Tom èchùŋ kè kə Lûk tè nyaʼ 1:17 - Ŋwàʼlè ə̀ Fèzhə̀ Mkâyn Mə̂ Fèm

¹⁷ È tə pə̂ ə Pɛ̂pɛ əshi è tyaʼa Fezhə̀kè kèpi eghɨ kə Èlanjà, se nə̀yn nə pɨ̀a ə ghɔyn ghe pɨaʼte tsɨsə̂e è ghɔ ghənə, se fɨnə nə̀yn nə ghɨ ghɛ ə ghe tɛ è tuve kɛse pɔyne ə tɔfə kə ghɨə chichiə. È tə nə̂ əghɛ nə ghɨ̂nə̀ ə e tsamte ke əghɨə Pɛ̂pɛ ghɛ ə pɨaʼtə̂ se fe vəyn.”

Tom èchùŋ kè kə Lûk tè nyaʼ 1:17 ပူးပေါင်းရင်းမြစ်များ

Matyò 11:14

Ə ghàyn kɔ̀ŋɔ̀ se pomə ewâmnè ə ghənə̂zè, ghàyn ke nə Njɔyn nə vɨ̂yn tè nyi Èlanjà vɛ ə tè pi nə è pə̀ ndò.

Matyò 14:4

Ɛlɔ̀t tè ndəm Njɔyn ə ndɛ chaʼ kûmə̀ nə Njɔyn tè tsàyn sê vəyn nə, “Ò kyi va tyaʼa se malə Ɛ̀londyàs mə nyi zhwiə ànɛ̂”

Matyò 3:3

Njɔyn tè nyi wùə vɛ ə fɨ̀aʼtè Èsayà tè wàmnə̀ kûmə̀ vəyn kə è pì nə: “Wùə viu ndàʼà elùʼ ashəshəe nə, ‹Ghàyn pɨaʼte sê pə̂yn ə Pɛ̂pɛze. Ghàyn nəyn ə ndom mə vəynve ə nânə̀.›”

Matyò 3:4

Ndzɨsə Njɔynse tè nyi mə ə tɨm è nyuŋsə nyâm zhizè e tɔŋtə̂ nə Kamɛ̀l. È tè kol fekô fə pfɨ̀ə nyàmfè ə və chɨ̀ŋə fèkò. Fɨazhiə ə vəyn tè nyi sepɨyn è ndûvè

Tom èchùŋ kè kə Lûk tè nyaʼ 1:16

È tə nə̂, ə ghɔ Isìlây ghe kɛse pəyn sê Pɛ̂pɛ Zhə̀ fə ghənə̂fè.

Tom èchùŋ kè kə Lûk tè nyaʼ 1:76

Sê ghò, ə vayn vɨ̂m, ə tə tɔŋtə̂ ghò nə fɨ̀aʼtè èghaʼâ ə̀ Fèzhə̀ fɛ fe ngaŋte kwəyn kûmə̀ nə ò tə nə̂ ə ò ndùə əshi, fɛtə̂ endom, Pɛ̂pɛ e pə̂ ə ghò epàm,

Njɔyn 1:13

Ghənə tè pâʼà pə̀yn chi ghɔ Fezhə̀ endom vɛ ə wùə èwàmnə piə vayn ətəyn, kə ə̀ nyi ə̀ghɔ pɨ̀a wùə m̀sɔ̀ŋə; Zhə̀fè è ngɨŋə̂ Vəyn tè nyi pɨ̀a ə̀ ghənə̂.

Njɔyn 1:34

Mə fe kə ghɛ nə zɨ̂nə̀ kyàyn, sè tsâ sê ghàyn nə, “Ə̀ vɨ̀nə nyi Va Fèzhə̀.”

Njɔyn 3:28

Nâʼà ghàyn è ngɨŋ saynse nyi se tsɛ̀ èsaʼ sɨmse kə m tè pi nə, Ə̀ vachi mi vɛ ə chɔʼ ndə̂m. Zhə̀fè tom mi əshi se pɨaʼtê əghɨ kûmə̀ è pə̂yn ə vɛ ə kɨmne ndə̂m.

