Kòlosè 3:3 - Ŋwàʼlè ə̀ Fèzhə̀ Mkâyn Mə̂ Fèm

³ Ghàyn e ke nə kə Klâys kwu, ə̀ nyì kəpiə ghàyn ə kwu kepî ghâynghə̀ vəyn.

Kòlosè 3:3 ပူးပေါင်းရင်းမြစ်များ

Matyò 11:25

Fumə ashìŋə̀ Njisə̀s ə pìə nə, “Pɨ̀a vɨ̂m, Pɛ̀ àwulə è chike, m fo àzɔ̀ŋnè sê ghò kûmə̀ kə ò ndə̀tə̀ ghɛ ghɨ̀yn sê ghɨ ghɛ ə ghənə kwâʼtə̀ nə ghe tɔfə ndò ə tyə̀nə̀ ə̀ghɛ ətəynghe sê mɨ̀ətə̀ mê tətə̂m.

Njɔyn 14:19

Ə môtə̀ kə nyi, ə mbi ə fɨnə fe va Mi, pîza ə ghànə fe Mi. Kûmə̀ kə m tə ndamə, ghàyn tə pɔŋɔ ndamə ndò.

Njɔyn 3:16

kə Zhə̀fè tè kɔ̀ŋə tsɛsə̀ mbi, ə fo Vâ ə̀ Vəyn mə è tè nyì ke èmɔ̀ʼ kə nâʼàpî ndè vɛ ə è pomə sê Vəyn tə tàʼa kwu pîza ə è kyi ndam zɛ ə ze tə mîə va.

Njɔyn 4:14

Pîza, ghɨ ghɛ ə mɨ mô mɛ m nə̀ fo sê ghənə tə fɨnə kyîə va pfɨ̀ŋ ə̀ m̀mò. Mo mɛ M nə̀ fo sê ghənə nə̀ nə̂ mə nyi ə ghənə ə fètəyn kə tɔŋ m̀mò zɛ ə è zomə tsɛ̂ va. Mo mə təynmè nə̀ fo ghənə èndam zɛ ə ze tə mîə va.”

Njɔyn 5:21

Kè kə Pɨ̀a zòmsə̀ ghɨghe, È və fo ghənə è ndamze, eghɨ kèpî famə endom, Vayn fo kəpî èndam sê nâʼàpî ndè vɛ È kɔ̀ŋɔ̀ se fo endam.

Njɔyn 5:24

M pîə sê ghàyn səmɔʼ nə nâʼàpî ndè vɛ ə è zɨə ghɛ zɨme ə pomə̂ sê Vəyn vɛ ə È tom Mi, kyi ndam zɛ ə ze tə mîə va. Ə tə saʼa va vəyn, pîza mə e və kàynè tsɛ elùʼ ekwu ə njiə elùʼ endam.

Njɔyn 5:40

Pîza, ghàyn e kɔ̂ŋə̀ va se pə̀yn se Mi kə ghàyn ə kyî èndam zɛ ə ze tə mîə va.

Ŋwàʼlè ə̀ Pɔ̂l sê ghɨə Lûmghè 5:10

Pi kə ghâsènì tè nyi se pàyn sə Fezhə̀sè, È və pa nə̂ kə ndò nə ghâsènì ə nyi choze emɔ̀ʼ è vəyn, kûmə̀ èkwu ə Vâ vəynze. Kə ghâsènì se nyi choze mɔ̀ʼ ghasènyìə ghə̀ Zhə̀fè, kə Vâ Vəyn nyi etwɔ, ə̀ tə nə ə nyi ə mɨ̀se ə È sɔza ghâsènì.

Ŋwàʼlè ə̀ Pɔ̂l sê ghɨə Lûmghè 5:21

Nyiəmə, kə pi kyi tyaʼke se pə̀yn kwuze, ə̀ nyi kepî zamə kə fùʼ Fezhə̀kè kyi kepî àtyaʼ se nə̀yn əghɨ nə ghə nyi chichi ə Zhə̀fè əshi, se kyî endam zɛ ə ze tə mîə va tɔynə̂ se Njisə̀s Klâys Pɛ̂pɛ ə̀ ghâsènì.

