Tom èchùŋ kè kə Lûk tè nyaʼ 10:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ È və wàmnə̀ zâ ə se pi sê ghɨətom nə ghɛ nə, “Nâʼàpî ndè vɛ ə è zɨ ghàyn, ə zɨ mi. Nâʼàpî ndè vɛ ə è toynse se zɨə ghàyn, ə toynse se zɨə mi. Vɛ ə è toynse mi, ə toynse vɛ ə è tom mi.”

Tom èchùŋ kè kə Lûk tè nyaʼ 10:16 ပူးပေါင်းရင်းမြစ်များ

Matyò 10:40

Ə̂ fi ndzɨse pîndè ghàyn, ə̂ ə nyi mə è fi ndzɨsê mi, ə̂ fiə ndzɨsə̂ pindè mi, ə̂ ə nyi mə è fi ndzɨsê pɨ̀a vɨ̂m vɛ è tom mi.

Matyò 18:5

Mə ə̂ fi ndzɨse pîndè kyì ə vayn vɨ̂yn ə Mì ezə, ə nyi mə è fi ndzɨsê Mi.

Ŋwàʼlè ə̀ Mâk 9:37

“Ə̀ tɔ̀ʼnè pîndè è vâyn nyiə kə vɨ̀nə kûmə̀ mi, ə nyi mə è və tɔ̀ʼnə̀ èmi, ə vɛ ə è tɔ̀ʼnə̀ mi ə ke nə è tɔ̀ʼnə̀ e vɛ ə è tom mi.”

Tom èchùŋ kè kə Lûk tè nyaʼ 9:48

ə piə sê ghənə nə, “Ə̂ tɔ̀ʼnə̀ pi ndè è vayn nyiə kə vɨ̀nə kûmə̀ mi, ə nyi mə è tɔ̀ʼnə̀ è mi. Ə vɛ ə è tɔ̀ʼnè è mi ə ke nə è və tɔ̀ʼnè è vɛ ə è tom mi. Ghàyn ke nə wùə vɛ ə è tətə kwûŋsə̀ ə ghàyn əfètəyn əkɨ̂m nyi vəyn vɛ ə è ngaŋte tsɛ̂.”

Njɔyn 12:44

Njisə̀s ə fɨnə pîə nâʼà è kyə̀ è tɛ nə, “Ə̀ pomə pîndè sê mi, ə ə̀ nyi mə è və pomə̂ kepî sê wùə vɛ è tom mi.

Njɔyn 12:48

Ghɨ ghɛ ə tə Mi, ə tàʼa pomə tom zɨ̂mzè, nyîə kyi wùə vɛ ə è tə saʼa ghənə. Ghɛ ghɛ M nyi mə mə wàmnè tə pə ə nyi ə̀ghɛ ghɛ ə tə saʼa ghənə ətəyn etuʼ ekwuŋsəve.

Njɔyn 13:20

M pîə sê ghàyn səmɔʼ nə, ə̂ fi ndzɨse pîndè wùə vɛ ə m tom, ə ə̀ nyi mə è fi ndzɨsê mi, ə̂ fiə ndzɨsə̂ pîndè mi, ə ə̀ nyi mə è fi ndzɨsê vɛ ə è tom mi.”

Ətefɨ̂aʼ 5:4

Tsɔ̀fə kə ò pəʼle fɨa nə vɛ, ə̀ tè kyi ghô, ə pəʼlə̂ pi ndò, ə̀ kɛ ətəynve e pa kyi ke ghò. Kûmə̀ ghè ə kwâʼtè fè kɔʼ ə ghò atu nə ò nəyn kyì eghɛ zɛ ə ò nəyn ə? Ò pâʼà wam kaŋ kɨnə kè sê wùə èwàmnə, ò wam sê Zhə̀fè.”

Ngàleshyà 4:14

Zaf zɨm nə zɛ ə tə fo fɨmsêzè sê ghàyn, pîza ghàyn ə tàʼa wəyn ə mi, ə tàʼa mâʼà mi. Pîza, ghàyn tè pɨl fi mi kə ghàyn fiə tsì, è kɨsè kəpiə m tè laynse nyi Klâys Njisə̀s.

1 Tèsàlonikà 4:8

Ə̀ kwiynsə̂ nâʼàpî ndè ghɛ zɛ ə ghàs zaʼlə, ə è və kwiynsə̂ va wùə, pîza kwiynsə̂ Fèzhə̀ fɛ ə fe fo Zuʼse Ŋwaʼa sə vəynse sê ghàyn.