Ətefɨ̂aʼ 10:33

Mə ke tiynsə̂ tom kè ashìŋə̀ nə kɛ nə ə pəyn ghò, ò vɛ o nə̀yn achûŋ ə pə̀. Zôyn se nyi, ghâsènì e tsɨ̂yntè nyi ke ə Zhə̀fè əshi, lɨmtə̂ se zɨə əghɛ ə̀kɨ̂m ghɛ ə Pɛ̂pɛ Zhə̀fè pi nə ò tsayn sê ghàs.”

Ŋwàʼlè ə̀ Pɔ̂l sê ghɨə Lûmghè 9:23

Zhə̀fè tè kyiŋə kəpîə se tyə̀ynə paynsê epomsê èghaʼâ vəynze etûə ə̀ghɨ̀ ghɛ ə è tè kyi kosê esəyn sê ghənə. È və kàynè pɨaʼtê ghɨ nə ghɛ mə kə ghe fi pomsê ə Vəynze.

Kòlosè 1:12

Fo àzɔ̀ŋnè sê Pɨ̀a è saŋnêzè əghɛ ə̀kɨ̂m kə È nəyn ghàyn, ə ghàyn ə kwəynə̂ sə̂ pɔŋ kyi àfɨa kɛ ə È ndə̀m sê ghɨ Vəynghe elùʼ epayn.

2 Timotì 2:21

Ə̂ nə̀yn nâʼàpî ndè ngɨŋə̂ vəyn sə̂ zo endom kə ghɛ əpi nə ghɨ̂nə̀ ə va ə vəyn ewìyn, ə Zhə̀fè nji vəyn sə nə̂ kàyntè ə̀ghɛ kûmə̀ nə è nyi èŋwaʼze, kyi m̀kɔʼnè se pɛ̀ èfɨ̀aʼ ə vəyn kûmə̀ nə è və màʼà ngɨŋə̂ vəyn sə̂ nyi wufɨ̀aʼa sê Vəyn, nyi èpɨaʼtêzè sə̂ nə̂ nâʼà tèkyì te fɨ̂aʼ techûŋ tekɨ̂m.

1 Pità 2:9

Pîza, sê ghàyn, ghàyn nyi əghɨ kə Zhə̀fè chɔʼ ndəm. Ghàyn nyi əghɨ ə kɔʼsə nə eshyə̀ghè ə ndɛ̂ Fèzhə̀, fɨ̂aʼà sê Zhə̀fè mə è nyi fɔ̀yn. Ghàyn nyi endaʼ əghɨ̀ eŋwaʼaze. Ghàyn nyi kàyntè əghɨ̀ ə Fezhə̀ ghɛ ə è chɔʼ nə ghàyn ə ndâʼà ə̀ghɛ kayntə ə Fezhə̀ fɛ ə Fe tè tɔŋɔ fɨsê ghàyn ə fètəyn àlɨm ə njìə ndzɨsə̂ ghàyn ə fètəyn èpayn ekayntə ə vəynze.

1 Njɔyn 2:28

Ghɔnyì ghɨmə zɨnə mə tyə̂nə̀ nə, ghàyn kyi se faŋə kə sə afɨa àmɔ̀ʼ ghâyn ghə̀ Klâys kə shîŋə̀ kɛ ə È tə pə̂, ə ghàyn ə kyi ə̀təm ə tɛ, se tyə̂m ə və shi mə ə ghomə̂ va.

Etyə̂yn ə paynsêzè 20:4

Mə ke fe mkyə̂ mə tefɔ̀yn mə ghɨ ghɛ ə ghe tè tsɨs ətəyn tè nyi ghɛ Zhə̀fè tè nyiə fo tyaʼke nə ghənə ə saʼa. Mə fɨnə fe àzɨlə ghɨ̀ ghɛ ə tè tsɔyn tuə ghənə̂vè kûmə̀ kə ghənə tè ndàʼa tom ə̀ Fèzhə̀ è kɨsè səmɔʼ zɛ ə Njisə̀s tè tyə̀n paynsê. Ghənə tè nyi əghɨ mə ə kwiynsê nə ngɨmnə va nyàm èpamə zɛ kɨ̀sə afɨâʼsè ətəynke, ə kwiynsə̂ nə kə̂ ə ndəm chwìə nyàm èpamə ə̀təyn ə ghənə echo àtu è kɨsè akɔyn. Ghənə ə tə kɛsê zômə̀ sè saʼa yî ghə̀ Klâys sə sepìŋ kam.