Kòlosè 4:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ Àlistakùs vɛ ə ghasè vəyn nyi ə ndɛ̂ chaʼ pi nə m tɔŋte sê ghàyn, Mâk ə ànyìə Pànapàs pîə kəpi za. Ghàyn se nyi mə ghàyn ə zɨ nə ghàyn fi ndzɨsê Mâk nâʼà àchûŋ ezhoghɛ ə è pə̀yn se fe ghàyn.

Kòlosè 4:10 ပူးပေါင်းရင်းမြစ်များ

Ətefɨ̂aʼ 12:12

Kə Pità tè ke ghɛ zɛ ə ze nyi mə zə kyàyn se vəyn, è və ndò ndûə ə Mèli ə ndɛ, ə̀ nyi nyìə Njɔyn Mâk. Ghɨə tsɨəghe tè nyi mə ə zùŋtè fumə tsə̂mə̀.

Ətefɨ̂aʼ 12:25

Pànapàs yî Sɔ̂l ə mɨ̀sə̀ èfɨ̂aʼ ə ghənə̂zè ə Njèlusalɛ̀m, ə kɛsə pə̀ ə Antyòk yî ghə̀ Njɔ̀yn Mâk.

Ətefɨ̂aʼ 13:13

Pɔ̂l yî soyn sə vəyn sɛ ə yî ghə̀ ghənə tè kwìə, ə njiə ə ngwùʼ ə Pafòs ə ndùə tânə̀ ə endaʼ ə Pengàzè, apàs endaʼ ə Pàmfilyàkè. Njɔ̀yn Mâk ə za ghənə fu ə kɛse ndûə ə Njèlusalɛ̀m.

Ətefɨ̂aʼ 13:5

Ə pə̀ kə ghənə ndû fɨ endaʼ ə Sàlamìszè ə ndàʼà tom ə̀ Fèzhə̀ ə sendɛ sə atsɨ̀ynte sə ghɨ Njûsghè. Ghənə ə njìə paʼsə̂ Njɔ̀yn Mâk kə è və tsâmtə̀ ghənə.

Ətefɨ̂aʼ 19:29

Pɨaytê nə zɨ̂nə̀ ə waŋa kə tə̀ʼ ekɨ̂m. Nɔ̂yn ətəynke ə shɨŋə kyîə Ngayùs yî Àlistakùs, ə̀ nyi ə̀ghɨ Màsèndonyà ghə pɛ̀ ghɛ ə tè kwìə tsɛ̂ yî ghə̀ Pɔ̂l, ə ndùə è ghənə sê tsɨynte ə tə̀ʼke.

Ətefɨ̂aʼ 20:4

È tè kwiə yî Sòpatà ə va Pilùs və Pelyà, è Àlistakùs è Sèkundùs mə ghənə fɨ ə Tèsàlonikà, è Ngayùs mə è ndò ə Ndepì, è Tìkikùs, è Tilofimùs mə ghənə ndo endaʼ ə Esiyàzè è Timotì.

Ətefɨ̂aʼ 27:2

Ghàs ə ndùə ə njiə ə ngwùʼ èghaʼâ kwəynə endaʼ ə Andɨ̀làmityumzè. Ngwùʼ èghaʼâ kwəynə nə zɨ̂yn tè kàyne nyi èpɨaʼtêzè se ndo ndù etipì ə sòlə̀ wàta apàs endaʼ ə Esiyàkè. Ghàs tè piə ə ndô, ə njìə Àlistakùs. Àlistakùs tè nyi wùə àpàs èndaʼ ə Màsèndonyàkè, mə è ndò pə̂yn endaʼ ə Tèsàlonikàzè.

Ətefɨ̂aʼ 4:36

Ə̀ nyi zamə kə Njosɛ̀f, ə wùə èsas ə ndɛ Levìzè mə ə tè piə vəyn endaʼ ə Sàypulòszè, tè nəyn. Ghɨətom ə Njisə̀s ghè tè tɔŋtə vəyn nə Pànapàs, (Ə wùə vɛ ə è tè nə̂ nə ghɨ ghə kyi ə̀təm etɛ.)

Ŋwàʼlè ə̀ Pɔ̂l sê ghɨə Lûmghè 16:2

Ə è pə̀yn sê ghàyn, ghàyn ə fi vəyn ə Zhə̀fè ezə, kə ghɨ ə Fezhə̀ghè, ə fo nâʼàpî ètsâmtè èkè zɛ ə è kyiŋə sê ghàyn. Ghàyn e ke nə è və tsàmtè ghɨghe setsɨ̀, ə tsàmtə̀ kəpi mi.

Ŋwàʼlè ə̀ Pɔ̂l sê ghɨə Lûmghè 16:7

Ghàyn tɔŋte Àndɨ̀lonikùs è Njoniyàs, ə ghɔnyì ghɨm ghə Njûs ghɛ ə ghasè ghənə tè nyi ə ndɛ chaʼ əmɔʼ. Ə nyîə fɛte ke ghənə əfètə̂ ə̀ghɨ̀tomə, mə ghənə tè pomə Klâys sê mi sə shi.

2 Timotì 4:11

Ə̀ faŋ kê Lûk fayn ghasè vəyn. Ə ò piə ò pə̀ ndò ò pə̀ ghayn Mâk kə è və tsâmtə̀ mi ə mì efɨ̀aʼ.

Filemùyn 1:23

Èpafalàs ə pì nə m tɔŋte sê ghò. È nyì ə ndɛ̂ chaʼ ghasè vəyn kûmə̀ nə è ndàʼa tom èchùŋ kûmə̀ Klâys Njisə̀s.

Filemùyn 1:24

Ghɨ ghɨnə tomə kəpi ètɔŋtê sê ghò. Ə̀ nyi Mâk è Àlistakùs è Ndemàs è Lûk. Ə̀ nyi əghɨ ghɛ ə m fɨaʼà ghasè ghənə sə̂ ndaʼà tom èchùŋ.

1 Pità 5:13

Ndɛ ə̀ Fèzhə̀ zɛ ə è nyi ə Papilɔ̀yn, mə za nyi kə ànyì vâyn ve zəyn vɛ ə Zhə̀fè tè chɔʼ kepî kə è chɔʼ ghàyn, tomə ètɔŋtê sê ghàyn. Mâk, mə za nyi vayn vɨ̂m ve èpomə, tomə kəpî ètɔŋtê sê ghàyn.