Kòlosè 3:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Pîza zôyn ghàyn kyi se zamàʼà əghɛ kə, etɔŋ enyɔʼsəve, è kɔ̂ŋzè se nə pofsê, è pâynzè, kə ghàyn ə soylə ghɨghe, pî nə wâmnè eliŋze fɨ ə ghàyn echo.

Kòlosè 3:8 ပူးပေါင်းရင်းမြစ်များ

Matyò 5:22

Pîza, zôyn m tsâ sê ghàyn nə: ə nyɔ̀ʼsə̀ pi ndè tɔŋ sê ànyìə vəyn, ə tə pəyn è vəyn sê saʼe. Ə tɔŋte pîndè ànyìə vəyn nə, “Ò tsɔ̀fə kə eshi sə ndô!” Ə tə ndu è vəyn ashi əghɨ̀e saʼake. Ə tɔŋtə̂ pî ndè ànyì nə, “Ngô afɨake!” Ə zə pofə nə è nə̀ ndûə elùʼ ewùs.

Ŋwàʼlè ə̀ Mâk 7:22

nyîŋə̀ è zhwiə ə ghɨ̀ghè è ndôm ə ghɨ̀ghè, kyi əshi ə fɨə, kyi ə̀təm ə piə, lesə̂ ə̀ghɨ, ghomə va, ghə̂ʼə̀ ə̀ghɨ, ndə̀mə̀ kôghɔ̀ŋ, ghaŋsə̂ èwiyn, nə̂ ə̀ghɛ ango.

Ŋwàʼlè ə̀ Pɔ̂l sê ghɨə Lûmghè 13:13

Ghàyn e kyi tsɨnè èchùŋ kə ghɨ ghɛ ə ghe nyi epayn. Kə ghàyn ə nduə ə telùʼ te zhisə̂ nə ewìyn tɛ ə ghɨghe mɨə lɨ̀m fumə, m̀ ko ghənə, kə ghàyn ə chûmtə zəynghe è ndômnèghè. Kə ghàyn ə nə ghɛ ə nyələghe, kə ghàyn ə zɔ, kə ghàyn ə kyi àghə̀ʼ.

1 Kɔlìŋ 3:3

Ghàyn pa ndamə kə kə̂ ghɨ mbiə. Ghə̀ʼkè nyîə nyi ə ghàyn əfètəyn, ghàyn e zɔ̂ə sèngɨŋ saynse, zɨnə mə e tyə̂nə̀ nə ghàyn nyi əghɨ ə mbighe, ndamə kə kə mbi kyiŋə.

2 Kolìŋ 12:20

M fânə̀ nə m pə̂, ə ghàyn ə va kə m kyiŋə nə ghàyn ə nyi, ə ghàyn pɔŋ fe mi, m mə va kə ghàyn kyiŋə nə mə nyi. M kaʼa ə m piə pə̂ ndò, ə m fe zɔ̂zè ə ghàyn əfètəyn, è ghə̀ʼà, è tɔŋ enyɔʼsəve, emuze, è wàmnè e pize, è kôghɔ̀ŋ, è ghaŋsə ewìynze, tâsə̀ ə̀ghɨ ə mɔ̀ʼɔghe.

Ngàleshyà 5:15

Pîza mə ghàyn kɛse sə senyàm sə mbvɨynse sə ndômnə̂ kwɨlə sengɨŋ saynse, nə̂ ə̀ghɛ əpiə, ghàyn nji shîŋə̀kè kûmə̀ nə ghàyn nə̀ mɨ̂sə̀ sèngɨŋ saynse.

Ngàleshyà 5:20

ngɨmnə̂ èfɨ̂aʼsè, kwɨlə avɨ̂ŋ, pânə̀ əghɨ, nô, kyi àghə̀ʼ, zâŋsə̀ nyɔ̂ʼsə̀ ètɔŋ, kwâʼtə̀ kûmə̀ kə sengɨŋ, pə̂ è nòsèkè è chyâsèzè,

Ngàleshyà 5:26

Kə ghâsènì ə ghaŋsə wiynve, kə ghâsènì ə nə̂ʼsə̀ ə̀təm ə əghɔ nyìə ə ghasènìghe pî sə̂ ghəʼə̀ ə̀ghɔ nyìə ghasènìghe.

Ɛfesùs 4:22

Ə tè zaʼle nə ghàyn maʼa ndam emɨ zaynze kûmə̀ nə kwâʼtè tepite taynte tè nyîə pofsə̂ ghàyn.

Ɛfesùs 4:25

E za tyə̀nə̀ nə ghàyn kyi se mâʼà akaŋ nə nâʼàpî ndè nə wàmnə̀ kə səmɔʼ sê ànyìə vəyn kûmə̀ nə ghâsènì ə̀kɨ̂m tsɨ̂ynte nyi ke èpɨas ewìynve emɔ̀ʼ.

Ɛfesùs 4:26

Ə ghɛze zafə wùə, kə è nəyn pi. Kə ghɛ tə zaf, ə è nə̂ nyiŋə è zəynze ə vəyn endwɔ̀.

Ɛfesùs 4:29

Kə ghɛ epi tə fɨ ə wùə echo. Ghàyn e pɨlə pìə kə ə̀ghɛ ghɛ ə ghe kaʼa ghe tsamte ghɨ ghɛ ə ghe kyi fɨmsê kə ə̀ nə zɨə pî ndè wâmnè zaynze, è və zhiə èghɛ.

