Kòlosè 4:18 - Ŋwàʼlè ə̀ Fèzhə̀ Mkâyn Mə̂ Fèm

¹⁸ Ə̀ zɨnə zɔ̂yn nyaʼ mi è gho kɨmke nə, tɔŋtêzè sê ghàyn mə ze ndô pə̂ se Pɔ̂l. Kə ghàyn lɛse nə m nyi ə ndɛ̂ chaʼ. Ə fùʼ ə Fezhə̀kè ə nyi ghâynghə̀ ghənə.

Kòlosè 4:18 ပူးပေါင်းရင်းမြစ်များ

Ŋwàʼlè ə̀ Pɔ̂l sê ghɨə Lûmghè 16:20

Zhə̀fè mə za nyi pɔ̂ynè ə̀ ghâsènì môtə̀ kə nyi ə fe kəʼse satàyn è gholə. Ə fùʼ ə Pɛ̂pɛ ə̀ ghasènìke Njisə̀s Klâys ə nyi ghâyn ghə̀ ghənə.

Ŋwàʼlè ə̀ Pɔ̂l sê ghɨə Lûmghè 16:22

Nâʼàpî mi Tesùs vɛ ə m nyaʼ zə̂ynzè ə Pɔ̂l ezə, m tomə kəpì ètɔŋtê se ghàyn kə ànyì vâynvè ə Klâys.

Ŋwàʼlè ə̀ Pɔ̂l sê ghɨə Lûmghè 16:23

Ngayùs vɛ ə m ndamə ə və ndɛ, ndɛ ə̀ Fezhə̀ e njiə kəpi fu, pi nə m tɔŋtê kəpi ghàyn. Èlasɨtùs vɛ ə è ndə̀mə̀ kɛ endaʼve, è ànyì ə̀ ghâsènì Katùs tomə ètɔŋtê ə ghənə̂zè sê ghàyn.

1 Kɔlìŋ 16:21

Ə̀ nyâʼà kə nâʼà mi Pɔ̂l è gho kɨmke nə, tɔŋtêzè mə ze ndo sê Pɔ̂l.

2 Kolìŋ 13:14

Ə fùʼ ə Pɛ̂pɛ Njisə̀s Klayskè, è kɔ̂ŋ ə Fezhə̀zè, è Zuʼse Ŋwaʼa sɛ ə se tsɨ̂yntə̀ ghâsènì luʼve emɔ̀ʼ ə nyi ghâyn ə fètəyn ə̀kɨ̂m.

Filìpây 1:7

M vayn kàʼa m faŋ sə̂ kwaʼtə̀ èndom vɛ m kwaʼtə̀ ətəyn kûmə̀ ghàyn kûmə̀ nə ghàyn nyi ə̀ kɔ̂ŋə̀ mi nâʼà sə ŋaŋ. Zhə̀fè ə tyə̀yn təm ə Vəynghe, ghe ghɛ ghe nə̂yn nə ghâsènì ə fɨaʼà sə afɨa àmɔ̀ʼ, kɨ̀sə m nyi ə chaʼ kɨ̀sə m tyəm tsɛ̀ èsaʼ kûmə̀ tom èchùŋ, zaʼlə əghɨ nə ə ke nə è nyi səmɔʼ.

Kòlosè 4:3

Ghàyn e pɔŋɔ tsə̂mə̀ sê ghàs nə, Zhə̀fè nəyn ə ghàs kyi zhəm echûŋkè se ndàʼà ə tom kûmə̀ ə̀ghɛ ə ndətə ə Klâysghè. Kûmə̀ nə m nyi ə ndɛ ə̀ chaʼ kûmə̀ tom èchùŋ nə zɨ̂nə̀.

2 Tèsàlonikà 3:17

Ə̀ nyì ke nâʼà mi Pɔ̂l ə m nyâʼà sê ghàyn è gho kɨmke. Ə̀ vɨnə nyi endom vɛ ə m nyâʼà ŋwàʼlè sɨm sekɨ̂m kə nâʼàpî ndè ə ke nə ŋwàʼlè ə̀təyn ndo pə̂yn sê mi.

1 Timotì 6:21

Kûmə̀ nə ghɨ yîghe tyə̂nə̀ nə ə kyi ndô tɔf ətəynze, kûmə̀ zɨnə mə, ghənə ghe ə njîsè ndom ə ghənə̂ ve kyî epomə̂zè. Ə fùʼ ə Fezhə̀kè faŋ sê ghàyn əkɨ̂m.

2 Timotì 1:8

E za tyə̀nə̀ nə ò kyi va sə̂ ghomə̂ se tsàyn eghɛ zɛ ò ke kûmə̀ Pɛ̂pɛ, pî sə ghomə̂ kûmə̀ mi, ə wùə ndɛ ə̀chaʼ kûmə̀ Klâys. Pɨl njì vɛve nə eluʼ sə̂ zɨə ngəʼ kûmə̀ tom èchùŋ, kè kə Zhə̀fè fo ghô è tyaʼke.

2 Timotì 4:22

Ə Pɛ̂pɛ ə nyi ghâyn ghənə. Ə fùʼ ə Fezhə̀kè ə nyi ghâyn ghə̀ ghənə.

Taytùs 3:15

Ghɨ ghɛ ə ghâsè ghə̀ ghənə nyi əmɔʼ nâʼà ə̀kɨ̂m pi nə m tɔŋte sê ghò. Tɔŋte ghɨ epomə̂ ghɛ ə ghe nyi fɛ sê ghàs; ə̀ghɨ əkɨ̂m ghɛ ə ghe kɔ̂ŋə̀ ghàs. Ə fùʼ ə Fezhə̀kè ə nyi sê ghàyn əkɨ̂m.

Ipilù 13:25

M tsə̂mə̀ nə Zhə̀fè tyəyn fùʼ ə vəynke sê ghàyn əkɨ̂m.

Ipilù 13:3

Ghàyn e kwâʼtə̀ ə̀ghɨ ghɛ ə ghe nyi ə ndɛ̂ chaʼ kəpiə ghâynghə̀ ghənə nyi fumə əmɔʼ. Ghàyn e kwâʼtə̀ kə pi əghɨ ghɛ ə ghe fe tsôsvè, kəpiə ghâynghə̀ ghənə fe ètsôs ətəynve əmɔʼ.