Tom èchùŋ kè kə Lûk tè nyaʼ 1:70 - Ŋwàʼlè ə̀ Fèzhə̀ Mkâyn Mə̂ Fèm

⁷⁰ Kè kə fe tè wàmne tɔynê ə sèfɨ̀aʼtè seghaʼâ sə vəynse etuʼ əshi.

Tom èchùŋ kè kə Lûk tè nyaʼ 1:70 ပူးပေါင်းရင်းမြစ်များ

Ŋwàʼlè ə̀ Mâk 12:36

Zuʼse Ŋwaʼase ə nə̀ nə Ndàfît pi nə: ‘Pɛ̂ Zhə̀fè pi sê Pɛ̂pɛ vɨm nə, Tsɨsə ə̂ mi ekɔyn etwɔve se zaʼâ kə m ndəm pàyn sɛse ə ghò etyə̂ ə̀ghòl.’

Tom èchùŋ kè kə Lûk tè nyaʼ 24:44

Epam ətəyn, è və piə sê ghənə nə, “Ghɛ ghɨnə ə ghàyn fe nyi ə nyi əghɛ ghɨm ghɛ ə m tè tsàyn sê ghàyn kə ghâsènì te pa nyi əmɔʼ nə, naʼapi ghè kə nyi mə nyaʼ kûmə̀ mi ə ŋwàʼlè esaʼ ə Mosîsè e ŋwàʼlè sə fɨ̀aʼtè sè ghaʼasè e ŋwàʼlè se Njàŋ kyi sè nə kwəyn nâʼà ə kɨm.”

Ətefɨ̂aʼ 28:25

Nyiəmə, ghənə ə zhə̀tə̀ se saʼnê əghɛ kə ghənə tè ndù. Tsɔ̀fə kə ghənə ndo, Pɔ̂l ə tsà sê ghənə nə, “Zuʼse Ŋwaʼase tè nyi ke nâʼà chichi kə se tè tsàyn ghɛghe se Fɨ̀aʼtè Èsayà nə è tsayn sê pɨ̀a ə ghâsènì ghəshiə nə,

Ŋwàʼlè ə̀ Pɔ̂l sê ghɨə Lûmghè 1:2

Ə tom èchùŋ zɛ ə Zhə̀fè nyi mə Fe ə tə kɨytê tsɨ̂nè nə zhi tə fo sê ghɨ Vəynghe. È və tə tsàyn se fɨ̀aʼtèsè ghɛ kûmə̀ tom èchùŋ ə̀təyn kè kə nyi mə ə nyàʼ ə Ŋwàʼlè Èŋwaʼa.

Ipilù 3:7

E nyi nyiə mə kə Zuʼse Ŋwaʼase pî nə, “Ə ghàyn zɨ kyə̀ Fèzhə̀ ndàyn,

1 Pità 1:12

Zhə̀fè ə tə tyə̀yn paynsê sê fɨ̀aʼtè nə sɨ̂nə̀ nə ghənə ndâʼà tom nə zɨ̀yn fɨaʼà va sê ngɨŋ sə ghənə̂sè, nə ghənə pɨl fɨ̂aʼ sê ghàyn. Ghɛ ghɛ ə fɨ̀aʼtèsè tè wàmnə̀ nyi kepî ə̀ghɛ ghɛ ə ghɨ ghɛ ə ghe ndâʼà tom èchùŋ zôyn tɔynə̂ ə Sezuʼ se Ŋwaʼa sɛ ə se ndô pə̂ ekwùtwəyn, ə nyi ə̀ghɛ nâʼàpî sètsì e kɔ̂ŋɔ̀ sə̂ ke.

2 Pità 1:21

E nyi nyî kûmə̀ nə nâʼàpî èghɛ èkè zɛ ə fɨ̀aʼtèsè tè nyaʼ tè pâʼà ndò pəyn eghɛ zɛ ə ghɨ msɔ̀ŋghe tè kyiŋə, pîza Zuʼse Ŋwaʼase tè nyîə chisə̂ ə̀ghɨ kə ghənə tè ndàʼa tom zɛ ə è ndò pə̂yn sê Zhə̀fè.

2 Pità 3:2

M kyiŋə nə ghàyn kɛse kwâʼtè ə̀ghɛ ghɛ ə fɨ̀aʼtè sə eŋwaʼase tè pì nâʼà sə mɨ, è ghɛ zɛ ə Pɛ̂pɛ sɔ̀zà tè pi sê ghàyn tɔynə̂ əghɨtom ghaynghe.

Etyə̂yn ə paynsêzè 19:10

Mə tɨmə ə̀ngwuʼ ə və shi se ngɨmnə vəyn, pîza è zə pìə sê mi nə, “Kə ò mɔm! M fɨaʼà sê Zhə̀fè kèpi kə gho è ghɔnɛghè, è ghɨ ghəkɨ̂m ghɛ ə ghe fɛte kyi səmɔʼ zɛ ə Njisə̀s tè tyə̀yn paynsê. Ngɨmne Zhə̀fè! Kûmə̀ nə ghɛ zɛ ə Njisə̀s tyə̀ynə̀ paynsə̂ nyi zəynze ə ze nə̂ nə fɨ̀aʼtèsè ə nə̂ èfɨaʼ ə ghənə̂zè.”