Tom èchùŋ kè kə Lûk tè nyaʼ 1:79 - Ŋwàʼlè ə̀ Fèzhə̀ Mkâyn Mə̂ Fèm

⁷⁹ È kyiŋə se nə fo epayn sê ghɨ ghɛ ə ghe tsɨs ə fɨtə̂ àlɨm, nyɨ̂ŋsè ekwuke e paʼsə̂ sê ghənə, se fɨnə tyəyn endom epɔynəve sê ghâsènì.”

Tom èchùŋ kè kə Lûk tè nyaʼ 1:79 ပူးပေါင်းရင်းမြစ်များ

Matyò 4:16

Ghɨ ghɛ ə ghe ndamə alɨm ə fe payn eghaʼazè; Ghɨ ghɛ ə ghe nyi ke echo èkwu ə kyî sɔzaze.”

Tom èchùŋ kè kə Lûk tè nyaʼ 2:32

Sɔ̂sè nə zɨnə mə tə nə ə ze ə nyi epayn zɛ e tyə̂nə̀ paynsə̂ ndôm vɛve sê ghɨ ghɛ ə̀ va əghɨ ə Njûsghè, fo èpomsê sê ghɨə Isìlâyghè, əghɨ ghɛ.”

Njɔyn 1:9

Kyə̀ nə zɨnə tè nyì kàyntè èpayn zɛ ə ze tyə̂ payn sê ghɨ ghəkɨ̂m. Ə̀ tè nyi Vəyn vɛ ə è tè pəyn ə mbi.

Njɔyn 12:46

M pəyn ə mbi kə epayn kə nâʼàpî ndè vɛ ə è pomə sê Mi tàʼa faŋ alɨm.

Njɔyn 8:12

Njisə̀s ə fɨnə wâmnə̀ sê ghɨə Falàsîə pîə nə, “M nyi epayn ə mbize. Ə chùmtè pîndè Mi, ə è tə tàʼa kwì alɨm pîza ə è tə kyî èpayn zɛ ə ze fo ndame.”

Njɔyn 9:5

Kè kə M nyi ə mbi, M nyi epayn sê mbi.”

Ətefɨ̂aʼ 10:36

Ghàyn nyiə ke tom zɛ ə Zhə̀fè tè tom sê ghɨə Isìlâyghè, ə̀ nyi tom èchùŋ zɛ ə è pə̀ è pɔ̂ynè tɔynə̂ ə Njisə̀s Klâys. Njisə̀s nə vɨ̂yn nyi Pɛ̂pɛ sê ghɨghe əkɨ̂m.

Ətefɨ̂aʼ 26:18

Ò tə ŋaʼsə̂ ə̀shi ə ghənə̂ghè ə ò nəyn kə ghənə fɨ pəyn alɨm, ə nji pəyn epayn, ə ndo ə satàyn atyaʼ ə nji pəyn atyaʼa Fezhə̀kè, kə tɔynə̂ ə ghənə epomə̂ se Mi, ə pisə ghənə̂sè ə nyi mə ə lɛ̀sè fo, ə ghənə nyi elùʼ emɔ̀ʼ yîghə̀ ghɨ ghɛ ə Zhə̀fè nyi mə fə nə̀yn ghənə e nyi ezoze.›”

Ŋwàʼlè ə̀ Pɔ̂l sê ghɨə Lûmghè 3:17

Ghənə paʼà tyəmə̂ ke se ndam ə pɔ̂ynè è ghɨə mɔ̀ʼɔghe.

Ɛfesùs 5:8

Ghàyn nyi nyî mə ghàyn tè nyì kepî əfètə̂ àpɨəyn efɨma nyi kə ghɨ nə ghɨyn, pîza sè nyi zôyn mə ghàyn ə nji əfètəyn èpayn ə Pɛ̂pɛ. Ghàyn e ndamə kə əghɔyn epanə.