Tom èchùŋ kè kə Lûk tè nyaʼ 10:22 - Ŋwàʼlè ə̀ Fèzhə̀ Mkâyn Mə̂ Fèm

²² Kə è wàmnè zâ ə ke pi sê chùmtè epàm sə vəynse nə, “Pɨ̀a vɨm ə fo fɨave ekɨ̂m sê mi. Wùə fɛtə kê va wùə vɛ ə Vayn nyi vəyn, ə tsɛ̂ kəva Pɨ̀a. Wùə e fɛtê ke va wùə vɛ ə Pɨ̀a nyi vəyn ə tsɛ̂ kəva Vayn, è ghɨ ghɛ ə Vayn chɔʼ se tyə̀nə paynsê ə Pɨ̀a sê ghənə.”

Tom èchùŋ kè kə Lûk tè nyaʼ 10:22 ပူးပေါင်းရင်းမြစ်များ

Matyò 11:25

Fumə ashìŋə̀ Njisə̀s ə pìə nə, “Pɨ̀a vɨ̂m, Pɛ̀ àwulə è chike, m fo àzɔ̀ŋnè sê ghò kûmə̀ kə ò ndə̀tə̀ ghɛ ghɨ̀yn sê ghɨ ghɛ ə ghənə kwâʼtə̀ nə ghe tɔfə ndò ə tyə̀nə̀ ə̀ghɛ ətəynghe sê mɨ̀ətə̀ mê tətə̂m.

Matyò 11:27

Pɨ̀a vɨ̂m və fo fɨave ekɨ̂m sê mi. Wùə vîvè fɛte keva Vayn ə tsɛ̂ kəva Zhə̀fè Pɨ̀a, wùə e fɛte ke va Pɨ̀a ə̀ tsɛ̂ kəva Vayn è ghɨ ghɛ Vayn chɔʼ se tyə̀nə paynsê ə Pɨ̀a sê ghənə.

Matyò 28:18

Njisə̀s ə kɨŋtə̂ paʼsə̂ ndûə sê ghənə ə pìə nə, “Zhə̀fè ə fo tyaʼke akɨ̂m sê mi ekwùtwəyn è kɨsè ə chi.

Njɔyn 1:18

Wùə pâʼà tyəm fe Zhə̀fè. Ə̀ nyì ke Vayn emɔ̀ʼ vɛ ə è tè nyi kepî kə Fezhə̀, mə È nyi ə Pɨ̀a etipì. Ə̀ nyì ke Vəyn vɛ ə è nyi mə è və fe Zhə̀fè. È və nə̀yn nə ə ke Fèzhə̀.

Njɔyn 10:15

Kèpî èghɨ kə Pɨ̀a Vɨ̂m ke Mi, M ke ndô Vəyn. M kaʼa M kwu kûmə̀ sè ndzè sɨmse.

Njɔyn 13:3

Njisə̀s tè nyîə ke nə Pɨ̀a ə fo tyaʼke sê zhi etûə èfɨa èkɨ̂m. È ve ke kepî nə zhi ndo pə̂yn se Zhə̀fè, kɛsə̂ ndûə se Zhə̀fè.

Njɔyn 17:10

Nâʼàpî àkè kɛ M kyi nyi Kɛke, nâʼàpî àkè kɛ ə Ò kyi ə̀ nyi Kɨmke. Mə kyî pomsê ekayntəze kûmə̀ ghənə.

Njɔyn 17:2

kè kə Ò nyi mə O fo tyaʼa sê Vəyn e tùə ghɨ ə̀kɨ̂m kə È nəyn, ə ghɨ ghɛ ə O fo sê Vəyn kyi ndam zɛ ə ze tə mîə va.

Njɔyn 17:26

Mə nə̀yn kə ghənə ke èzə Zɛze, mə M nə̀ ndûə kə shi sə̂ nə̂ nyiə mə endom kə kɔ̂ŋ zɛ ə Ò kyi sê Mi ə nyi se ghənə, kə Mi è ngɨŋ Zɨ̂mzè ə pɔŋ nyi ghasè ghənə.”

Njɔyn 17:5

Pɛ̂! fo mi èpomsê ekayntəze zôyn, kèpî èpomsê ekayntə zɛ ə M tè kyi ghasè ghò tsɔ̀fə kə pom mbi.

Njɔyn 3:35

Ə pɨ̀a vayn kɔ̂ŋɔ̀ vayn, è və ndə̀mə̀ ə̀ghɛ ə̀kɨ̂m ə vəyn əgho.

1 Kɔlìŋ 15:24

Ə mɨ̀se ke pə̀yn, shîŋə̀ kɛ ə Klâys tə tɛ tsɛ̂ nâʼà zuʼse pi sekɨ̂m, è twɔʼve ə È tsɛse fo eluʼ efɔ̀yn sê Zhə̀fè mə ə̀ za nyi pɨ̀a.

2 Kolìŋ 4:6

Zhə̀ fɛ ə Fe tè pi nə, “Payn tə panə əfètə̂ àlɨm.” Ə̀ nyì kepî Fezhə̀ Fə təynfe ə Fe nə̂ nə payn ə Vəynze ə panə ə ghâsènì ətəm, kə ze pəyn ghâsènì è tɔf ə epomsê ə Fezhə̀zè mə ze panə ə Klâys ekyàʼ.

Ɛfesùs 1:21

È ve tsɨs fumə zôyn, saʼa nâʼà sèzuʼ sèkɨ̂m è twɔʼve ekɨ̂m, ngaŋtə tsɛ̂ nâʼàpî fɔ̀yn èkwə̀ ə mbiə zôyn è mbi zɛ ə è tə pə̂.

Ipilù 2:8

O nə̀yn è chisə̂ kə èfɨa èkɨ̂m.” Se pì nə Zhə̀fè ə nə̀yn nə wùə ə chisə̂ kə èfɨa èkɨ̂m, e tyə̂nə̀ nə fe pâʼà za fɨa kyîke pîza, sə zôyn ghâsènì fe va nə wùə m̀sɔ̀ŋ chisə̂ kə èfɨa èkɨ̂m.

1 Njɔyn 5:20

Ghâsènì ke kepî ndò nə Va Fèzhə̀ ə tə pə̀yn ə mbi, ə zaʼlə ghâsènì kə ə ke Fèzhə̀ fɛ ə Fe nyi səmɔʼ, ə ghâsènì ə tsɨ̂yntè nyi sə afɨa àmɔ̀ʼ, kûmə̀ nə ghâsènì nyì sə afɨa àmɔ̀ʼ è Vâ Vəyn Njisə̀s Klâys. È nyi Fezhə̀ fɛ ə fe nyi səmɔʼ, fo èndam zɛ ə ze tə mîə va.

2 Njɔyn 1:9

Nâʼàpî ndè vɛ ə è ndamə va kə zaʼlê ə Klâyszè tyə̀ynə̀, è va yî Zhə̀fè, pîza nâʼàpî ndè vɛ ə è chùmtè zaʼlê ə Klâyszè nyì ndô yî pɨ̀a è kɨsè vayn.