Ɛfesùs 5:4

E tsɔ̂fə̀ va nə ghàyn nə wâmnə̀ èwâmnè e nyələze, piə ə̀ghɛ angoghe, chɔʼə ə̀ghɛ ghe ghomə̂. Ghàyn e pɨlə fo kə àzɔ̀ŋnè sê Zhə̀fè.

Kòlosè 3:5

Nyiəmə, ghàyn nji tsɨsè ə̀təm ghaynghe əghɛ senjà sewìynse nâʼà ə̀kɨ̂m. Ghàyn fɨse təmghe ətə̂ ə̀ghɛ kə, əghɛ sə chûmtə̀ ə̀zəyn, è ndômnèghè, ghɛ eliŋghe, ghɛ ghɛ ə njà sewìynse kyiŋə, sə kyi ekwaʼtè epize, è shiə fɨəghe. Ə ghàyn fɨə èshighe, ə ze ə nyi kəpi ghàyn tɨmə m̀kɨ̂m sê Zhə̀fè mɔ̀ʼɔfe.

Kòlosè 3:9

Kə wùə sê ghàyn nə wam àkaŋ se wùə vîvè, kə ghàyn nəyn ghɛ nə ghɨ̂yn kûmə̀ nə ghàyn ə kàynè za tsɨnè èpi, è ndom tə təynte.

1 Timotì 1:13

pi kə m tè nyi mə mə wàmnè ghɛ epighe sə mɨ kûmə̀ Vəyn, ə tsə̀fsə̀ Vəyn, ə fɨnə sôylə̀ Vəyn. Pîza Zhə̀fè tè nyîə kyi èkosê esəyn sê mi kûmə̀ nə m tè nyìəm kyi va kyî epomə̂zè, nyiəmə, nə̂ èghɛ nə zɨnə mə kepî va ghɛ zɛ m nə̂.

1 Timotì 1:20

Ɛmenìyùs è Àlɛ̀ksandà nyi əghɨ mɔ̀ʼɔ əfètə̂ ə̀ghɨ̀ nə ghɨ̂yn. M nyi mə mə fo ghənə sê Satàyn nə è fo tsôsvè sê ghənə kə ghənə zaʼle tɔfe ə fɨnə sôylə̀ va Zhə̀fè.

Ipilù 12:1

Se ghâsènì, ghâsènì kyi setsɛ̀ sə saʼse anɔ̀yn mə sə kyìŋ nga ghâsènì. Ghâsènì kyi se maʼa nâʼà pî àpɨ̀aʼa àkè kɛ ə ke tàsə̀ ghâsènì ə fɨyn mâʼà nâʼà pî pi èkè zɛ ə è kolə ghâsènì ə wəynse nyiŋ ènyɨŋ zɛ ə Zhə̀fè ndə̀m nə ghâsènì ə nyɨŋə.

Njə̂m 2:7

Piə ə̀ pofsə̂ kəpî ghənə zə echûŋ ə wùə vɛ ə è kyi ghàyn ə?

1 Pità 2:1

Nyiəmə, ghàyn maʼa ghɛ ə pighe nâʼà ə̀kɨ̂m, sə fɨnə wamə va, pî sə kaŋkaŋə̂ nə̂, pî àghə̀ʼ, pî m̀nàŋ mə ènûm kûmə̀ ə̀ghɨ.

2 Pità 2:18

Ghənə nyîə ghaŋsə wàmnə̀ èwâmnè ze kyi va tɔfze, ghənə njîə ə̀ghɛ ə nyələ ghɛ ə njà sewìynse kyiŋə lesə̂ ə̀ghɨ ghɛ ə ghe pa tə fɨə pə̂ əfètəyn ə̀ghɨ ghɛ ə ghənə ndamə kə sə̂ nə̂ ə̀ghɛ ə pighe.

2 Pità 2:7

È tè piə pofsə̂ sètɔ̂ŋ se ghaʼâ nə sɨ̂nə̀ mə, ə sɔ̀zâ Lôt kûmə̀ nə è tè nyi wùə èchùŋ, kyi èfɨmsê ekyì endam enyələ zɛ ə ghɨ ghɛ ə ghe tè zɨə va sê Zhə̀fè tè ndamə.

Njût 1:13

Ghənə nyi kə awàwà epaməke, ghɛ ghənə̂ ghe ghoməghe e chwîtə̀ kə apfɨpfɨ. Ghənə nyi kə mlî mɛ ə m̀ tsɨ̀nə̀ ghanə ka kə ndô, mə Zhə̀fè ə ndə̀m luʼve sê mêmè, ə̀ nyi eluʼ fɨ̂mə̀ tsɛ̂ tèluʼ tekɨ̂m.

Njût 1:8

Kèpi èghɨ famə endom, ghɨ nə ghɨ̂ynə tè nə pi sê wiyn ə ghənə̂vè, tə àtyaʼ ə Pɛ̂pɛke ə ghənə ə tu, sôylə̀ sètsì sɛ ə se nyi ekwùtwəyn pîə nə ghənə ə fe laynəlaynte, te tsâ nə ghənə ə nə̂ ə̀ghɛ nə ghɨ̂yn.

Etyə̂yn ə paynsêzè 16:9

Wus etɛ ətəynve ə nyɔ̀ʼlə̀ ghənə, ghənə ə sôylə̀ èzə Fezhə̀ fɛ ə fe kyi tyaʼa etûə tètsòs tɨ̀yn. Pîza ghənə ə tàʼa kwiynê ə ghənə ə sepi se tsɨ̀tè ə vəyn.