Ŋwàʼlè ə̀ Pɔ̂l sê ghɨə Lûmghè 6:11

Kèpî endom nə vɨnə mə, ə̀ nyi zamə kə ghàyn kyi sə̂ fe sèngɨŋ saynse kə ghɨ ghɛ ə nyi mə ə kwu kə pi tə nəyn ə è zə fɨyn kiva tyaʼke ə ghàsenì ətu. Ghàyn e fe kəpi sèngɨŋ saynse kə ghɨ ghɛ ə ghe nyi etwɔ ghâyn ghə̀ Zhə̀fè tɔynə̂ se Njisə̀s Klâys.

Ŋwàʼlè ə̀ Pɔ̂l sê ghɨə Lûmghè 6:2

E vachi zâ. Ghâsènì ə kwu fɨyn kiva ghɛ zhîze se nə̀yn è pi. Ghâsènì kàʼa faŋ zayn sə nə̂ nduə kə pi èshike ə?

Ŋwàʼlè ə̀ Pɔ̂l sê ghɨə Lûmghè 8:2

Kûmə̀ nə lâŋ ə se zuʼ kɛ ə ke pə̂ ghâsènì èndamze kə ghâsènì nyì sə afɨa àmɔ̀ʼ è Njisə̀s Klâys, ə fɨsê mi ə alàŋ ə ghɛ pighe è kwuze.

1 Kɔlìŋ 15:45

Ə nyàʼ ə Ŋwàʼlè Fezhə̀ nə, “Wùə əshi Andàm, ə tè fɛte nə è və nyi wùə èndamə”; Andàm è kwùŋsə, mə ə̀ za nyi Klâys tè pə̂yn nyi sèzuʼ sɛ se nə̂ nə ghɨ ghə ndamə.

1 Kɔlìŋ 2:14

Nâʼàpî ndè vɛ ə è kyi va Zuʼse vayn fi èfɨa vɛ ə Zuʼse fo kûmə̀ nə fɨa ətəynve nyi engô se vəyn. È vayn kàʼa è zɨ kê kûmə̀ nə ə̀ kàʼa ə nəyn ke Sèzuʼ nə è zɨ kê.

2 Kolìŋ 5:14

Ghàs nə̂ èfɨ̂aʼ zɨ̂nə̀ mə ghàs vayn kàʼa faŋ kûmə̀ kə Klâys kɔ̂ŋɔ̀ ghàs nâʼà sə ŋaŋ. Ghàs nyîə ke nə È tè kwu ke sê ghɨə əkɨ̂m, ze tyə̂nə̀ nə ghɨ ghəkɨ̂m ə tè kwu yî vəyn.

2 Kolìŋ 5:7

E nyi nyî kûmə̀ nə ghâsènì ndamə tɔynə̂ epomə̂, ə̀ va chi tɔynə̂ afɨa kɛ ə ghâsènì fe.

Ngàleshyà 2:20

kə mə fɨnə ndamə va, pîza ə̀ nyi Klâys kə è ndamə ə mì ə fètəyn. Ndam zɛ ə m ndamə zôyn nyi kûmə̀ èkyî èpomə zɛ ə m kyi sê Va Fèzhə̀ vɛ ə è tè kɔ̂ŋ mi ə fo ngɨŋ ə vəyn ə kwu kûmə̀ mi.

Ɛfesùs 3:9

fɨnə ndâʼà paynsə̂ èndom vɛ ə fɨ̂aʼ ekayntə Fèzhə̀ nə zɨ̂nə̀ kwìə ətəyn nâʼàpî se ndè. Ə̀ nyi eghɛ zɛ ə Zhə̀ fɛ ə fe fɛtə fɨa vekɨ̂m tè ndə̀te sê ghɨ ə shiə kə ə nyi zôyn,

Filìpây 4:7

Ə ghàyn nə̂ nyi, ə Zhə̀fè nəyn ə ghàyn ə nyi è pɔ̂ynè, ə pɔ̂ynè zɛ è ngaŋtə tsɛ̂ ndom vɛ ə wùə m̀sɔ̀ŋ kàʼa è kwaʼte ətəyn. Pɔ̂ynè tə tsâmtə̀ ghàyn nə ghàyn ə kyi va fɨmsêzè kûmə̀ nə ghàyn nyi əghɨ ə Njisə̀s Klâysghè.

