Kòlosè 3:24 - Ŋwàʼlè ə̀ Fèzhə̀ Mkâyn Mə̂ Fèm

²⁴ Ghàyn e ke nə Pɛ̂pɛ tə ndaʼà ghàyn è fɨa vɛ ə è nyi mə è və ndə̀m sê ghɨ vəynghe. Ə̀ nyi sê Pɛ̂pɛ Klâys kə ghàyn fɨ̀aʼà.

Kòlosè 3:24 ပူးပေါင်းရင်းမြစ်များ

Matyò 10:41

Ə̂ fi pi ndè fɨ̀aʼtè kûmə̀ nə è nyi fɨ̀aʼtè ə̀ Fèzhə̀, ə è və kyi èmâʼte kèpi kə̂ fɨaʼtə̀ Fèzhə̀, ə fi ndzɨse pindè wùə kûmə̀ nə wùə ə̀təyn nyi chichi ə Zhə̀fè əshi, ə è və kyi emâʼte ə wùə chichize.

Matyò 5:12

Ghàyn e saŋnə̂ fɨnə tyalə, kûmə̀ nə ə ndə̀m mâʼte eghaʼâvè ekwùtwəyn sê ghàyn. Ə̀ nyì kepî za kə ə tè chɔʼɔ ghol ə sèfɨ̀aʼtè sə shise.

Matyò 5:46

Zhə̀fè nə̀ maʼtə̀ ghàyn sə ghɛ ə ghàyn kɔ̀ŋə̀ kə ghɨ ghɛ ə kɔ̂ŋə̀ ghàyn ə? Piə ə̀ghɨ ghɛ ə tənə tâksè nə̀ kəpî zâ.

Matyò 6:16

“Ə̂ ghàyn pamə choze, kə ghàyn ə kosə̂ kyâʼà kə ghɨə kaŋkaŋə nə̂. Ghənə piə pamə ècho, e kosə̂ kyâʼà kə ghɨ fe nə ghənə pamə ècho. M pîə se ghàyn səmɔʼ nə ghənə kàynè kyî mâʼtè ə ghənə̂zè.

Matyò 6:5

Ə ghàyn piə tsə̂mə̀, kə ghàyn ə tsə̂mə̀ kə ghɨ ghɛ ə kaŋkaŋə nə̂. Ghənə kɔ̂ŋə̀ sə̂ ndwìə tsə̀mə̀ ə sendɛ sə atsɨ̀yntese tsəməse è kɨsè echo fàfə̀, kə nâʼà pîndè fe ghənə. M tsâ sê ghàyn səmɔʼ nə kyì əghɨ̀ ghɨ̂yn ə kàynè kyî maʼte ə ghənə̂zè ekɨ̂m.

Tom èchùŋ kè kə Lûk tè nyaʼ 14:14

Ə ò nə̀yn za, ə pɔsêzè pə̀yn sê ghò kûmə̀ nə ghənə tə kɛsə̂ ndâʼà va gho. Ə Zhə̀fè tə ndàʼ ghò etuʼ vɛ ghɨ ghɛ ghe nyi chichi ə və shi kɛse zômə̀.”

Tom èchùŋ kè kə Lûk tè nyaʼ 6:35

Pîza m piə sê ghàyn nə, ghàyn kɔ̂ŋɔ̀ sèpàyn saynse, nə̂ chùŋ sê ghənə, samsə̂ èfɨa sê ghənə naʼapi ezhoghɛ ə ke va nə ghənə tə kɛsə̂ fo. Ə ghàyn nə̀ zâ, ə mâʼte vaynve tə nə̂ ə və ghaʼa kə nyi, ə ze ə fɨnə tyə̂nə̀ nə ghàyn nyi ke nâʼà əghɔə Fezhə̀ fɛ fe ngaŋte kwəyn kûmə̀ nə fe tɔ̂ʼnə̀ è ghɨ piə è ghɛ ə ghe ndamə fe kê va chùŋ.

