi vɛ ə è tyə̀yn səyn e koe sê vəyn.” Njisə̀s ə ke pi sê vəyn nə, ‘Ə ò ndù, ò nə̂ kə zamə.

Tom èchùŋ kè kə Lûk tè nyaʼ 10:37 ပူးပေါင်းရင်းမြစ်များ

1 Pità 2:21

Ə̀ nyi eluʼ vaynve sə̂ fe ngəʼ nə zɨ̂yn kûmə̀ nə Klâys ə tə fe kepî ngəʼ kûmə̀ ghàyn ə tyə̀nə̀ èghɛ nə ghàyn ə səynə̂ se chùmtè aghol ə vəynke.

2 Kolìŋ 8:9

Ghàyn kendô fùʼ kɛ ə Pɛ̂pɛ ə̀ ghâsènì Njisə̀s Klâys tè tyə̀yn sê ghâsènì. È tè nyi wùə èkɛ, ə kɛsə fɨfə kûmə̀ ghàyn, kə fɨfə Vəynke nəyn, kə ghàyn ə nyi ə̀ghɨ kɛghe ə Zhə̀fè shi.

Matyò 23:23

Ngəʼ èghaʼâ nyì sê ghàyn ə tyə̀ynsè sə alàŋsè è ghɨə Falàsîə! Ghàyn ghɨnə ə ghàyn kaŋkaŋa nə̂ ghɛ nyî. Ghàyn njiə m̀fɨatə̀ mê lɨ̀mtə̂ mɛ ə ndə̂mə̀ əfètəyn èfɨazhiəve, ghàyn ə fo àmɔ̀ʼ sê Zhə̀fè ə fètə̂ èfɨa èghɨm. Pîza ndə̂mə̀ va tuke se nə̀yn eghɛ zɛ lâŋkè tsà. Pîza ə zàmaʼà ə̀ghɛ əchûŋ ghɛ ə lâŋkè zaʼlə mə nyi nə wùə kyi sə̂ nyi chichi sê ghɨ mɔ̀ʼɔ, kosə̂ esəyn, nyi se pomə̂ se Zhə̀fè. Ghàyn kyi sə̂ nə̂ ə̀ghɛ nə ghɨnə̀ ə̀kɨ̂m zâ fɨsə̂ va zhîze.

Ɛfesùs 5:2

Ghàyn kyi sə̂ kɔ̂ŋɔ̀ ə̀ghɨ mɔʼɔ kè shîŋə̀ tekɨ̂m kè eghɨ kə Klâys tè kɔ̀ŋɔ̀ ghâsènì ə fo ngɨŋ ə vəyn sə efo, ze lɨ̂mtə̀ tsɔ̂fə̀ kə nyî sê Zhə̀fè ə ghâsènì elùʼ.

Etyə̂yn ə paynsêzè 1:5

è kɨsè sê Njisə̀s Klâys ə vɛ ə è tsà kə ghɛ zɛ ə è fe. Ə̀ nyi wùə ə shi vɛ ə tè zòmse ekwu, ə̀ nyi kepî vəyn vɛ ə è nyi fɔ̀yn se fɔ̂yn tə mbi tekɨ̂m. È kɔ̂ŋɔ̀ ghâsènì, mə tɔynə̂ ə vəyn ekwu, e və sɨsə̀ m̀ndəm mə Və̂ynmè se sɔzà ə ghâsènì ə ghâsènì ə sepi,

Matyò 20:28

E za nyi kepî eghəs kə Va Wùə tè tàʼa pə̀yn nə ə fɨ̂aʼà sê vəyn. È tè pə̀yn sə̂ fɨ̂aʼà sê ghɨ, se fɨnə fo ngɨŋə̂ ə̀ vəyn se sɔzà əghɨ tsɨəghe.”

Tom èchùŋ kè kə Lûk tè nyaʼ 10:36

Njisə̀s ə wàmnə̀ mɨ̂sè ə se pfɨf sê tyə̀ynsè alâŋ nə vɨ̂yn nə, “Ə̀ ghò ekwâʼtè, ə nyi vɨ̀yn əfètə̂ ə ghɨ nə ghɨyn ə ta ə è tyə̀yn nə zhi nyi ànyì sê wùə nə vɛ ə ghɨ chɔŋɔ tè kyi ə?”

Tom èchùŋ kè kə Lûk tè nyaʼ 10:38

Njisə̀s yî chùmtè epàm sə vəynse e sè kwiə ndùə ə njiə ə tə̀ʼ zhizè, wùzhɔyn vîvè e nyi ətəyn, e tɔŋtə̂ nə Maltà. Njisə̀s ə njiə ə və ndɛ, è və fiə ndzɨsə kə nâʼà vəyn àchûŋ.