Tom èchùŋ kè kə Lûk tè nyaʼ 1:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Ghənə tè nyi əkɨ̂m, ndamə chichi ə Zhə̀fè əshi, nə̂ əghɛ ghɛ ə fe pi nâʼà ə̀kɨ̂m, fɨnə ndəmə̀ tesaʼ tə Pɛ̂pɛ te nâʼà tèkɨ̂m, kyi va pi nâʼà səkɔs.

Tom èchùŋ kè kə Lûk tè nyaʼ 1:6 ပူးပေါင်းရင်းမြစ်များ

Tom èchùŋ kè kə Lûk tè nyaʼ 1:7

Ghənə tè kyi va ghɔnə kûmə̀ nə Ɛ̀lisapɛ̀t tè piə va mə ghənə fɨyn ndumə̂ nâʼà àchûŋ.

Tom èchùŋ kè kə Lûk tè nyaʼ 16:15

Njisə̀s ə se pi sê ghənə nə, “Ə nyi ghàyn ghɛ ə kwiə tyə̂nə̀ sê ghɨ nə ghàyn nyi əghɨəe chûŋə̀, pîza Zhə̀fè e ke ətəm ghaynghe. Naʼapi ghè vɛ ə kwàʼtè ə ghɨ̀zè njiə nâʼà sə afɨa nyi ke àfɨa e zomke sê Zhə̀fè.

Tom èchùŋ kè kə Lûk tè nyaʼ 2:25

Ə̀ tè nyi zâ wùə vîvè e nyi ə Njèlusalɛ̀m, zə vəynze e nyi Simyòn, Zuʼse Ŋwaʼase e nyi ə və tu, è ndamə kə nâʼà chichi, njiə àshîŋə̀ se fɨ̂aʼ efɨaʼ ə Fezhə̀e. È tè lɨmtə kə etuʼ vɛ kə̂ Pɛ̂pɛ tə zə̂sə̀ shîəm mə ghɨə Isìlâym̀ ətəyn,

Ətefɨ̂aʼ 2:25

Ndàfît ə tə wàmnè ghɛ ghɨ̀yn kûmə̀ Njisə̀s nə: ‘M fe Pɛ̂pɛ vɨ̂m ə mi ə shi shîŋə̀ tekɨ̂m. È nyi ə mi ekɔyntwɔve, mə fɨake vayn kàʼa ə ke nəʼse mi.

Ətefɨ̂aʼ 23:1

Pɔ̂l ə naynə̂ ndùə ə̀ ghɨ ghɛ ə ghe tè nyì fumə atsɨ̀ynte chichi ə pìə sê ghənə nə, “Ghɔnyì ghɨmə, mə nə̀yn ghɛ zɛ ə m fe kàʼa m nəyn ə Zhə̀fè əshi, è kwaʼtè zɨmze chûŋzè se zaʼâ ndàyn.”

Ətefɨ̂aʼ 24:16

Kûmə̀ zɨnə mə, m mɔ̂msə̀ se nə̀yn nə təm ghɨmghe ə saʼa va mi ə Zhə̀fè shi è kɨsè ə ghɨghe əshi.

Ətefɨ̂aʼ 8:21

Ò kyi va nâʼà èghɛ zhîze əfètəyn èfɨ̀aʼ zasze kûmə̀ nə təm ghɛghe va chichi ə Zhə̀fè shi.

Ŋwàʼlè ə̀ Pɔ̂l sê ghɨə Lûmghè 8:4

Zhə̀fè tè nəyn zɨnə mə kə ghɨ ghɛ ə ghe chûmtə̀ va tyaʼa ghɛ ewìynke, pîza pɨlə chumtə̀ ə̀ghɛ atyaʼ ə sezuʼ sə Fezhə̀sè, ghənə tə nə̂ ə nə̂ ə̀ghɛ chichi eghɨ kə lâŋkè kyiŋə nə ghənə nəyn.

1 Kɔlìŋ 11:2

M tsîtə̀ ghàyn kûmə̀ kə̂ ghàyn zàŋsə̀ kwaʼtə̀ mi, ndə̂mə̀ èzaʼlê zɛ ə m tè fo sê ghàyn.

2 Kolìŋ 1:12

Ghàs nyîə nyi èghaŋse ewìynze kə təm ghasə nə̂ kə ghàs ə ke nə ndam zasze fa mbi, è paynpayn ndom vɛ ə ghâsènì ndamə ətəyn nyi mə ə̀ tè chisê səmɔʼ è təm ə chûŋghè, è kɨsè tyaʼ kɛ ə ke ndô pə̂ afùʼ ə Fezhə̀kè, ə̀ vachi ètɔf eghaʼâ ə mbize.

Filìpây 2:15

Kə wùə ə vayn kàʼa è pi nə ghàyn ə nə̀yn pofsê ghɛze, kɨ̀sə ghàyn kyi ndô ləʼke; kûmə̀ nə ghàyn nyi əghɔyn ə Fezhə̀ ə Ŋwaʼa ghɛ ghe ndamə ə mbi əfètəyn ə̀ghɨ̀ epi ghɛ ə ghe kɔ̂ŋə̀ sə̂ nə̂ ndûə kə pi shîŋə̀ tekɨ̂m. Ghàyn nyi ə ghənə əfètəyn ə mbi kə mlî mɛ m̀ panə.

Kòlosè 1:22

Pîza zôyn, tɔynə̂ ekwu zɛ ə Va vəyn Klâys tè kwu kə wùə m̀sɔ̀ŋ ə awâmnè, Zhə̀fè ə nə̀yn nə ghàyn ə nyi sèsoyn sə vəynse. Zhə̀fè tè nəyn zamə kə ghàyn ə nyi elùʼ vɛ ə è nyi, nyi ə̀ghɨ eŋwaʼghe, kyi va ndi ə̀ pi zhizè ə ghàyn ewìyn, vayn ko ghàyn è tsas zhîze.

1 Tèsàlonikà 3:13

Ə ghàyn nə̂ nyi, ə è nəyn ə təm ghaynghe ə tɛ, kə ghàyn ə kyi va ləʼke, nyi èŋwaʼve ə Zhə̀fè ə ghâsènì fe əshi mə za nyi pɨ̀a ghâsènì ashìŋə̀ kɛ ə Pɛ̂pɛ ə̀ ghâsènì Njisə̀s pə̀ è ghɨə vəyn ghe ŋwaʼaghe əkɨ̂m.

2 Pità 3:14

E za nyi ə soyn sɨm sechûŋsè nə, kə ghàyn lɨmtə tuʼ nə vɛ, ghàyn mɔmse nâʼà è tyaʼa sə̂ zo, kyi va tsasze ə Zhə̀fè əshi, fɨnə ndamə è pɔ̂ynè sê vəyn.

1 Njɔyn 2:29

Ə ghàyn ke nə vɛ ə Zhə̀fè kɨmne ndə̂m nyi chichi ə Zhə̀fè əshi, ə ghàyn ə ke kepî nə nâʼàpî ndè vɛ ə è nə̂ ghɛ zɛ ə ze nyi chichi, nyi kepî va Fèzhə̀.

1 Njɔyn 2:3

Ə ghâsènì ndə̀mə̀ lwɔ̂ŋ ə Fezhə̀vè, ə zə nyi səmɔʼ nə ghâsènì nyîə ke Fəynfe.

1 Njɔyn 3:7

Ghɔyn ghɨmə, Kə ghàyn za nə wùə lese ghàyn. Nâʼàpî ndè vɛ ə è nə̀ ghɛ zɛ ə ze nyi chichi, è nyi chichi kè kə Klâys nyi chichi.