Njɔyn 12:26

Ə̂ fɨaʼà pîndè sê Mi, ə è və kyi se chùmtə mi kə luʼ vɛ m nyi ətəyn, ə wufɨ̀aʼa vɨ̂m ə pɔŋ nyi fu. Pɨ̀a vɨm nə̀ fo èmâʼte sê wùə vɛ è fɨ̀aʼa sê mi.”

Ətefɨ̂aʼ 20:32

Mə zôyn m fo ghàyn sê tɔʼnè ə Fezhə̀zè è tom ə̀ Vəyn zə àfùʼ zɛ ə è nyì se nə̀yn nə ghàyn ndəmə, è kɨsè se fo ghàyn è pɔsê tɛ ə Zhə̀fè kyi sê ghɨə Vəyn ghəkɨ̂m.

Ŋwàʼlè ə̀ Pɔ̂l sê ghɨə Lûmghè 1:1

Ə̀ nyaʼ mi Pɔ̂l ŋwàʼlè zɨ̀yn, ə wùə èfɨaʼa ə̀ Njisə̀s Klâys. Zhə̀fè ə chɔʼ mi nə mə nyi wùətom ə̀ Vəyn. È və tom mi ə fo mi èfɨaʼzè nə m ndaʼa tom èchùŋ.

Ŋwàʼlè ə̀ Pɔ̂l sê ghɨə Lûmghè 14:18

Mə ə ghɨə fɨaʼà sê Klâys famə endom nə vɨ̂yn, ghənə nə̂ nə Zhə̀fè ə saŋnə̂, ghɨə mɔ̀ʼɔghe e pîə nə ghənə ə nə̀yn ghɛ echûŋzè.

1 Kɔlìŋ 11:23

Ghɛ zɛ m zaʼlə se ghàyn nyi zɛ ə m tè zɨ sê Pɛ̂pɛ, ze nyi nə, ə̀ tè nyi ètuʼve əfetuʼ fɛ ə tè pəʼle Pɛ̂pɛ Njisə̀s ətəyn, È və njìə àpayn ə kwaŋke,

1 Kɔlìŋ 3:8

Wùə vɛ è zho è wùə vɛ e sɨ̀s môm nyi ke èghɨ, nâʼàpî ndè e nyi se tə kyiə emaʼtə vəynve kè kə̂ è tè fɨ̀aʼa.

1 Kɔlìŋ 7:22

Ə Zhə̀fè tɔŋə̂ wùə mə nyi akɔ̂s nə è və chumtə̀ Pɛ̂pɛ, sê Pɛ̂pɛ ə è və fɨyn vachi àkɔ̂s kepî èghɨ kə wùə vɛ ə è tè va akɔ̂s ashìŋə̀ kɛ ə Klâys tè tɔŋə vəyn, ə è kəmne ə è və nyi àkɔ̂s sê Klâys.

Ngàleshyà 1:10

E za tyə̀nə̀ zôyn nə, m nə̂ èghɛ zɛ ə ghɨ kyiŋə mə zɛ ə Zhə̀fè kyiŋə? E za nyi nə m nə̂ nə ghɨ ghə saŋnə mə? Ə m sè kyiŋə sə̂ nə̂ nə ghɨ ghə saŋnə̂, ə mə fɨyn va wùə è fɨ̀aʼa ə̀ Klâys.

Ɛfesùs 6:6

Ghàyn e zɨə sê ghənə kə ghɨ fɨaʼa Klâysə̀ kè nâʼà səmɔʼ, kè eghɨ kə Zhə̀fè kyiŋə. Kə ghàyn nə zɨə sê ghənə kè ashìŋə̀ kɛ ə ndə̂m shiə ə ghàyn ewìyn kûmə̀ nə ghàyn kyiŋə nə ə ke nə ghàyn fɨ̂aʼà àchûŋ.

Ɛfesùs 6:8

Ghàyn e ke nə ə wùə nə̀yn nâʼàpî chùŋ èkè, kɨ̀sə è nyi akɔ̂s kɨ̀sə è va, ə Zhə̀fè tə fo èmâʼtè ətəyn sê vəyn.