Kòlosè 1:5

Ghàs ke ndô nə ghàyn nə̀ zamə kûmə̀ nə, ghàyn kwàʼtə̀ ndò ə ghàyn ətəm nə ghàyn tə kyîə ndò pɔsê zɛ ə Zhə̀fè tè ndə̀m sê ghàyn ekwùtwəyn. Ghàyn ə tə kàynè zɨ ghɛghe kûmə̀ èpɔsê nə zɛ mə, kə tè ndàʼa tom èchùŋ, è səmɔʼ sê ghàyn sə shi.

Kòlosè 2:20

E nyi zôyn kəpi ghàyn ə kwu paʼse ghâynghə̀ Klâys. Nyiəmə lwɔ̂ŋ ə mbive fɨyn kyi va tyaʼke ə ghàyn ətu. Ə̀ nəyn ghe nə ghàyn ə pa chûmtə̀ èlwɔ̂ŋ nə vɛ mə kəpiə mbi fɨyn kyi ndò tyaʼke ə ghàyn ətuə?

Kòlosè 2:3

Ə̀ nyi Klâys ə è kàʼa è nəyn ə ghàyn fɛte kê ə̀ghɛ ə Fezhə̀ghè. Ghɛ nə ghɛ mə nyîə ngəs kyi m̀kɔʼnè.

Kòlosè 3:4

Ə̀ nyi Klâys ə è paynse nyi èndam ə ghasènìze, mə shîŋə̀ kɛ ə è tə pə̂ fâ ə fètə̂ ə̀ mbi, ghàyn əkɨ̂m tə pə̂ ə nyi ghâyn ghə̀ vəyn, è pomsê ə vəynze ekɨ̂m.

Ipilù 7:25

Ə̀ za nyi eghɛ zɛ ə è nyi pî ashìŋə̀ àkè mə è kàʼa è sɔza ə̀ghɨ ghɛ ə ghe pə̀ sê Zhə̀fè mə ə tɔyne tsɛ̂ ə və gho kûmə̀ nə è nyîə ndamə faŋə, chyatə̂ Fèzhə̀ ə ghənə elùʼ.

1 Pità 3:4

Tsɔ̂f ətəynze pɨl kyi sə̂ nyi ə ghàyn ə tendam. Kyì etsɔ̀f nə zɨ̂nə̀ mə mə ze mɨsə̂ va nyi se wùə vɛ ə è kyi zuʼse pɔynəse, zɨnə mə nyîə kɔʼnə̂ ə Zhə̀fè əshi nâʼà sə ŋaŋ.

1 Pità 4:2

Famə endom, ə ghàyn tə tàʼa ndamə mɨ̀sè endam zaynze fâ əchi endom vɛ ə njà sewìynse kyiŋə, ə ghàyn ə pɨlə ndamə kè kə̂ Zhə̀fè kyiŋə.

1 Njɔyn 3:2

Soyn ghɨm ghe kɔ̀ŋə̀, ghâsènì kàyne nyi ə̀ghɔ Fezhə̀ghè, pîza Fe paʼà nyìəm chwitè nə ghâsènì tə pə̂ ə nyi zàyn shîŋə̀ kɛ ə Klâys tə kɛsə pə̂. Pîza ghâsènì ke ndô nə shîŋə̀ kɛ ə Klâys tə pə̂ ətəyn, ghâsènì tə nə̂ ə nyi ke kə Vəyn, kûmə̀ nə ghâsènì tə fe vəyn kè kə è nyi.

Etyə̂yn ə paynsêzè 2:17

Ə̀ kyi pîndè tùŋneve, è və zɨtə̂ èghɛ zɛ ə Zuʼse Ŋwaʼase pìə sê ndɛ sə Fezhə̀sè. Ə̂ nò zhi pîndè pi, ə m fo fɨazhiə e ndətə vîve se vəyn, e tɔŋtə̂ nə manà, ə m fɨyn fo èchi fɨfə zhîze se vəyn mə ə nyàʼ zə e fe zhîze ətəyn, wùə vîvè e ke va, ə̀ tsɛ̂ kə va wùə vɛ ə m fo chi ətəyn se vəyn.›”