Kòlosè 2:18

Kə ghàyn za nə wùə ə pîə sê ghàyn nə ghàyn kyi sə̂ njiə sèngɨŋ saynse əchi. Kə ghàyn za kepî nə wùə tsayn se ghàyn nə ghàyn kyi sə̂ ngɨmnə̂ sètsì kə è ngɨmnə. Ə ghàyn nə̀yn zamə ə njise mâʼtè vayn vɛ ə Zhə̀fè pì nə è nə̀ fo sê ghàyn. Nâʼàpî ndè vɛ ə è zaʼlə zamə, è pìə nə zhi fe ətelaynəlayn. Kyì ə wûə nə vɛ mə ghaŋsə̂ èwiyn səndô, è ghɛ ə pi ghɛ ə ghe fɨə ə vəyn ətəm, mə è kyi va ghɛ zhîze se pì.

Ipilù 10:35

Nyiəmə, ghàyn e nyi ke endom vɛ ə ghàyn tè nyì chi sə shi, kə ghàyn fayn ghɛ zhîze kûmə̀ nə təm ə tɛ ghaynghe nə̀ pə̂ ghàyn èmaʼte eghaʼâzè.

Ipilù 11:6

Wùə vîvè vayn kaʼa è nəyn nə Zhə̀fè ə saŋnə̂ mə è kyi va kyî epomə̂zè. Ə̂ kyiŋə pîndè sə̂ kɔʼsə̂ Fèzhə̀, ə è və kyi se pomə̂ nə Zhə̀fè nyîə ndamə fɨnə maʼtə̀ ə̀ghɨ ghɛ ə ngɨmnə vəyn.

Ipilù 9:15

Ə̀ za nyi eghɛ ze ə Klâys nyi wùə vɛ ə è pɨaʼte kâyn me fɛ̂m se nə̀yn nə ghɨ ghɛ ə Zhə̀fè tɔŋɔ kyi pɔsê endamə faŋə zɛ ə fe tsɨ̂nè. E nyi nyî kûmə̀ nə Klâys ə tə kwu se sɔza əghɨ ə sepi sɛ ə ghənə tè nə̂ ə shɨŋ zɛ ə kàyn mə èmɨmè tè pa kyi àtyaʼ.

1 Pità 1:4

ə fɨyn kyi èghaʼ ekwùtwəyn kə Zhə̀fè ndə̀m mə ze vayn kàʼa ə ze fi, mə ze vayn kàʼa ə ze pof, mə ze vayn kàʼa ə ze chaʼ.

2 Pità 1:1

Ə̀ nyâʼà mi Shimùyn Pità ŋwàʼlè zɨ̀yn. M nyi wufɨ̀aʼa ə Njisə̀s Klâys fɨyn nyi kepî wùətom ə̀ vəyn. M nyâʼà ŋwàʼlè nə zɨ̂yn sê ghàyn ghɛ ə ghàyn pomə sê Njisə̀s Klâys kèpi kə ghàs. Njisə̀s Klâys nəyn nə ghâsènì kyi kyî epomə̂ nə zɨ̂nə̀ kûmə̀ nə è nyi chichi kə Fezhə̀, ə nyi vəyn vɛ ə ghâsènì kɔʼsə, è nyi sɔ̀zà ə̀ ghâsènì.

Njût 1:1

Ə̀ nyâʼà mi Njût ŋwàʼlè zɨ̀yn sê ghàyn. M nyi ànyìə Njə̂m, nyi wùə èfɨ̀aʼa ə̀ Njisə̀s Klâys. M nyâʼà zɨ̂ynzè sê ghàyn əkɨ̂m ghɛ ə Zhə̀ fɛ ə fe nyi Pɨ̀a nyi mə fe ə tɔŋə̂. Fe nyîə kɔ̂ŋə̀ ghàyn ə ndə̀mə̀ ghàyn nə Njisə̀s Klâys ə tɔ̂ʼnə̀ è ghàyn.